ଭୋପାଳ ୮/୨- ଜଣେ ୧୬ ବର୍ଷ ବୟସ୍କା ନାବାଳିକାକୁ ପ୍ରେମ ଜାଲରେ ଫସାଇ ଯୁବକ କଲା ଦୁଷ୍କର୍ମ । କେବଳ ଦୁଷ୍କର୍ମ କାହିଁକି ପ୍ରେମିକାଙ୍କ ଘରୁ ବି ୪୫ ହଜାର ଟଂକା ନେଇଥିବା ପୋଲିସ ପାଖରେ ପ୍ରେମିକାଙ୍କ ପରିବାର ତରଫରୁ ହୋଇଛି ଅଭିଯୋଗ ।
ଭୋପାଳର ରାମପୁର ଥାନା ଅଂଚଳରେ ଘଟିଛି ଏହି ଘଟଣା । ରାହୁଲ ମେହେରା ନାମକ ଜଣେ ଯୁବକ ଏହି ଘଟଣାରେ ସଂପୃକ୍ତ ଥିବା କଥା ପୋଲିସ ତଦନ୍ତରୁ ଜାଣିଛି ।
ରାହୁଲ ନାବାଳିକାଙ୍କୁ ବିବାହ କରିବାକୁ କଥାଦେଇ ଘରୁ ଅପହରଣ କରିଥିବା କଥା ପରିବାର ତରଫରୁ ଥାନାରେ ହୋଇଛି ଅଭିଯୋଗ । ନାବାଳିକା ଯୁବକଙ୍କ ସହିତ ଘରୁ ଫେରାର ହୋଇଯିବା ସମୟରେ ୪୫ ହଜାର ଟଂକା ନେଇଥିବା କଥା ପରିବାର ଲୋକ କହିଛନ୍ତି । କିନ୍ତୁ ନାବାଳିକାଙ୍କୁ ବିଭିନ୍ନ ସ୍ଥାନରେ ରଖି ଦୁଷ୍କର୍ମ କରିବା ପରେ ଆଣି ଛାଡ଼ିଦେଇଥିଲା ଯୁବକ । ନାବାଳିକାଙ୍କୁ ବିବାହ କରିବା କଥା ମିଛରେ କହି ଏହି ଅପହରଣ ନାଟକ କରିଥିବା କଥା କହିଛି ପୋଲିସ ।
ପରିବାର ଲୋକ ଯୁବକଙ୍କ ବିରୋଧରେ ଏହି ଅଭିଯୋଗ ଆଣିବା ପରେ ଯୁବକଙ୍କୁ ଗିରଫ କରିଛି ପୋଲିସ ।
