Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

ପ୍ରେମ କରିଦେଲା ଅନ୍ଧ : ପ୍ରେମିକା ପାଇଁ ବାପା, ମା, ସ୍ତ୍ରୀ ଓ ଭଉଣୀକୁ ହତ୍ୟା

15/05/2020 at 5:41 PM

ପ୍ରୟାଗରାଜ ୧୫/୦୫ : ପ୍ରେମ ପାଇଁ ଗଲା ପୁରା ପରିବାରର ଜୀବନ | ପରିବାରର ଏକମାତ୍ର ପୁଅ ନିଜ ପ୍ରେମ ପାଇଁ ମା, ବାପା, ଭଉଣୀ ଓ ସ୍ତ୍ରୀକୁ ହତ୍ୟା କରିଛି | ହତ୍ୟାକାରୀ ପୁଅକୁ ପୋଲିସ ଗିରଫ କରିଛି | ସେ ବୟାନରେ କହିଛି ଯେ ସେ ଜଣେ ଯୁବତୀଙ୍କୁ ପ୍ରେମ କରୁଥିଲେ | ତାଙ୍କୁ ବିବାହ ମଧ୍ୟ କରିବାକୁ ଚାହୁଁଥିଲା | କିନ୍ତୁ ପରିବାରଲୋକେ ତାକୁ ବିରୋଧ କରିଥିଲେ | ପ୍ରେମିକା ସହ ସାକ୍ଷାତ କରିବାକୁ ଭଉଣୀ ଓ ପତ୍ନୀ ବାରଣ କରୁଥିଲେ | ଏପଟେ ବାପା ମା ମଧ୍ୟ ଗାଳି କରୁଥିଲେ | ପ୍ରତିଦିନର ପାଟିତୁଣ୍ଡରୁ ବିରକ୍ତ ହୋଇ ସମସ୍ତଙ୍କୁ ରାସ୍ତାରୁ ହଟାଇବାକୁ ଷଡଯନ୍ତ୍ର ରଚିଲା |

ହତ୍ୟାକାରୀ ଆତିଶ କେଶରବାନି ପୋଲିସକୁ କହିଛି ଯେ ସେ ପ୍ରେମ ବିବାହ କରିଥିଲା | କିନ୍ତୁ ବିବାହ ପରେ ତାଙ୍କର ପିଲାଛୁଆ ହୋଇନଥିଲା | ସେଥିପାଇଁ ସ୍ୱାମୀ ସ୍ତ୍ରୀ ସମ୍ପର୍କରେ ଫାଟ ସୃଷ୍ଟି ହୋଇଥିଲେ | ଧୀରେ ଧୀରେ ଉଭୟଙ୍କ ମଧ୍ୟରେ ଦୂରତା ବଢିଚାଲିଲା | ଇତି ମଧ୍ୟରେ ତାଙ୍କ ଜୀବନକୁ ଆଉ ଜଣେ ଯୁବତୀ ଆସିଥିଲା | ଧୀରେ ଧୀରେ ଉଭୟଙ୍କ ସମ୍ପର୍କ ମଧୁର ହେବାକୁ ଲାଗିଲା | ଉଭୟ ପରସ୍ପର ସହ ଫୋନରେ କଥାବାର୍ତ୍ତା କରୁଥିଲେ | କିଛି ଦିନ ଏମିତି ଚାଲିବା ପରେ ଘରଲୋକ ସମସ୍ତ ଘଟଣା ଜାଣି ପାରିଥିଲେ | ଥରେ ତାଙ୍କୁ ଆପତ୍ତିଜନକ ସ୍ଥିତିରେ ମଧ୍ୟ ଘରଲୋକ ଦେଖିଥିଲେ | ଏହାପରେ ପରିବାରରେ ହଇଚଇ ସୃଷ୍ଟି ହୋଇଥିଲା | ପ୍ରତିଦିନ ଘରେ ପାଟିତୁଣ୍ଡ ଝଗଡା ହେବାକୁ ଲାଗିଲା | ଆତିଶ ଯୁଆଡେ ଗଲେ ତାଙ୍କୁ ଘରଲୋକ ପଚାରିଥିଲେ କୁଆଡେ ଯାଉଛୁ | ଫୋନ ଆସିଲେ ପଚାରିଥିଲେ କାହା ସଂଗେ କଥା ହେଉଛି | ୨୪ ଘଣ୍ଟା ପରିବାରଲୋକ ପୁଅ ଉପରେ ନଜର ରଖିବା ଆରମ୍ଭ କରିଥିଲେ | 

ଆତିଶର ଭଉଣୀ ପାଖେ ଭାଇ ଓ ତାଙ୍କ ପ୍ରେମିକାର ଫଟୋ ମଧ୍ୟ ଥିଲା | ଧମକ ଦେବାରୁ ସେ ତାଙ୍କ ଫଟୋକୁ ଫେସବୁକରେ ଭାଇରାଲ କରିଦେଲେ | ଫଟୋ ଭାଇରାଲ ହେବାପରେ ଆତିଶ ଚିନ୍ତିତ ହୋଇପଡିଲେ | ତାଙ୍କ ପ୍ରେମିକା ମଧ୍ୟ ରାଗି ଯାଇଥିଲେ | ଏହିସବୁ ଅଶାନ୍ତିରୁ ମୁକ୍ତି ପାଇବ ପାଇଁ ସେ ସମସ୍ତଙ୍କୁ ରାସ୍ତାରୁ ହଟାଇବା ପାଇଁ ଷଡଯନ୍ତ୍ର ରଚିଲା | ଷଡଯନ୍ତ୍ର କରି ସେ ପୁରା ପରିବାରକୁ ସଫା କରିଦେଲା | ପ୍ରେମରେ ଅନ୍ଧ ହୋଇ ସେ ନିଜ ଜନ୍ମ କଲା ବାପା-ମା, ଭଉଣୀ ଓ ପତ୍ନୀକୁ ହତ୍ୟା କରିଦେଲା | ତେବେ ପୋଲିସକୁ ଆତିଶ ବାରମ୍ବାର ଗୋଟିଏ କଥା କହିଥିଲା ଯେ ହତ୍ୟା ପଛରେ ତା ପ୍ରେମିକାର ହାତ ନାହିଁ | ସେ ସମ୍ପୂର୍ଣ ନିର୍ଦୋଷ | ଯାହା ଦଣ୍ଡା ଦେବା କଥା କେବଳ ତାକୁ ଦିଅନ୍ତୁ ତାଙ୍କ ପ୍ରେମିକାକୁ ନୁହେଁ | ପୋଲିସ ଆତିଶ ବିରୋଧରେ ହତ୍ୟା ମାମଲା ରୁଜ୍ଜୁ କରି ତଦନ୍ତ କରୁଛି | 

   Related Posts