Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ଛିଡ଼ା ହୋଇ କଥା ହେଉଥିଲେ ବ୍ୟକ୍ତି, ପାଖରେ ପରିସ୍ରା କରିବାରୁ ମନା କଲେ, ରାଗି ଯାଇ ହତ୍ୟା କଲା ଯୁବକ

3/10/2021 at 5:54 PM

ମୁମ୍ୱାଇ, ୦୩/୧୦: ସମାନ୍ୟ କଥାକୁ ନେଇ ମହାରାଷ୍ଟ୍ରରେ ଜଣେ ଯୁବକଙ୍କୁ ଛୁରିରେ ଆକ୍ରମଣ କରି ହତ୍ୟା କରିଦିଆଯାଇଥିବା ଜଣାପଡ଼ିଛି । ପ୍ରତ୍ୟେକ୍ଷଦର୍ଶୀଙ୍କ କହିବା ଅନୁସାରେ ଏହି ବ୍ୟକ୍ତି ଜଣେ ଯୁବକଙ୍କୁ ତା ପାଖରେ ପରିସ୍ରା କରିବାକୁ ମନା କରିଥିଲା । ଏହି କଥାକୁ ନେଇ ଦୁହିଁଙ୍କ ମଧ୍ୟରେ ଝଗଡ଼ା ଏତେ ବଢ଼ିଯାଇଥିଲା ଯେ, ଉକ୍ତ ଯୁବକକୁ ଛୁରୀରେ ହତ୍ୟା କରିଯାଇଥିଲା । ପୋଲିସ୍‌ ଶନିବାର ଦେଇଥିବା ସୂଚନା ଅନୁସାରେ, ଏହି ଘଟଣା ବଗଲା ଗାର୍ଡେନ୍‌ ପାଖରେ ଶୁକ୍ରବାର ସନ୍ଧ୍ୟାରେ ଘଟିଥିଲା ।

ମିଳିଥିବା ସୂଚନା ଅନୁସାରେ ୪୧ ବର୍ଷୀୟ ମହମ୍ମଦ ରଫିଫ୍‌ ଅଂସାରୀ ତାଙ୍କ ସାଙ୍ଗ ସହିତ କଥା ହେଉଥିଲେ । ଏହି ସମୟରେ ୨୪ ବର୍ଷୀୟ ମହମ୍ମଦ ଅବଦୁଲ୍ଲା ଆଲମ ଶେଖ ସେଠାରେ ପହଞ୍ଚିଥିଲା । ରଫିଫ୍‌ ଛିଡ଼ା ହୋଇ କଥା ହେଉଥିବା ସ୍ଥାନର ପାଖରେ ଅବଦୁଲ୍ଲା ପରିସ୍ରା କରୁଥିଲା । ଯାହାକୁ ନେଇ ରଫିଫ୍‌ ତାକୁ ବାରଣ କରି ଅନ୍ୟ କୋଉଠି ପରିସ୍ରା କରିବାକୁ କହିଥିଲା ।

ଏହି କଥାକୁ ନେଇ ଦୁହିଁଙ୍କ ମଧ୍ୟରେ ବିବାଦ ସୃଷ୍ଟି ହୋଇଥିଲା । ଏହା ଏତେ ବଢ଼ି ଯାଇଥିଲା ଯେ ରାଗି ଯାଇଥିବା ଅବ୍‌ଦୁଲ୍ଲା, ରଫିଫ୍କୁ ଛୁରୀରେ ଆକ୍ରମଣ କରିଥିଲା । ଛୁରି ଭୁସି ସେଠାରୁ ସେ ଫେରାର ହୋଇଯାଇଥିଲା । ଘଟଣା ପରେ ରଫିଫ୍‌କୁ ସ୍ଥାନୀୟ ହସ୍ପିଟାଲ୍‌କୁ ନିଆଯାଇଥିଲା । ହେଲେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ । ୱଡାଲା ଟ୍ରକ ଟର୍ମିନାଲ୍‌ ପୋଲସ୍‌ ଷ୍ଟସନର ଅଧିକାରୀ ଏନେଇ କହିଛନ୍ତି ଯେ, ଏହି ଘଟଣାରେ ଅଭିଯୁକ୍ତକୁ ଗିରଫ କରାଯାଇଛି ଏବଂ ତଦନ୍ତ ଜାରି ରହିଛି ।   

   Related Posts