Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ୱର : ୨୬ ଯାଏଁ ରାଜ୍ୟର କିଛି ସ୍ଥାନରେ କୋହଲା ପାଗ ସହ ବର୍ଷା, ସତର୍କ କଲା ପାଣିପାଗ ବିଭାଗ
  • ||
  • ଲମତାପୁଟ : ପାଡୁଆ ପୋଲିସକୁ ସଫଳତା, ୨୦ ଲକ୍ଷ ଟଙ୍କାର ଗଞ୍ଜେଇ ଜବତ
  • ||

ହାତୁଡିରେ ଛେଚି ସ୍ତ୍ରୀ, ପୁଅ ଏବଂ ଝିଅକୁ ହତ୍ୟା କଲା ପୋଲିସ କର୍ମଚାରୀ, ସ୍ତ୍ରୀ ସହ ହୋଇଥିଲା ଝଗଡା

2/02/2020 at 2:28 PM

ରାଞ୍ଚି ୨।୨: ଝାଡଖଣ୍ଡ ରାଞ୍ଚିରେ ଅଭାବନୀୟ ଘଟଣା ଘଟିଛି । ଜଣେ ପୋଲିସ କର୍ମଚାରୀ ନିଜ ହାତରେ ନିଜ ପରିବାର ଉଜାଡି ଦେଇଛନ୍ତି । ପୋଲିସ କର୍ମଚାରୀ ଜଣଙ୍କ ନିଜ ସ୍ତ୍ରୀ, ପୁଅ ଏବଂ ଝିଅକୁ ହାତୁଡିରେ ଛେଚି ହତ୍ୟା କରିବା ପରେ ନିଜେ ଆତ୍ମହତ୍ୟା ଉଦ୍ୟମ କରିଛନ୍ତି । ତାଙ୍କୁ ଗୁରୁତର ଅବସ୍ଥାରେ ମେଡିକାଲରେ ଭର୍ତ୍ତି କରାଯାଇଛି । ସେଠାରେ ତାଙ୍କର ଚିକିତ୍ସା ଜାରି ରହିଛି । ଘଟଣା ଘଟାଇବା ବେଳେ ପୋଲିସ କର୍ମଚାରୀ ଜଣଙ୍କ ନିଶାଶକ୍ତ ଅବସ୍ଥାରେ ଥିବା ଜଣାପଡିଛି ।

ସୂଚନାଯୋଗ୍ୟ ଯେ, ପୋଲିସ ସ୍ପେଶାଲ ବ୍ରାଞ୍ଚରେ ଡ୍ରାଇଭର ଭାବେ କାର୍ଯ୍ୟରତ ବ୍ରଜେଶ ତିଓ୍ବାରୀ ଏଭଳି ଅଭାବନୀୟ ଘଟଣା ଘଟାଇଛନ୍ତି । ପାମୁଲ ଜିଲ୍ଲାର ବାସିନ୍ଦା ବ୍ରଜେଶ ନିଜ ପରିବାର ସହ ବଡଗାଇଁ ଅଞ୍ଚଳର ଚନ୍ଦ୍ରଗୁପ୍ତନଗରରେ ଭଡା ଘରେ ରହୁଥିଲେ । ସେ ତାଙ୍କ ନିଜ ସ୍ତ୍ରୀ, ପୁଅ ଏବଂ ଝିଅକୁ ହାତୁଡିରେ ଛେଚି ହତ୍ୟା କରିବା ପରେ ନିଜେ ଆତ୍ମହତ୍ୟା ଉଦ୍ୟମ କରିଛନ୍ତି ।

ଶୁକ୍ରବାର ଦିନ ନିଶାଶକ୍ତ ଅବସ୍ଥାରେ ବ୍ରଜେଶ ତାଙ୍କ ପତ୍ନୀ ରିଙ୍କି ଦେବୀଙ୍କ ସହ ଝଗଡା କରିଥିଲେ । ଝଗଡା ଏତେ ଭୟଙ୍କ ରୂପ ନେଇଥିଲା ଯେ, ସେ ପାଖରେ ପଡିଥିବା ଏକ ହାତୁଡି ନେଇ ପିଟିବାକୁ ଲାଗିଥିଲେ । ବ୍ରଜେଶ ତାଙ୍କ ପତ୍ନୀଙ୍କୁ ପିଟୁଥିବାର ଦେଖି ତାଙ୍କ ପୁଅ ଏବଂ ଝିଅ ଦୌଡି ଆସିଥିଲେ । ସେମାନଙ୍କ ତାଙ୍କ ମା’ଙ୍କୁ ବଞ୍ଚାଇବା ପାଇଁ ଚେଷ୍ଟା କରିଥିଲେ । ମାତ୍ର ବ୍ରଜେଶଙ୍କ ମୁଣ୍ଡରେ ରକ୍ତ ଚଢିଯାଇଥିଲା । ସେ ତାଙ୍କ ପୁଅ ଏବଂ ଝିଅକୁ ମଧ୍ୟ ମାରିଦେଇଥିଲା । ସୂଚନା ପାଇ ୧୦ଘଣ୍ଟା ପରେ ଘଟଣାସ୍ଥଳରେ ପୋଲିସ ପହଞ୍ଚି ଯାଞ୍ଚ ଆରମ୍ଭ କରିଥିଲା ।

   Related Posts