Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • LICର ଏମ୍‌ଡି ହେଲେ ଓଡ଼ିଆ ପୁଅ ସିଦ୍ଧାର୍ଥ ମହାନ୍ତି, ଫେବୃଆରୀ ୧ରୁ ସମ୍ଭାଳିବେ ଦାୟିତ୍ବ
  • ||
  • ଜାନୁଆରୀ ୨୭, ସକାଳେ ଜେଲ୍‌ରୁ ମୁକୁଳିପାରନ୍ତି ଭି.କେ. ଶଶିକଳା
  • ||
  • ନେତାଜୀ ଜନ୍ମସ୍ଥାନ ସଂଗ୍ରହାଳୟ ଖୋଲିଵାକୁ ସରକାରଙ୍କ ନିଷ୍ପତ୍ତି
  • ||
  • କଟକ:କାଲିଠାରୁ ଖୋଲିଵ ନେତାଜୀ ସଂଗ୍ରହାଳୟ
  • ||
  • ରାଇରଙ୍ଗପୁର: ଗୋରୁମହିଷାଣି ପୋଲିସର ସଡକ ସୁରକ୍ଷା ସଚେତନ କାର୍ଯ୍ୟକ୍ରମ, ସାମିଲ ଥିଲେ ସ୍ଥାନୀୟ ଲୋକେ
  • ||
  • ବଲାଙ୍ଗୀର: ପୁଣି ରକ୍ତ ରଞ୍ଜିତ ହେଲା ଶୁଲିଆ ପୀଠ, ଗଡିଲା ଶହ ଶହ ପଶୁ-ପକ୍ଷୀଙ୍କ ମୁଣ୍ଡ
  • ||
  • ଭୁବନେଶ୍ବରରେ ପହଞ୍ଚିଲା ୨ୟ ପର୍ଯ୍ୟାୟ କୋଭିଡ ଟିକା: ସ୍ପାଇସ୍ ଜେଟ୍‌ରେ ଆସିଲା ଟିକା
  • ||
  • ଭାଙ୍ଗିଲା ୩୩ ବର୍ଷର ରେକର୍ଡ୍‌ : ବ୍ରିସବେନ ଟେଷ୍ଟରେ ଭାରତର ଐତିହାସିକ ବିଜୟ, ଅଷ୍ଟ୍ରେଲିଆକୁ ୩ ଓ୍ବିକେଟ୍‌ରେ ହରାଇ ସିରିଜ କବଜା କଲା ଟିମ୍ ଇଣ୍ଡିଆ
  • ||
  • ମାଲକାନଗିରି : ସୀମାନ୍ତରେ ଏନ୍‌କାଉଣ୍ଟର, ୧୦ରୁ ଅଧିକ ମାଓ କ୍ୟାମ୍ପ ଧ୍ୱଂସ
  • ||
  • ସମ୍ବଲପୁର : ଫୋକସ୍‌ରେ ପଶ୍ଚିମ ଓଡିଶା, ମା’ ସମଲେଶ୍ବରୀଙ୍କ ମନ୍ଦିର ବୁଲି ସମୀକ୍ଷା କଲେ 5-T ସଚିବ
  • ||

ମଧ୍ୟପ୍ରଦେଶରେ ଧକ୍କା ଦେଲା ଟ୍ରେନ୍, ଦୁଇ ସପ୍ତାହ ପରେ ବେଙ୍ଗାଲୁରୁରୁ ମିଳିଲା ମୁଣ୍ଡ

16/10/2020 at 9:09 PM

ଭୋପାଳ ୧୬/୧୦: ରେଳ ଦୁର୍ଘଟଣା କଥା ଶୁଣିଲେ ଛାତି ଥରିଉଠେ। ଲୌହ ଦାନବର ଧକ୍କାରେ ବେଳେ ବେଳେ ମୃତଦେହ ମିଳିବା ମୁସ୍‌କିଲ୍‌ ହୋଇଯାଏ। ସେମିତି ଏକ ରେଳ ଦୁର୍ଘଟଣାର ଖବର ମଧ୍ୟପ୍ରଦେଶରୁ ସାମ୍ନାକୁ ଆସିଛି। ଦୁର୍ଘଟଣାର ଦୁଇ ସପ୍ତାହ ପରେ ମିଳିଲା ମୃତକଙ୍କ ମୁଣ୍ଡ। ମଧ୍ୟପ୍ରଦେଶର ବିଟଲ୍‌ରୁ ଦୁଇ ସପ୍ତାହ ପୂର୍ବରୁ ଗଣ୍ଡି ଉଦ୍ଧାର କରାଯାଇଥିଲା। କିନ୍ତୁ ଦୁଇ ସପ୍ତାହ ଅର୍ଥାତ ୧୪ ଦିନ ପରେ ୧୩୦୦ କି.ମି ଦୂରରେ ଅବସ୍ଥିତ ବେଙ୍ଗାଲୁରୁରୁ ମୃତକଙ୍କ ମୁଣ୍ଡ ଉଦ୍ଧାର ହୋଇଛି। ତେବେ ମୃତଦେହର ଅବଶେଷ ରାଜଧାନୀ ଏକ୍ସପ୍ରେସ୍ ଘୋଷାରି ଆଣିଥିବା ଜଣେ ପୋଲିସ ଅଧିକାରୀ ସୂଚନା ଦେଇଛନ୍ତି।

 ଜଣେ ବ୍ୟକ୍ତିଙ୍କ ମୃତଦେହ (ଯାହାର ମୁଣ୍ଡ ସମେତ କିଛି ଅଂଶ ମିଳିନଥିଲା) ବିଟଲ୍‌  ଷ୍ଟେସନ୍‌ରୁ ଉଦ୍ଧାର କରିଥିଲା ରେଲ୍ଓ୍ବେ ପୋଲିସ୍‌। ଯାଞ୍ଚ ପରେ ଜଣାପଡ଼ିଥିଲା ଯେ ବ୍ୟକ୍ତି ଜଣଙ୍କ ଦିଲ୍ଲୀ-ବେଙ୍ଗାଲୁରୁ ରାଜଧାନୀ ଏକ୍ସପ୍ରେସ୍‌ ଧକ୍କାରେ ପ୍ରାଣ ହରାଇଥିଲେ । ବିଟ୍‌ଲ୍‌ ଷ୍ଟେସନ୍‌ର ଜିଆରପି ହେଡ୍‌ କନଷ୍ଟେବଲ୍‌ ବେଦପ୍ରକାଶ କହିଛନ୍ତି, ଦୁର୍ଘଟଣା ପରେ ବ୍ୟକ୍ତିଙ୍କ ମୃତଦେହ ଉଦ୍ଧାର କରାଯାଇଥିଲା । ତେବେ ସେଥିରେ ମୁଣ୍ଡ ନଥିବା ଜଣାପଡ଼ିଥିଲା।

 ଅକ୍ଟୋପର ୪ ତାରିଖରେ ବେଙ୍ଗାଲୁରୁ ରେଳ ଷ୍ଟାଫ୍‌ ମୃତକଙ୍କ ମୁଣ୍ଡକୁ ରାଜଧାନୀ ଏକ୍ସପ୍ରେସ୍‌ର ଇଞ୍ଜିନ୍‌ ପାଖରୁ ଉଦ୍ଧାର କରିଥିଲେ। ପରେ ଏହାର ଫଟୋ ଜାରି କରି ପରିଚୟ ଜାଣିବାକୁ ଚାହିଁଥିଲେ। ପରେ ଜଣାପଡ଼ିଲା ବିଟ୍‌ଲ୍‌ ଷ୍ଟେସ୍‌ନରୁ ଗୋଟିଏ ମୁଣ୍ଡବିହୀନ ମୃତଦେହ ମିଳିଛି। ପରେ ବିଟ୍‌ଲ୍‌ ଜିଆରପି ପକ୍ଷରୁ ଏନେଇ ସୂଚନା ଦିଆଯାଇଥିଲା। ମୃତକ ବିଟ୍‌ଲର ବାସିନ୍ଦା ବୋଲି ଜଣାପଡ଼ିଥିବା ବେଳେ ତାଙ୍କ ପରିବାର ଲୋକ ମଧ୍ୟ ଫଟୋ ଦେଖି ଚିହ୍ନିଥିଲେ। କିନ୍ତୁ ଟଙ୍କା ଅଭାବରୁ ବେଙ୍ଗାଲୁରୁ ଆସି ମୃତଦେହ ନେବା ସମ୍ଭବ ହୋଇନଥିଲା। ସେପଟେ ପୋଲିସ ମାମଲାର ତଦନ୍ତ କରୁଛି। କିନ୍ତୁ ବ୍ୟକ୍ତି ଜଣଙ୍କ ଦୁର୍ଘଟଣାରେ ଶିକାର ହୋଇଛନ୍ତି ନା ଆତ୍ମହତ୍ୟା କରିଛନ୍ତି ତାହା ସ୍ପଷ୍ଟ ହୋଇନାହିଁ ବୋଲି ବେଦପ୍ରକାଶ କହିଛନ୍ତି।

   Related Posts