ଜଗତସିଂହପୁର ୪|୧୦: ଜଗତସିଂହପୁର ଜିଲ୍ଲା ସଦର ଥାନା ଅଳସୁଧା ଗାଁ ମଶାଣି ନିକଟରୁ ଜଣେ ବ୍ୟକ୍ତିଙ୍କର କ୍ଷତ ବିକ୍ଷତ ମୃତଦେହ ଉଦ୍ଧାର ହୋଇଛି । ମୃତକ ହେଲେ ଅଳସୁଧା ଗାଁର ପ୍ରମୋଦ ଓଝା। ଗତକାଲିଠାରୁ ସେ ଘରୁ ନିଖୋଜ ଥିଲେ । ପରିବାର ଲୋକେ ଖୋଜା ଖୋଜି କରୁଥିବା ବେଳେ ଆଜି ତାଙ୍କର ମୃତଦେହ ଗାଁ ମଶାଣି ନିକଟରେ ପଡିଥିବାର ଦେଖିବାକୁ ପାଇଥିଲେ । ମୃତ ପ୍ରମୋଦଙ୍କର ଦେହର ବିଭିନ୍ନ ସ୍ଥାନରେ କ୍ଷତ ଚିହ୍ନ ଥିବାରୁ ତାଙ୍କର ମୃତ୍ୟୁକୁ ନେଇ ସନ୍ଦେହ ସୃଷ୍ଟି ହୋଇଛି । ତାଙ୍କୁ କେହି ହତ୍ୟା କରି ସେଠାରେ ଫିଙ୍ଗି ଦେଇ ଥିବାର ଅଭିଯୋଗ ହେଉଛି । ପୋଲିସ ଘଟଣାର ତଦନ୍ତ ଜାରି ରଖିଛି ।