କେନ୍ଦୁଝର ୧।୧: କେନ୍ଦୁଝରରେ ବିଷାକ୍ତ ମଦ ଆତଙ୍କ । ବିଷାକ୍ତ ମଦ ପିଇ ଜଣଙ୍କର ମୃତ୍ୟୁ ହୋଇଥିବା ଅଭିଯୋଗ ହୋଇଛି । କେନ୍ଦୁଝର ସହର ଆଟୋପୁର ଅଞ୍ଚଳର ଭୋଳା ନାଏକଙ୍କ ମୃତଦେହ କେନ୍ଦୁଝର ଟାଉନ ଥାନାର ଠାକୁର ପାଟଣା ନିକଟ ଫୁଲଝର ଗ୍ରାମ ନିକଟ ନାଳ କଡରେ ପଡିଥିବାର ଆଜି ସକାଳେ ଦେଖିବାକୁ ମିଳିଥିଲା । ଗତକାଲି ରାତିରେ ନୂଆବର୍ଷ ଆଗମନରେ ଖୁସିରେ ବିଭୋର ହୋଇ ପ୍ରଚୁର ମଦ୍ୟପାନ କରିଥିଲେ ବୋଲି ଜଣାପଡିଛି । ଆଜି ତାଙ୍କର ମୃତ୍ୟୁ ହେବା ପରେ ବିଷାକ୍ତ ମଦ୍ୟପାନ ଯୋଗୁଁ ତାଙ୍କର ମୃତ୍ୟୁ ହେଇଥିବା ଗ୍ରାମବାସୀ ସନ୍ଦେହ କରିଛନ୍ତି ।