Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଜଣେ ଶ୍ରମିକଙ୍କୁ ୩ କୋଟି ୪୯ ଲକ୍ଷ ଟଙ୍କାର ନୋଟିସ୍ କଲା ଆୟକର ବିଭାଗ…

16/01/2020 at 4:32 PM

ଭୋପାଳ୧୬/୧: ମାସିକ ଦରମା ମାତ୍ର ୭ ହଜାର ଟଙ୍କା ପାଉଥିବା ରବି ଗୁପ୍ତା ଏବେ ଅକାଳରେ ପଡି ଯାଇଛନ୍ତି। ଆୟକର ବିଭାଗ ପକ୍ଷରୁ ତାଙ୍କୁ ୩ କୋଟି ୪୯ ଲକ୍ଷ ଟଙ୍କାର ନୋଟିସ୍‌ ହୋଇଛି। ରବିଙ୍କ ବ୍ୟାଙ୍କ ଷ୍ଟେଟ୍‌ମେଣ୍ଟ ମୁତାବକ ତାଙ୍କ ଆକାଉଣ୍ଟରେ ବର୍ତ୍ତମାନ ସୁଦ୍ଧା ୧୩୪ କୋଟି ଟଙ୍କାର ଜମା ରାଶି ରହିଛି। ଆଶ୍ଚର୍ଯ୍ୟଜନକ କଥା ଯେ ରବି ବ୍ୟାଙ୍କରେ ଆକାଉଣ୍ଟ୍ ଖୋଲି ନାହାନ୍ତି। ତେବେ ତାଙ୍କ ନାଁରେ ଖୋଲା ଯାଇଥିବା ଆକାଉଣ୍ଟର ଷ୍ଟେଟ୍‌ମେଣ୍ଟ ମୁତାବକ ୨୦୧୧-୧୨ ମସିହାରେ ତାଙ୍କ ବ୍ୟାଙ୍କ ଖାତାର ଟ୍ରାଂଜାକ୍ସନ ୧୩୪ କୋଟି ଟଙ୍କା ହୋଇଛି। ମଧ୍ୟପ୍ରଦେଶର ଭିଣ୍ଡ୍‌ରେ ଏଭିଳି ଘଟଣା ଘଟିଛି।

କିନ୍ତୁ ଏଠି ପ୍ରଶ୍ନ ଉଠିଛି ଏତେ ଟଙ୍କା ରବିଙ୍କ ନାଁରେ ଟଙ୍କା କିଏ ଡିପୋଜିଟ୍ କଲା। ରବିଙ୍କ କହିବା ଅନୁସାରେ ପ୍ୟାନ୍‌ ନମ୍ବର ଓ ଫଟୋ ନେଇ କେହି ଜଣେ ତାଙ୍କ ନାଁରେ ଆକାଉଣ୍ଟ୍ ଖୋଲି ଟଙ୍କା ନେଣଦେଣ କରୁଛନ୍ତି। ରବି କହିଛନ୍ତି ତାଙ୍କର ମାସିକ ଦରମା ମାତ୍ର ୭ ହଜାର ଟଙ୍କା। ଏତେ ଟଙ୍କା କେଉଁଠୁ ଓ କେମିତି ଆସିଲା ତାଙ୍କୁ ଜଣା ନାହିଁ।

ଆୟକର ବିଭାଗ ପକ୍ଷରୁ ଆସିଥିବା ୩ କୋଟି ୪୯ ଲକ୍ଷର ଟଙ୍କାର ନୋଟିସ୍‌ ଦେଖି ରବି ଆଶ୍ଚର୍ଯ୍ୟ ହୋଇଯାଇଛନ୍ତି। ସେ କହିଛନ୍ତି  ତାଙ୍କ ପାଖରେ ୧୩୪ କୋଟି ଟଙ୍କା ଥିଲେ ସେ ଏକ ଫାର୍ମ ଖୋଲି ବ୍ୟବସାୟ ଆରମ୍ଭ କରି ପାରି ଥାଆନ୍ତେ। ରବି ଆହୁରି ମଧ୍ୟ କହିଛନ୍ତି ନୋଟ୍ ବନ୍ଦୀ ବେଳେ ତାଙ୍କ ସହ ଏମିତି ଏକ ଘଟଣା ଘଟିଥିଲା।  ଅଚାନକ ତାଙ୍କ ବ୍ୟାଙ୍କ ଆକାଉଣ୍ଟରେ ମୋଟା ଅଙ୍କର ଟଙ୍କା ଡିପୋଜିଟ୍‌ ହୋଇଥିଲା। କିଛିଦିନ ପରେ ପୁଣି ଆକାଉଣ୍ଟରୁ ଟଙ୍କା ଗାୟବ ହୋଇଯାଇଥିଲା।ସେହି ସମୟରେ ରବି ପୋଲିସ୍‌ରେ ଅଭିଯୋଗ କରି ନ ଥିଲେ। କିନ୍ତୁ ଏଥର ରବିଙ୍କ ସହ ନୂଆ ଘଟଣା ଘଟିଛି। ତାଙ୍କ ପ୍ୟାନ୍‌ କାର୍ଡ ଓ ଫଟୋ ନେଇ ଅନ୍ୟ କେହି ତାଙ୍କ ନାଁରେ ଆକାଉଣ୍ଟ ଖୋଲିଥିବା କଥା ରବି କହିଛନ୍ତି ।

   Related Posts