ସୋର ୧୨।୩: ସୋର ଷ୍ଟେସନ ବାହାରେ କାକୁଡି ବିକ୍ରେତାଙ୍କୁ ନିସ୍ତୁକ ମାଡ । ଅଶ୍ଳୀଳ ଭାଷାରେ ଗାଳି ଗୁଲଜ କରିବା ସହିତ କାକୁଡି ବିକ୍ରେତାଙ୍କୁ ନିସ୍ତୁକ ମାଡ ମାରିଛନ୍ତି ଦୁଇ ଷ୍ଟେସନ କର୍ମଚାରୀ । ତେବେ ମାଡ ମାରିବା ବେଳର ଭିଡିଓ ଏବେ ସୋସିଆଲ ମିଡିଆରେ ଭାଇରାଲ୍ ହେଉଛି ।
ସୂଚନାଯୋଗ୍ୟ ଯେ, ସୋର ଷ୍ଟେସନରେ ପୌରପାଳିକା ଓ୍ବାର୍ଡ ନଂ ୩ର ବାସିନ୍ଦା ହରେକୃଷ୍ଣ ମହାଳିକ କାକୁଡି ବିକ୍ରୟ କରିଥାନ୍ତି । ତେବେ ତାଙ୍କୁ ଷ୍ଟେସନର ଦୁଇ ଜଣ କର୍ମଚାରୀ ଗାଳିଗୁଲଜ କରିବା ସହ ମିଳିତଭାବେ ତାଙ୍କୁ ମାଡ ମାରିଥିବା ନେଇ ସୋର ଥାନାରେ ଅଭିଯୋଗ କରିଛନ୍ତି । ଏହାକୁ ନେଇ ସ୍ଥାନୀୟ ଅଞ୍ଚଳରେ ତୀବ୍ର ଅସନ୍ତୋଷ ଦେଖାଦେଇଛି ।
