ଗଞ୍ଜାମ ୨୦/୫: ଗଞ୍ଜାମ ବ୍ଲକ ଖଁଡ଼ିଦେଉଳୀ ଗ୍ରାମର ଖାଲି ସାହୁ (୫୭) ଅଂଶୁଘାତ ଯୋଗୁଁ ପ୍ରାଣ ହରାଇଛନ୍ତି।. ସେ ଖଣ୍ଡିଦେଉଳି ପଂଚାୟତ ଅଫିସରେ ପିଅନ ଭାବେ କାର୍ଯ୍ୟରତ ଥିଲେ। ପଂଚାୟତରେ ଚାଉଳ ବାଣ୍ଟିବା ପରେ ଘରକୁ ଫେରୁଥିବା ବେଳେ ରାସ୍ତାରେ ପଡି ଯାଇଥିଲେ। ତାଙ୍କୁ ତୁରନ୍ତ ଖଣ୍ଡଦେଉଳି ମେଡିକାଲକୁ ନିଆ ଯାଇଥିଲା। ପରେ ଛତ୍ରପୁର ମେଡିକାଲ ଅଣା ଯାଇଥିଲା। ସେଠାରେ ଡାକ୍ତର ତାଙ୍କୁ ମୃତ ଘୋଷଣା କରିଥିଲେ।
ଏହା ଅଂଶୁଘାତ ଜନିତ ମୃତ୍ୟୁ ବୋଲି ଜଣା ପଡ଼ିଛି। ଖବର ପାଇ ରମ୍ଭା ପୋଲିସ ମେଡିକାଲରେ ପହଂଚି ଶବକୁ ଜବତ କରିବା ସହ ଏକ ଅପମୃତ୍ୟୁ ମାମଲା ରୁଜୁ କରିବା ସହ ତଦନ୍ତ କରୁଛି।
