Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଭୁବନେଶ୍ବର : ‘ପରୀକ୍ଷା ଦର୍ପଣ’ ପୁସ୍ତକ ଉନ୍ମୋଚିତ, ମାଟ୍ରିକ୍ ପରୀକ୍ଷାର୍ଥୀ ହେବେ ଉପକୃତ
  • ||
  • ରାଜ୍ୟରେ ଚିହ୍ନଟ ହେଲେ ଆଉ ୧୩୮ କୋଭିଡ୍ ପଜିଟିଭ୍‌, ୩୩୪୬୬୭ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଜି.ଉଦୟଗିରି : ବାଇକ୍-ଅଟୋ ମୁହାଁମୁହିଁ ଧକ୍କା : ଜଣେ ମୃତ, ତିନି ଗୁରୁତର
  • ||
  • ଭୁବନେଶ୍ବର : ଭିଜିଲାନ୍ସ ଜାଲରେ ଭୁବନେଶ୍ବର ବ୍ଲକ୍ କନିଷ୍ଠ ଯନ୍ତ୍ରୀ ଶୁଭେନ୍ଦୁ କୁମାର ପ୍ରଧାନ, ଆୟ ବହିର୍ଭୂତ ସମ୍ପତ୍ତି ଠୁଳ ଅଭିଯୋଗରେ ଚଢାଉ
  • ||
  • ଦିଲ୍ଲୀ ପୋଲିସର ଆକ୍ସନ : ଟ୍ରାକ୍ଟର ରାଲି ବେଳେ ହିଂସା ପରେ ୨୨ଟି ମାମଲା ରୁଜୁ
  • ||
  • ଭୁବନେଶ୍ବର : ଅଟୋକୁ ଧକ୍କା ଦେଲା କାର୍, ୪ ଗୁରୁତର
  • ||
  • ଘଟଗାଁ : ରାତିରେ ଘରକୁ ଫେରିବା ବେଳେ ଭାଲୁ ଆକ୍ରମଣ, ଜଣେ ଗୁରୁତର
  • ||
  • ଆଜିଠୁ ଶ୍ରୀମନ୍ଦିର ସେବାୟତଙ୍କ ପୁଣି କୋଭିଡ୍ ଟେଷ୍ଟ, ପ୍ରତିଦିନ ୫୦ ସେବାୟତଙ୍କ ହେବ ଆର୍‌ଟିପିସିଆର୍
  • ||
  • ଆଜିଠୁ ପୁଣି ଟିକାକରଣ, ଭାକ୍‌ସିନ୍‌ ନେବେ ବଳକା ୧ ଲକ୍ଷ ୭୩ ହଜାର ୬୩୬ ସ୍ବାସ୍ଥ୍ଯକର୍ମୀ
  • ||

ଓଭର ଟେକ୍‌କୁ ନେଇ ପାଟିତୁଣ୍ଡ: ବାଜି ରାଉତ ବ୍ରିଜ୍‌ ଉପରେ ବସ୍‌ ଉପରକୁ ଗୁଳିମାଡ଼, ଦୁଇ ଯୁବକ ଏବଂ ଜଣେ ଯୁବତୀ ଫେରାର

27/11/2020 at 7:40 PM

ଢେଙ୍କାନାଳ ୨୭/୧୧: ଓଭର ଟେକ୍‌କୁ କେନ୍ଦ୍ର କରି ବସ୍‌ ଡ୍ରାଇଭରଙ୍କୁ ଗୁଳିମାଡ଼ କଲା ଉତ୍ତ୍ୟକ୍ତ ଯୁବକ। ଗୁଳି ବସ୍‌ର ଆଗ କାଚରେ ଲାଗି ବାଜି ଖସିପଡ଼ିଥିଲା। ଘଟଣାସ୍ଥଳରେ ସ୍ଥାନୀୟ ଲୋକେ ପହଞ୍ଚିବା ପୂର୍ବରୁ ବାଇକ୍‌ରେ ଆସିଥିବା ଦୁଇ ଯୁବକ ଓ ଜଣେ ଯୁବତୀ ଫେରାର ହୋଇଯାଇଛନ୍ତି। ଏଭଳି ଏକ ଘଟଣା ଢେଙ୍କାନାଳ ଜିଲ୍ଲା ଭୁବନ ନିକଟସ୍ଥ ବାଜି ରାଉତ ବ୍ରିଜ ଉପରେ ଘଟିଛି।

ବାଇକରେ ଯାଉଥିବା ଦୁଇ ଯୁବକ ଓ ଜଣେ ଯୁବତୀ ଏକ ଯାତ୍ରୀବାହୀ ବସ ‘ମଲିକ୍‌’କୁ ଓଭର ଟେକ୍‌ କରିବାକୁ ବାରମ୍ବାର ଚେଷ୍ଟା କରିଥିଲେ । ଏହି ଯାତ୍ରୀବାହୀ ବସଟିକୁ କପିଳାସ ନିକଟରେ ଥିବା ଦେଓଗାଁ ରାସ୍ତାରେ ଦୁଇ ଜଣ ଯୁବକ ଓ ଜଣେ ଯୁବତୀ ବାଇକ ଯୋଗେ ଓଭର ଟେକ୍‌ କରିଥିଲେ । ଏପରିକି ଦେଓଗାଁରୁ ମନ୍ଦାର ଛକ ପର୍ଯ୍ୟନ୍ତ ଚାରି ପାଞ୍ଚ ଥର ଓଭର ଟେକ୍‌ କରିବାକୁ ନେଇ ବସର ଡ୍ରାଇଭର ଦୁର୍ଯ୍ୟୋଧନ ସ୍ବାଇଁ ଓ ବାଇକ୍‌ରେ ଯାଉଥିବା ଯୁବକ-ଯୁବତୀଙ୍କ ମଧ୍ୟରେ ପାଟିତୁଣ୍ଡ ହୋଇଥିଲା।

ପରେ  ବାଜି ରାଉତ ସେତୁ ନିଳକଣ୍ଠପୁର ଗ୍ରାମ ଛକରେ ମଲ୍ଲିକ ବସକୁ  ଅଟକାଇ ସେମାନଙ୍କ ମଧ୍ୟରୁ ଜଣେ ଯୁବକ ଡ୍ରାଇଭରଙ୍କୁ  ଗାଳିଗୁଲଜ କରି ଟଣାଓଟରା କରିଥିଲା । ପରେ  ନିଜ ସାଥି ଯୁବତୀଙ୍କ ଭ୍ୟାନିଟରୁ ମାଉଜର ବାହାର କରି ଡ୍ରାଇଭର ଉପରକୁ ଗୋଟିଏ ରାଉଣ୍ଡ ଗୁଳି ଚାଳନା କରିଥିଲା । ଗୁଳିଟି ଡ୍ରାଇଭରଙ୍କ ଉପରେ  ନବାଜି ବସର ଆଗ କାଚରେ ବାଜିଥିଲା ।

ଘଟଣାସ୍ଥଳକୁ ଲୋକମାନେ ଦୌଡି ଆସିବା ପରେ ଯୁବକ ଜଣକ ବ୍ରାହ୍ମଣୀ ନଦୀ ପଠାକୁ ଦୌଡି ପଳାଇଥିଲା । ଏହାର ସୁଯୋଗ ନେଇ ଅନ୍ୟ ଯୁବକ ଯୁବତୀ ବାଇକରେ ବସି ଭୁବନ ଆଡକୁ ଖସି ପଳାଇଥିଲେ । ସେମାନଙ୍କର ପରିଚୟ ମିଳିପାରି ନାହିଁ । ପରେ ଖବର ପାଇ ଘଟଣାସ୍ଥଳରେ ଭୁବନ ପୋଲିସ ପହଞ୍ଚିଥିଲା । ଭୁବନ ପୋଲିସ ବସ ଏବଂ କଣ୍ଡକ୍ଟର, ହେଲପର ଓ ଡ୍ରାଭରଙ୍କୁ ଥାନାକୁ ନେଇ ତଦନ୍ତ ଚଳାଇଛି ।

   Related Posts