ତେଲକୋଇ ୨୫।୧୨: ଜମି ବାଡି ବିବାଦକୁ ନେଇ ସାନଭାଇ ଓ ଭାଇବୋହୂର ଟାଙ୍ଗିଆ ଚୋଟରେ ଦେଢଶୁର ଗୁରୁତର । କେନ୍ଦୁଝର ଜିଲ୍ଲା ତେଲକୋଇ ଥାନା କୃଷ୍ଣପୁର ଗାଁରେ ଘଟିଛି ଏଭଳି ଅଭାବନୀୟ ଘଟଣା ।
{"id":202258,"sizeSlug":"large"}ସୂଚନାଯୋଗ୍ୟ ଯେ, ବଡଭାଇ ଶୁକଦେବ ଓ ପଦ୍ମଚରଣଙ୍କ ମଧ୍ୟରେ ଜମିବାଡିକୁ ନେଇ ବିବାଦ ଥିଲା । କିଛି ମାସ ତଳେ ଶୁକଦେବ ସାନଭାଇ ପଦ୍ମଚରଣର ସ୍ତ୍ରୀଙ୍କୁ ଗାଁ ଦାଣ୍ଡରେ ମାଡ ମାରିଥିବା ନେଇ ଥାନାରେ ଅଭିଯୋଗ ହୋଇଥିଲା । ତେବେ ପୋଲିସ ଚାପରେ ପଡି ଘଟଣା ଉପରେ ଗୁରୁତ୍ବ ନଦେଇ ଶୁକଦେବଙ୍କୁ ଛାଡିଦେଇଥିଲା । ଯାହାକୁ ନେଇ ପଦ୍ମଚରଣ ଭିତରେ ଭିତରେ ଅସନ୍ତୁଷ୍ଟ ଥିଲା ।
{"id":202259,"sizeSlug":"large"}ଗତକାଲି ଦୁଇ ପରିବାର ମଧ୍ୟରେ ଝଗଡା ପରେ ଶୁକଦେବ ସ୍ତ୍ରୀଙ୍କ ସହ ଥାନାରୁ ଫେରୁଥିବାବେଳେ ସୁଯୋଗ ଅପେକ୍ଷାରେ ଥିବା ପଦ୍ମଚରଣ ଓ ତାଙ୍କ ସ୍ତ୍ରୀ ମିଶି ଶୁକଦେବଙ୍କୁ ଜଙ୍ଗଲ ଭିତରକୁ ଟାଣିନେଇ ଟାଙ୍ଗିଆରେ ହାଣି ପକାଇ ଛାଡି ପଳାଇଥିଲେ । ଜୀବନ ବିକଳରେ ଶୁକଦେବ ଗୁରୁଣ୍ଡି ଗୁରୁଣ୍ଡି ଘରେ ପହଞ୍ଚିବା ପରେ ତାଙ୍କୁ କେନ୍ଦୁଝର ମେଡିକାଲକୁ ସ୍ଥାନାନ୍ତର କରାଯାଇଛି । ପୋଲିସ ଘଟଣାର ଛାନଭିନ କରୁଛି ।