ori homes
previous arrow
next arrow

Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଆଜି ପବିତ୍ର ଶ୍ରୀକ୍ଷେତ୍ର ଭଉଁରୀ : ଅଖ ଚକ ଡେରା ନୀତି ସଂପନ୍ନ
  • ||
  • କୁତବ ମୀନାର ପରିସରରେ ଖନନ ସହ ଆଇକନୋଗ୍ରାଫି କରିବାକୁ ଏଏସ୍‌ଆଇକୁ ସଂସ୍କୃତି ମନ୍ତ୍ରାଳୟର ନିର୍ଦ୍ଦେଶ
  • ||
  • ସ୍ୱିଜରଲାଣ୍ଡରେ ବିଶ୍ୱ ଅର୍ଥନୈତିକ ମଞ୍ଚର ବାର୍ଷିକ ସମ୍ମିଳନୀ : ମହାମାରୀରୁ ମୁକ୍ତି ପାଇଁ ବାଟ ବାହାର କରିବେ ବିଶ୍ୱନେତା
  • ||
  • ମ୍ୟାଚ୍ ପୂର୍ବରୁ ରନ୍ ଅପ୍ ଯାଞ୍ଚ କଲେ ଅର୍ଜୁନ ତେନ୍ଦୁଲକର : କିନ୍ତୁ ଚୂଡାନ୍ତ ଏକାଦଶରେ ମିଳିଲାନି ଏଣ୍ଟ୍ରି
  • ||

ନିଖୋଜ ହୋଇଗଲା ଏକମାତ୍ର ରୋଜଗାରିଆ ପୁଅ, ଚିନ୍ତାରେ ଜୀବନ ହାରିଲା ବାପା

31/05/2020 at 9:14 PM

ମାଲକାନଗିରି, ୩୧|୦୫:  କରୋନା ଆତଙ୍କ ମଧ୍ୟରେ ବାହାର ରାଜ୍ୟରେ ଫସିଥିବା ପ୍ରବାସୀ ଓଡିଆମାନେ ଘରକୁ ଫେରି ଆସୁଛନ୍ତି । କିଏ ବସରେ ତ ପୁଣି କିଏ ଟ୍ରେନ୍, ସାଇକେଲ୍, ଟ୍ରକ ଆଦିରେ ଘରକୁ ଫେରୁଛନ୍ତି । ଆଉ କେହି କେହି ପାଦରେ ଚାଲିଚାଲି ଫେରୁଥିବାର ଦୃଶ୍ୟ ମଧ୍ୟ ଦେଖିବାକୁ ମିଳୁଛି । ଅଧାବାଟରେ ମଧ୍ୟ କେତେକ ପ୍ରବାସୀଙ୍କ ଜୀବନ ଚାଲିଯାଉଥିବା ଖବର ମିଳୁଛି । ଆଉ କିଛି ପ୍ରବାସୀ ଶ୍ରମଜୀବୀଙ୍କ କୌଣସି ପତ୍ତା ମଧ୍ୟ ମିଳୁନାହିଁ । ତେବେ ମାଲକାନଗିରି ଜିଲ୍ଲାରେ ଏକ ଦୁଃଖଦ ଘଟଣା ଦେଖିବାକୁ ମିଳିଛି । ପୁଅର ନିଖୋଜ ହେବା ଖବର ଶୁଣି ବାପା ଜୀବନ ହାରିଛି ।

ସୂଚନାନୁସାରେ, ଜିଲ୍ଲାର ମାଥିଲି ବ୍ଲକ୍ ଗୁରୁଗୁଡା ଗ୍ରାମରେ ବଳି ପୂଜାରୀ ନାମକ ଜଣେ ବ୍ୟକ୍ତି ବାସ କରନ୍ତି । ପରିବାର କହିଲେ ତାଙ୍କର ୨ ପୁଅ ଓ ୨ ଝିଅ । ଝିଅ ୨ଜଣ ବିବାହିତ । ବଡ ପୁଅ ମୁକୁନ୍ଦ ଯୁକ୍ତ ୨ରେ ପାଠ ପଢୁଥିବା ବେଳେ ସାନପୁଅ କୃଷ୍ମ ପୂଜାରୀ ନବ୍ମ ଶ୍ରେଣୀରେ ପଢନ୍ତି । ତେବେ ବଳିଙ୍କ ସ୍ୱାସ୍ଥ୍ୟ ବିଗିଡିବାରୁ ସେ କୌଣସି କାମ କରିପାରିଲେ ନାହିଁ । ଫଳରେ ପରିବାର ଚଳାଇବା କଷ୍ଟକର ହୋଇଗଲା । ଏହା ଦେଖି ବଡ ପୁଅ ମୁକୁନ୍ଦ ପାଠପଢା ବନ୍ଦ କରି ହାଉଦ୍ରାବାଦକୁ ଦାଦନ ଖଟିବାକୁ ଚାଲିଗଲେ ।

ଗତ କିଛିଦିନ ତଳେ ମୁକୁନ୍ଦ ନିଖୋଜ ହୋଇଯାଇଥିବା ତାଙ୍କ ବନ୍ଧୁମାନେ ପରିବାର ଲୋକଙ୍କୁ ଜଣାଇଥିଲେ । ଏହି ଖବର ଶୁଣି ବଳି ଅଚେତ ହୋଇପଡିଲେ । ଏହାପରେ ସେ ଖାଇବା ପିଇବା ଛାଡିଦେଇଥିଲେ । କହିବାକୁ ଗଲେ ସେ ଏକ ପ୍ରକାର ମୁକ ପାଲଟିଗଲେ । ତେବେ ଶନିବାର ରାତିରରେ ସେ କାନ୍ଦି କାନ୍ଦି ଶୋଇଯାଇଥିଲେ । ରବିବାର ତାଙ୍କୁ ପରିବାର ଲୋକେ ଉଠାଇବାରୁ ସେ ଆଉ ଉଠିନଥିଲେ । ପରିବାରର ଏକମାତ୍ର ରୋଜଗାରିଆ ପୁଅର ନିଖୋଜ ଚିନ୍ତାରେ ସେ ପ୍ରାଣ ହରାଇଥିବା କୁହାଯାଉଛି । ବଳିଙ୍କ ପରିବାରକୁ ସରକାରୀ ସ୍ତରରେ ସହୟତା ଦେବାକୁ ଗ୍ରାମବାସୀମାନେ ଦାବି କରିଛନ୍ତି ।  

   Related Posts