ଆନନ୍ଦପୁର, ୧୭/୧୦: ଆନନ୍ଦପୁର ଥାନା କଣ୍ଟିପାଳ ଗ୍ରାମରେ ଗାଧୋଇବା ସମୟରେ ପୋଖରୀରେ ବୁଡି ଜଣେ ବୃଦ୍ଧଙ୍କ ମୃତ୍ଯୁ ଘଟିଛି । ମୃତକ କଣ୍ଟିପାଳ ଗାଁ ଖିଲାର ସାହିର ବାବନ ଖିଲାର ବୋଲି ଜଣାପଡ଼ିଛି । ଆଜି ଗାଁ ପୋଖରୀରେ ଗାଧୋଇବା ସମୟରେ ତାଙ୍କ ଜୋତା ପାଣିରେ ଭାସି ଦୂରକୁ ପଳାଇଥିଲା । ଜୋତା ଆଣିବାକୁ ଚେଷ୍ଟାକରି ସେ ପୋଖରୀରେ ବୁଡି ଯାଇଥିଲେ ।
କିଛି ସମୟପରେ ସ୍ଥାନୀୟ କିଛି ଯୁବକ ପୋଖରୀକୁ ଗାଧୋଇବାକୁ ଆସିଥିବା ବେଳେ ପାଣିରେ ଜୋତା ଭାସୁଥିବା ଦେଖି ବାବନ ବୁଡିଥିବା ବିଷୟ ଜାଣିଥିଲେ । ଖବର କରିବାରୁ ଅଗ୍ନିଶ୍ରମ ବିଭାଗ କର୍ମଚାରୀ ତାଙ୍କୁ ପାଣିରୁ ଉଦ୍ଧାର କରିଥିଲେ । ମାତ୍ର ସେତେବେଳକୁ ତାଙ୍କର ମୃତ୍ଯୁ ଘଟିସାରିଥିଲା ।
