Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ୧୬ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୦୪କରୋନା ସଂକ୍ରମିତ ଚିହ୍ନଟ
  • ||
  • ଚିତ୍ରକୋଣ୍ଡାରେ BSF ଜବାନଙ୍କ କମ୍ବିଂ ଅପରେସନ, ଟିଫିନ୍ ବୋମା ଉଦ୍ଧାର
  • ||
  • ଶ୍ରୀଜଗନ୍ନାଥ ଷ୍ଟାଡିୟମ ନିକଟରେ ଉଚ୍ଛେଦ କାର୍ଯ୍ୟ ଆରମ୍ଭ, ୨ ଫ୍ଲାଟୁନ ଫୋର୍ସ ମୃତୟନ
  • ||
  • ଭିଜିଲାନ୍ସ ଜାଲରେ ଜନସ୍ୱାସ୍ଥ୍ୟ ବିଭାଗ-୨ ସହକାରୀ କାର୍ଯ୍ୟକାରୀ ଯନ୍ତ୍ରୀ, ଏକକାଳୀନ ୬ଟି ସ୍ଥାନରେ ରେଡ୍
  • ||
  • ନୟାଗଡ଼ : ପୋଲିସ କବ୍‌ଜାରେ ୪ ଆନ୍ତଃ ଜିଲ୍ଲା ଡକାୟତ
  • ||

ଆତ୍ମହତ୍ୟା ଲାଇଭ : ବ୍ୟାଙ୍କ ଛାତ ଉପରୁ ଡେଇଁ ପଡିଲେ ଯୁବକ, ସମସ୍ତେ ଭିଡିଓ ଉତ୍ତୋଳନ କରୁଥିଲେ , କେହି ବଞ୍ଚାଇବା ଲାଗି ଉପାୟ ଖୋଜିଲେନି

15/11/2019 at 8:47 PM

ସୁନ୍ଦରଗଡ ୧୫|୧୧: ସୁନ୍ଦରଗଡ ଜିଲ୍ଲା ହେମଗିର ଥାନା ଅନ୍ତର୍ଗତ ଡୁଡୁକା ଗ୍ରାମରେ ଅଘଟଣ, ପୋଲିସ ଓ ଜନସାଧାରଣଙ୍କ ଉପସ୍ଥିତିରେ ଜଣେ ଯୁବକ ଛାତ ଉପରୁ ଡେଇଁ ଆତ୍ମହତ୍ୟା କରିଛନ୍ତି। ଯୁବକଙ୍କ ନାଁ ଶିବ ମୁଂଡା ।  ତବେ ଶିବ ଗତ କିଛି ଦିନ ହେବ ନିଜର ମାନସିକ ଭାରସାମ୍ୟ ହରାଇଥିବା କୁହାଯାଉଛି। ତେବେ ସବୁଠାରୁ ଆଶ୍ଚର୍ଯ୍ୟ କଥା ହେଉଛି ଘଟଣା ସ୍ଥଳରେ ଶହ ଶହ ଲୋକ ଥିଲେ ମଧ୍ୟ କେହି ଯୁବକଙ୍କୁ ବଞ୍ଚାଇବାକୁ ଉଦ୍ୟମ କରୁନଥିଲେ । ବରଂ ଯୁବକ ଛାତ ଉପରୁ ତଳକୁ ଡେଇଁବା ଲାଗି ତାଙ୍କୁ ଉସୁକାଯାଉଥିଲା ।

ଦେଖଣାହାରୀ ଲୋକଙ୍କ ଭିତରୁ କେହି କେହି ଏକ ଦୁଇ ତିନ ବୋଲି ମଧ୍ୟ ଗଣିବାକୁ ଆରମ୍ଭ କରିଥିଲେ । ସେଠାରେ ବହୁ ପୋଲିସ କର୍ମୀ ଥିଲେ ମଧ୍ୟ ସେମାନେ କେବଳ ଦେଖଣାହାରୀ ସାଜିଥିଲେ । ଚାହିଁଥିଲେ ପୋଲିସ ଛାତ ଉପରକୁ ଯାଇ ଯୁବକଙ୍କୁ ଅଟକାଇପାରିଥାନ୍ତି । ଏପରିକି ସମସ୍ତ ପୋଲିସ କର୍ମୀ ଯୁବକ ଡେଉଁଥିବା କୋଠାଠାରୁ ଯଥେଷ୍ଟ ଦୂରରେ କେବଳ ଠିଆ ହୋଇ ଦର୍ଶକ ସାଜିଥିଲେ । ଜଣେ ମାତ୍ର ମହିଳା ପୋଲିସ କର୍ମୀ ସଂପୃକ୍ତ କୋଠାତଳେ ଠିଆ ହୋଇଥିଲେ । ଯୁବକ ଛାତରୁ ଡେଇଁବାବେଳେ ସେ ହତ ଦେଖାଇ ଧରିବାକୁ ଚାହିଁଥିଲେ । ତେବେ ତାଙ୍କ ହାତଠାରୁ ଦୂରରେ ପଡିଯାଇଥିଲେ ଯୁବକ ।

ଶିବ ଆଜି ଅପରାହ୍ନରେ ଏକ ବ୍ୟାଙ୍କର ଛାତ ଉପରକୁ ଚଢିଯାଇ ସେଠାରୁ ଡେଇଁ ପଡି ଆତ୍ମହତ୍ୟା କରିବ ବୋଲି କହିଥିଲା। ଫଳରେ ସ୍ଥାନୀୟ ଲୋକେ ପୋଲିସକୁ ଖବର ଦେଇଥିଲେ।ପୋଲିସ ଆସି ସେଠାରେ ପହଂଚି ଯୁବକୁ ତଳକୁ ଆସିବାକୁ କହିଥିଲେ । ହେଲେ ଶିବ କିଛି ନଶୁଣି ହଠାତ ତଳକୁ ଡେଇଁପଡିଥିଲା।

ତାକୁ ଧରିବାକୁ ପୋଲିସ କର୍ମଚାରୀ ଉଦ୍ୟମ କରିଥିଲେ ମଧ୍ୟ ବିଫଳ ହୋଇଥିଲେ ଆଉ ସେଠାରେ ଶିବର ମୃତ୍ୟୁ ଘଟିଥିଲା। ପୋଲିସ ଓ ଜନସାଧାରଣଙ୍କ ଉପସ୍ଥିତିରେ ଜଣେ ଯୁବକ ଆତ୍ମହତ୍ୟା କରୁଥିବାର ଏହି ଲାଇଭ ଭିଡିଓ ବର୍ତମାନ ଭାଇରାଲ ହେବାରେ ଲାଗିଛି ।

ଆଶ୍ଚର୍ଯ୍ୟର କଥା ଯେତେ ଜଣ ଲୋକ ଓ ପୋଲିସ ଥିଲେ ଚାହିଁଥିଲେ ଶିବଙ୍କୁ ବଞ୍ଚାଇ ପାରିଥାନ୍ତେ । କିନ୍ତୁ ତାହା ନକରି ଲୋକେ ଭିଡିଓ କରୁଥିଲେ ସିନା ଛାତ ତଳକୁ ଆସି ସେ ଡେଇଁବାବେଳେ କନା ଧରି ଠିଆ ହୋଇଥିଲେ ମଧ୍ୟ ଶିବ ବଂଚିଯିବାର ସମ୍ଭାବନା ଥିଲା ।

   Related Posts