Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନିର୍ବାଚନ ପ୍ରଚାର ବେଳେ ଉତ୍ତେଜନା : କୋଭିଡ୍ କଟକଣା ଭାଙ୍ଗି କରୁଥିଲେ ସଭା, ୨ ଗୋଷ୍ଠୀ ମୁହାଁମୁହିଁ
  • ||
  • ରାଜ୍ୟରେ ଆଉ ୭ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୫୩୨କୁ ବୃଦ୍ଧି
  • ||
  • ରାଜ୍ୟରେ ଖସିଲା ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୫୮୯୧ କୋଭିଡ୍ ପଜିଟିଭ୍, ୧୨୧୭୮୪୨ରେ ପହଞ୍ଚିଲା ସଂଖ୍ୟା
  • ||
  • ମଙ୍ଗଳବାରଠୁ ଓଡିଶା ଓପନ୍ ବ୍ୟାଡମିଣ୍ଟନ୍, ଭାଗନେବେ ୧୭ ଦେଶର ୩୫୦ ପ୍ରତିଯୋଗୀ
  • ||
  • ସମାଧାନ ପାଇଁ ଯାଇଥିଲେ ମହିଳା ଏସଆଇ, ୨ ଘଣ୍ଟା ଅଟକ ରଖିଲେ ଗ୍ରାମବାସୀ
  • ||
  • ଇନ୍ଦୋରରେ ଓମିକ୍ରନ୍ ଭାରିଆଣ୍ଟର ନୂଆ ଷ୍ଟ୍ରେନ୍, ୬ ଶିଶୁଙ୍କ ସମେତ ୧୨ ରୋଗୀ ସଂକ୍ରମିତ
  • ||
  • କରଞ୍ଜିଆ ରେଞ୍ଜରେ ଗୋଠଛଡା ଦନ୍ତା ଆତଙ୍କ : ଭାଙ୍ଗିଲା ଘର, ନଷ୍ଟ କଲା ଫସଲ
  • ||
  • ମଙ୍ଗଳବାର ପ୍ରକାଶ ପାଇବ ଚୂଡାନ୍ତ ପ୍ରାର୍ଥୀ ତାଲିକା, ମିଳିବ ନିର୍ବାଚନୀ ଚିହ୍ନ
  • ||

ଯୁବକଙ୍କୁ ଅପହରଣ ପରେ ହତ୍ୟା, ପୋତିଥିଲେ ମୃତଦେହ: ୪ ଗିରଫ

6/06/2020 at 9:53 PM

ମାଲକାନଗିରି, ୦୬|୦୬:  ମାଲକାନଗିରି ଜିଲ୍ଲା କେନ୍ଦୁଗୁଡା ଗ୍ରାମରେ ଜଣେ ଯୁବକଙ୍କୁ ଅପହରଣ କରାଯାଇ ହତ୍ୟା କରାଯାଇଥିବା ସୂଚନା ମିଳିଛି । ଦୁର୍ବୃତ୍ତମାନେ ଯୁବକଙ୍କୁ ହତ୍ୟା କରି ମାଟିତଳେ ପୋତି ଦେଇଥିଲେ । ପୋଲିସ ଗ୍ରାମରେ ପହଁଚି ମୃତଦେହକୁ ମାଟିତଳୁ ଉଦ୍ଧାର କରିବା ସହ ଘଟଣାରେ ସଂପୃକ୍ତି ଅଭିଯୋଗରେ ୪ଜଣଙ୍କୁ ଗିରଫ କରିଛି .

ସୂଚନାନୁସାରେ, ଗ୍ରାମର ସମାର ମାଡକାମୀଙ୍କୁ ଗତ ୪ ତାରିଖ ରାତିରେ କିଛି ଯୁବକ ମିଟିଂ ଅଛି କହି ଡାକି ନେଇଥିଲେ । କିନ୍ତୁ ବିଳମ୍ବିତ ରାତି ଯାଏଁ ସମାରୁ ଘରକୁ ଫେରିନଥିଲେ । ପରିବାର ଲୋକେ ବହୁ ଖୋଜଖୋଜି କରିଥିଲେ ମଧ୍ୟ ସମାରୁଙ୍କର କୌଣସି ପତ୍ତା ମିଳିନଥିଲା । ସେହିଦିନ ରାତିରେ ଗ୍ରାମର ଆଉ କିଛି ଯୁବକ ସମାରୁଙ୍କ ବଡବାପା ପୁଅ ଭାଇ ଉଙ୍ଗାଙ୍କୁ ମଧ୍ୟ ମିଟିଂ ନାଁରେ ଘରୁ ଡାକିନେଇଥିଲେ । ତେବେ ସେ କୌଶଳକ୍ରମେ ଖସି ଆସି ଥାନାରେ ଏତଲା ଦେଇଥିଲେ ।ପରେ ପୋଲିସ ଗ୍ରାମରେ ପହଁଚି ତଦନ୍ତ କରିବା ସହ ସମାରଙ୍କୁ ଅପହରଣ କରାଯାଇ ହତ୍ୟା କରାଯାଇଥିବା ସୁରାକ ପାଇଥିଲା । ଏହି ହତ୍ୟାକାଣ୍ଡରେ ସଂପୃକ୍ତି ଥିବା ଅଭିଯୋଗରେ ପୋଲିସ ଦେବା, ମୁଦ୍ରାମୁଚାକି, ଆଲତାବାତୀ ଓ ରାମୁ କବାସୀଙ୍କୁ ଗିରଫ କରିଛି । ତେବେ ଗୁଣିଗାରେଡି ପାଇଁ ସମାରୁଙ୍କୁ ହତ୍ୟା କରାଯାଇଥିବା ଅଭିଯୁକ୍ତମାନେ ପୋଲିସକୁ କହିଛନ୍ତି ।

ଅଭିଯୁକ୍ତମାନେ କହିଛନ୍ତି ଯେ, ଗ୍ରାମରେ ଗତ ୩ ମାସ ମଧ୍ୟରେ ଅଚିହ୍ନା ରୋଗରେ ପ୍ରାୟ ୧୭ଜଣଙ୍କ ମୃତ୍ୟୁ ହେଲାଣି । ସମାରୁକୁ ଏଥିପାଇଁ ଦାୟୀ କରାଯାଇ ହତ୍ୟା କରାଯାଇଛି । କାରମ ସେ ଆହୁରି ମଧିକ ମୃତ୍ୟୁ ହେବ ବୋଲି କହିବା ସହ ଦମକ ମଧ୍ୟ ଦେଇଥିଲା ।

   Related Posts