Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଚନ୍ଦ୍ରପୃଷ୍ଠରେ ଜାଗା କିଣିଲେ ସ୍ବାମୀ, ବିବାହ ବାର୍ଷିକୀରେ ସ୍ତ୍ରୀଙ୍କୁ ଦେଲେ ଉପହାର

27/12/2020 at 2:39 PM

ଜୟପୁର ୨୭।୧୨: ପ୍ରେମରେ ପଡିଲେ ଅଧିକାଂଶ ପ୍ରେମିକ ତାଙ୍କ ପ୍ରେମିକାଙ୍କୁ ଚାନ୍ଦ-ତାରା ତୋଳି ଆଣି ଦେବାକୁ କହିଥାନ୍ତି । ହେଲେ ଏମିତି ବହୁତ କମ୍ ଲୋକ ଅଛନ୍ତି ଯିଏ ଏହାକୁ ସତରେ କରି ଦେଖାନ୍ତି । ସେମାନଙ୍କ ମଧ୍ୟରୁ ରାଜସ୍ଥାନ ଆଜମେରରେ ଧର୍ମେନ୍ଦ୍ର ଆନିଜା ହେଉଛନ୍ତି ଜଣେ । ଧର୍ମେନ୍ଦ୍ର ତାଙ୍କ ବିବାହ ବାର୍ଷିକୀରେ ସ୍ତ୍ରୀଙ୍କୁ ଚାନ୍ଦ ତ ଆଣି ଦେଇପାରିନାହାନ୍ତି ବରଂ ଚନ୍ଦ୍ରପୃଷ୍ଠରେ ୩ ଏକର ଜାଗା କିଣି ଉପହାର ସ୍ବରୂପ ଦେଇଛନ୍ତି । ବିବାହ ବାର୍ଷିକୀରେ ସ୍ତ୍ରୀ ସ୍ବପ୍ନା ଆନିଜାଙ୍କ ପାଇଁ କିଛି ଖାସ୍ କରିବାକୁ ସେ ମନ ବଳାଇଥିଲେ । ଏହାକୁ ସତରେ କରିବାକୁ ଯାଇ ସେ ତାଙ୍କ ପାଇଁ ଚନ୍ଦ୍ରପୃଷ୍ଠରେ ଜାଗା କିଣିଛନ୍ତି ।

ଧର୍ମେନ୍ଦ୍ର କହିଛନ୍ତି ୨୪ ଡିସେମ୍ବରରେ ତାଙ୍କ ବିବାହ ବାର୍ଷିକୀ ଥିଲା । ସେ ତାଙ୍କ ସ୍ତ୍ରୀଙ୍କ ପାଇଁ କିଛି ଖାସ୍ କରିବାକୁ ଚାହୁଁଥିଲେ । ପ୍ରାୟ ସମସ୍ତେ କାର୍, ଗହଣା ଭଳି ଉପହାର ସ୍ତ୍ରୀମାନଙ୍କୁ ଦେଇଥାନ୍ତି । ମାତ୍ର ସେ କିଛି ଭିନ୍ନ କରିବାକୁ ଚାହୁଁଥିଲେ । ଏଥିପାଇଁ ସେ ତାଙ୍କ ସ୍ତ୍ରୀଙ୍କ ପାଇଁ ଚନ୍ଦ୍ରପୃଷ୍ଠରେ ଜାଗା କିଣିଦେଇଛନ୍ତି । ଧର୍ମେନ୍ଦ୍ର ଲୁନା ସୋସାଇଟି ଇଣ୍ଟରନ୍ୟାସନାଲ ମାଧ୍ୟମରେ ଚନ୍ଦ୍ରପୃଷ୍ଠରେ ଜାଗା କିଣିଛନ୍ତି । ଜାଗା କିଣିବାର ସମସ୍ତ ପ୍ରକ୍ରିୟା ଶେଷ ହେବାକୁ ପ୍ରାୟ ବର୍ଷେ ସମୟ ଲାଗିଥିଲା ।

ଧର୍ମେନ୍ଦ୍ର ତାଙ୍କ ପ୍ରତିକ୍ରିୟାରେ କହିଛନ୍ତି, ‘ମୁଁ ବହୁତ ଖୁସି ଅଛି । ମୋତେ ଲାଗୁଛି ମୁଁ ରାଜସ୍ଥାନର ପ୍ରଥମ ବ୍ୟକ୍ତି ଯିଏକି ଚନ୍ଦ୍ରପୃଷ୍ଠରେ ଜାଗା କିଣିଛି ।’ ତାଙ୍କ ପତ୍ନୀ ସ୍ବପ୍ନା କହିଥିଲେ ଯେ, ତାଙ୍କୁ ଏଭଳି କିଛି ଉପହାର ମିଳିବ ବୋଲି ସେ କେବେ ଭାବିନଥିଲେ । ସେ କହିଥିଲେ, ‘ମୁଁ ବହୁତ ଖୁସି । ଆଶା କରିନଥିଲି ସେ ମୋତେ ଏଭଳି କିଛି ଉପହାର ଦେବେ ।’

   Related Posts