ପଟ୍ଟାମୁଣ୍ଡାଇ ୪/୬ : ମୁଖା ପିନ୍ଧା କାମୁକ ସ୍ୱାମୀ । ନାବାଳିକାଙ୍କୁ ପ୍ରେମ ଜାଲରେ ଫସାଇ ଗର୍ଭବତୀ କରିବା ପରେ କରିଛି ପ୍ରତାରଣା । ତେବେ ଜଣେ ନୁହେଁ ଏକାଧିକ ନାବାଳିକାଙ୍କୁ ଜଣେ ଯୁବକ ପ୍ରେମଜାଲରେ ଫସାଇ ନିଜ ଉଦ୍ଦେଶ୍ୟ ଚରିତାର୍ଥ କରିଛି । ଏହାକୁ ନେଇ ପଟ୍ଟାମୁଣ୍ଡାଇ ଅଞ୍ଚଳରେ ଆଲୋଡନ । ଅଭିଯୁକ୍ତ ଯୁବକ ଜଣକ ଫେରାର ହୋଇଯାଇଥିବା ବେଳେ, ତାର ବାପାକୁ ଗିରଫ କରିନେଇଛି ପୋଲିସ । କିନ୍ତୁ ଏପଟେ ମାଆ ହୋଇସାରିଥିବା ବିଚରା ନାବାଳିକାଟି ପ୍ରତାରକ ସ୍ୱାମୀର ଏପରି ଏକାଧିକ କାରନାମା ନେଇ ଜାଣିବା ପରେ କେବଳ ଲୁହ ଗଡାଇ ଚାଲିଛି ।
{"id":119723}
ନାବାଳିକାକୁ ଅପହରଣ କରିନେଇ ବିବାହ । ଉଦ୍ଦେଶ୍ୟ ଚରିତାର୍ଥ ହେବା ପରେ ନାବାଳିକା ପତ୍ନୀ ସହ ନବଜାତ ଶିଶୁ କନ୍ୟାକୁ ଛାଡି ଦେଇ ପ୍ରତାରକ ସ୍ୱାମୀ ଫେରାର । କେନ୍ଦ୍ରାପଡା ଜିଲ୍ଲାର ତାଳଚୁଆ ଥାନା ଅନ୍ତର୍ଗତ ରାଜେନ୍ଦ୍ର ନଗରର ଏପରି ଘଟଣାକୁ ନେଇ ଆଲୋଡନ ।
{"id":119724}
ଅଭିଯୁକ୍ତ ଯୁବକ ଜଣକ ସେହି ତାଳତୁଆ ଥାନା ଅନ୍ତର୍ଗତ ଶୈଳନ୍ଦ୍ର ନଗର ବାସିନ୍ଦା ଅନାଦି ଦାସ ।୨୦୧୮ ଜୁନ୍ ୧ ତାରିଖ ଦିନ ଅନାଦି ବଳପୂର୍ବକ ନାବାଳିକା ଜଣକୁ ଅପହରଣ କରିନେଇଥିବା ଅଭିଯୋଗ ହୋଇଥିଲା ।ନାବାଳିକାକୁ ପଶ୍ଚିମବଙ୍ଗ ନେଇ ସେଠାରେ ବଳପୂର୍ବକ ବିବାହ କରିଥିଲା । ଏବେ ସଂପୃକ୍ତ ନାବାଳିକାକୁ ୧୬ ପୂରିନି , ଅଥଚ କୋଳରେ ୪୫ ଦିନର ଶିଶୁ କନ୍ୟା ।
{"id":119725}
କିନ୍ତୁ ତାଙ୍କୁ ବାପଘରେ ଛାଡି ମାଛ ମାରିବାକୁ ଯାଉଛି କହି ପ୍ରତାରକ ସ୍ବାମୀ ଅନାଦି ଫେରାର୍ । ଆହୁରି ଚିନ୍ତାଜନକ ହେଲା, ଏବେ କୁଆଡେ ଅନାଦି ସ୍ଥାନୀୟ ପଟାପାରିଆ ଗାଁ ର ଆଉ ଜଣେ ନାବାଳିକାଙ୍କୁ ସେହିପରି ଢଙ୍ଗରେ ବିବାହ କରି ପଶ୍ଚିମବଙ୍ଗରେ ରହିଛି । ଏହି ଖବର ପାଇବା ପରେ, ପ୍ରତାରଣାର ଶିକାର ନାବାଳିକା ମାଆ ର ଆଖିରୁ ଲୁହ ଶୁଖୁନି ।
{"id":119726}
ଅଭିଯୁକ୍ତ ଅନାଦି ଦାସର ବୟସ ପାଖାପାଖତ୍ ୨୩ ବର୍ଷ । ମାଛ ବ୍ୟବସାୟ କରୁଥିବା କହି ସେ ଝିଅ ମାନଙ୍କୁ ପ୍ରେମ ଜାଲରେ ଫସାଇ ଏପରି କାରନାମା କରିଚାଲିଥିବା ଚର୍ଚ୍ଚା ହୁଏ । ନାବାଳିକାଙ୍କୁ ଫସାଇ ନେଇ ସେ ପଶ୍ଚିମବଙ୍ଗ ପଳାଇଯାଇଥାଏ ।
{"id":119727}
ଅଭିଯୁକ୍ତ ଅନାଦି ନାମରେ ଏପରି ଅଭିଯୋଗ ପରେ ଏବେ ପୋଲିସର ଭୂମିକା ଉପରେ ସମସ୍ତଙ୍କ ନଜର । ତେବେ ଏହି ଘଟଣାର ତଦନ୍ତ ଜାରି ରଖିଥିବା ତାଳଚୁଆ ପୋଲିସ ଅଭିଯୁକ୍ତ ଅନାଦିର ବାପାକୁ ଗିରଫ କରି କୋର୍ଟ ଚାଲାଣ କରିଛି । ଅଭିଯୁକ୍ତ ଅନାଦିକୁ ଗିରଫ କରିବା ଲାଗି ବ୍ଲୁପ୍ରିଣ୍ଟ ପ୍ରସ୍ତୁତ ହୋଇଛି, ଏବଂ ଖୁବ୍ ଶିଘ୍ର ତାକୁ ଗିରଫ କରାଯିବ ଓ କାର୍ଯ୍ୟାନୁଷ୍ଠାନ ହେବ ବୋଲି ପ୍ରତିଶ୍ରୁତି ଦେଇଛନ୍ତି ଥାନା ଅଧତ୍କାରୀ ।
{"id":119728}
ଅଭିଯୋଗ ସାଂଘାତିକ । ତାଠୁ ଆହୁରି ଜରୁରୀ ପୀଡିତାଙ୍କୁ ନ୍ୟାୟ । ତେଣୁ ଅନାଦି ଭଳି ଅଭିଯୁକ୍ତ ବିରୋଧରେ ତ୍ୱରିତ କାର୍ଯ୍ୟାନୁଷ୍ଠାନ ପାଇଁ ଦାବି କରିଛନ୍ତି ସ୍ଥାନୀୟ ବାସିନ୍ଦା ।
