ରାଇରଙ୍ଗପୁର ୯/୦୭: ପୋଖରୀକୁ ଗାଧୋଇବାକୁ ଯାଇଥିବା ବେଳେ କାଳ ସାଜିଲା ବାତ। ଗାଧୋଇବା ବେଳେ ହଠାତ ବାତ ମାରିବାରୁ ଜଣେ ଯୁବକଙ୍କ ମୃତ୍ୟୁ ହୋଇଛି। ଏମିତି ଅଭାବନୀୟ ଘଟଣା ଗୋରୁମହିଷାଣି ଥାନା ରୁଆଁସି ଗ୍ରାମରେ ଘଟିଛି। ମୃତ ଯୁବକ ରୁଆଁସି ଗ୍ରାମର ଶ୍ରୀମହନ ମୁଣ୍ଡା ।
ଶ୍ରୀମହନ ବିଲ କାର୍ଯ୍ୟ ସାରି ଘର ପଛରେ ଥିବା ପୋଖରୀକୁ ଗାଧୋଇବାକୁ ଯାଇଥିଲେ। କିନ୍ତୁ ଦୁର୍ଭାଗ୍ୟକୁ ସେଇ ସମୟରେ ତାଙ୍କୁ ବାତ ମାରିଥିଲା । ଯାହା ଫଳରେ ପାଣିରେ ବୁଡି ଯାଇ ଶ୍ରୀମହନ ପ୍ରାଣ ହରାଇଥିବା କହିଛନ୍ତି ପରିବାର ଲୋକେ।ଏହାକୁ ନେଇ ସାହିରେ ଶୋକାକୁଳ ପରିବେଶ ସୃଷ୍ଟି ହୋଇଥିବା ବେଳେ କିନ୍ତୁ ଥାନାରେ କୌଣସି ସୂଚନା ଦିଆ ଯାଇନଥିବା ଜଣାପଡ଼ିଛି।