ବାଲିପାଟଣା ୦୧/୧୧ : ବାଳକାଟି ସାତ କାଣିଆବସ୍ତିରେ ନିଶାସକ୍ତ ଯୁବକର ଫାର୍ସା ଚୋଟରେ ତିନି ଜଣ ଆହତ ହୋଇଛନ୍ତି । ୩ ଜଣଙ୍କୁ ପ୍ରଥମେ ବାଳକାଟି ଗୋଷ୍ଠୀ ସ୍ଵାସ୍ଥ୍ୟ କେନ୍ଦ୍ର ଓ ପରେ କ୍ୟାପିଟାଲ୍ ଡାକ୍ତରଖାନାରେ ଭର୍ତ୍ତି କରାଯାଇଛି । ନିଶାଶକ୍ତ ଯୁବକ ହେଉଛନ୍ତି ତୋଫାନ ଭୋଇ।
ସମ୍ପୃକ୍ତ ଯୁବକଙ୍କୁ ବାଳକାଟି ଫାଣ୍ଡି ପୋଲିସ ଅଟକ ରଖିଛି । ଗୁରୁତର ମାନେ ହେଲେ ସୁଷମା ଦାସ, ସୁନିଲ ଦାସ ଓ ପୁର୍ଣିମା ଭୋଇ । ଆହତମାନେ ସେହି ବସ୍ତିରେ ଘର କରି ରହନ୍ତି । ତାଙ୍କ ଘର ପାଖରେ ଚାରୀମାଣିଆ ଗାଁ ଭୋଇସାହିର ତୋଫାନ ଭୋଇ ରହନ୍ତି । କିଛି ଦିନ ତଳେ କୌଣସି ଘଟଣାକୁ ନେଇ ସମ୍ପୃକ୍ତ ଯୁବକ ସହ ଆହତଙ୍କ ପରିବାର ସହ ଝଗଡ଼ା ହୋଇଥିଲା । ରବିବାର ରାତିରେ ତୋଫାନ ନିଶାସକ୍ତ ଅବସ୍ଥାରେ ଗାଳି ଗୁଲଜ କରିଥିଲା । ଆହତମାନେ ବିରୋଧ କରିବାରୁ ରାଗିଯାଇ ସମ୍ପୃକ୍ତ ତୋଫାନ ଫାର୍ସାରେ ତାଙ୍କୁ ଗୋଡ଼େଇ ଗୋଡ଼େଇ ହାଣିଥିଲା।
ଏହାଦ୍ୱାରା ସୁଷମାଙ୍କ ଛାତିରେ ଓ ପିଠିରେ ଶକ୍ତ ଆଘାତ ଲାଗିଛି। ସୁନିଲଙ୍କ ଗୋଡ଼ରେ ମଧ୍ୟ ଖଣ୍ଡିଆ ହୋଇଛି । ସେହିପରି ପୁର୍ଣିମାର ହାତ ଓ ପିଠିରେ ମଧ୍ୟ ଅଧିକ ଖଣ୍ଡିଆ ଖାବରା ହୋଇଯାଇଛି। । ଏହା ଶୁଣି ବାଳକାଟି ଫାଣ୍ଡି ପୋଲିସ ଘଟଣାସ୍ଥଳରେ ପହଞ୍ଚି ତଦନ୍ତ କରିବା ପରେ ତୋଫାନକୁ ଅଟକ ରଖି ପଚରାଉଚୁରା କରୁଛି।
