Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଚିହ୍ନଟ ହେଲେ ଆଉ ୧୫୦ କୋଭିଡ୍ ସଂକ୍ରମିତ, ୩୩୪୩୦୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ରାଜ୍ୟରେ ଆଉ ଜଣେ କରୋନା ସଂକ୍ରମିତ ପ୍ରାଣ ହରାଇଲେ, ୧୯୦୫ ଛୁଇଁଲା ମୃତକଙ୍କ ସଂଖ୍ୟା
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||
  • ପୁରୀ : ଆଜି ଶ୍ରୀଜିଉଙ୍କ ଦର୍ଶନ ବନ୍ଦ, ଶ୍ରୀମନ୍ଦିର ଭିତରେ ଓ ବାହାରେ କରାଯାଉଛି ସାନିଟାଇଜ୍
  • ||
  • ବ୍ରିଜରେ ଝୁଲିଛି ଯାତ୍ରୀବାହୀ ବସ୍‌, ଅଳ୍ପକେ ବର୍ତ୍ତିଲେ ୫୦ରୁ ଅଧିକ ଯାତ୍ରୀ
  • ||
  • ଆଜିଠୁ ଖୋଲିଲା ଭିତରକନିକା, କୁମ୍ଭୀର ଗଣନା ପାଇଁ ଗତ ୧୫ ତାରିଖଠାରୁ ବନ୍ଦ ଥିଲା ଜାତୀୟ ଉଦ୍ୟାନ
  • ||

ପାକିସ୍ତାନରେ ଛପାଯାଉଛି ୨୦୦୦ଟଙ୍କିଆ ନକଲି ନୋଟ୍, ମୁମ୍ବାଇରୁ ୨୪ଲକ୍ଷ ଟଙ୍କା ସହ ଧରାପଡିଲା ଜଣେ

10/02/2020 at 10:52 AM

ମୁମ୍ବାଇ ୧୦।୨: ମୁମ୍ବାଇ ବିମାନବନ୍ଦରରୁ ରବିବାର ଦିନ ଦୁବାଇରୁ ଆସିଥିବା ଜଣେ ବ୍ୟକ୍ତି ୨୪ଲକ୍ଷ ଟଙ୍କାର ଜାଲ୍ ନୋଟ୍ ସହ ଧରାପଡିଛନ୍ତି । ଇଣ୍ଟରନ୍ୟାସନାଲ ଟର୍ମିନାଲ ବାହାରେ ଥିବା ବସଷ୍ଟାଣ୍ଡରୁ ସଂପୃକ୍ତ ବ୍ୟକ୍ତିକୁ ଧରିଛି ପୋଲିସ । ତା ନିକଟରୁ ଟଙ୍କାକୁ ଜବତ କରିବା ସହ ପୋଲିସ ତାକୁ ଗିରଫ କରିଛି । ଜବତ ଟଙ୍କାରେ କେବଳ ୨୦୦୦ ଟଙ୍କିଆ ନୋଟ୍ ଥିଲା । ଏହା ପାକିସ୍ତାନରେ ଛପାଯାଇଥିବା ଜଣାପଡିଛି । ନୋଟ୍ ରେ ଚିହ୍ନିତ ୯ଟି ମାର୍କରୁ ୭ଟିର ନକଲ କରାଯାଇଛି ।

ଗିରଫ ଅଭିଯୁକ୍ତର ନାଁ ହେଉଛି ଜାଭେଦ ଶେଖ୍ । ଜାଭେଦ କଲଓ୍ବାରେ ରହୁଥିଲା । ଏହା ପୂର୍ବରୁ ସେ ଦୁବାଇ ଏବଂ ବ୍ୟାଙ୍କକରେ ରହୁଥିଲା । ପୋଲିସର ସୂଚନା ଅନୁସାରେ ଜାଭେଦ ପୂର୍ବରୁ ମଧ୍ୟ ଏଭଳି କାମ କରିସାରିଛି । ପଚରାଉଚରା ବେଳେ ସେ ପୋଲିସକୁ କହିଛି ଯେ, ଏହି ନୋଟ୍ ପାକିସ୍ତାନରେ ଛପାଯାଇଛି । ଭାରତ ଆସିବା ପୂର୍ବରୁ ତାକୁ ଦୁବାଇ ପଠାଯାଇଥିଲା । ପୋଲିସ ଏହା ଜାଣିବାକୁ ଚେଷ୍ଟା କରୁଛି ଯେ, ସେ ଭାରତରେ କାହା ନିକଟକୁ ଏହି ଜାଲ୍ ନୋଟ୍ ନେଇ ଆସୁଥିଲା । ଜାଭେଦର ଆତଙ୍କୀ ଲିଙ୍କ୍ ଥିବା ନେଇ ମଧ୍ୟ ଆଶଙ୍କା କରାଯାଉଛି । ପୋଲିସର ସୂଚନା ଅନୁସାରେ ଜଣେ ସାଧାରଣ ବ୍ୟକ୍ତି ଏହି ଜାଲ୍ ନୋଟ୍ ଗୁଡିକୁ ସହଜରେ ଚିହ୍ନି ପାରିବ ନାହିଁ ।

ଜବତ ହୋଇଥିବା ଜାଲ୍ ନୋଟ୍ ଗୁଡିକୁ ଏକ ଟ୍ରଲି ଗ୍ୟାଗ୍ ମଧ୍ୟ ଅତି ସାବଧାନର ସହକାରେ ରଖାଯାଇଥିଲା । ପୋଲିସକୁ ଏହି ନୋଟ୍ ଖୋଜିବାକୁ ପ୍ରାୟ ଏକ ଘଣ୍ଟା ସମୟ ଲାଗିଥିଲା । ଜାଭେଦ ନୋଟ୍ ଗୁଡିକୁ ବଣ୍ଡଲ ବଣ୍ଡଲ କରି ନରଖି ଟ୍ରଲି ବ୍ୟାଗ୍ ମଧ୍ୟରେ ବିଛାଇକି ରଖିଥିବାରୁ ମେସିନ୍ ମଧ୍ୟ ତାକୁ ଧରିପାରିନଥିଲା ।

କ୍ରାଇମବ୍ରାଞ୍ଚ ଅଧିକାରୀଙ୍କ ସୂଚନା ଅନୁସାରେ, ଜବତ ଜାଲ୍‌ ନୋଟ୍ ରେ ଚିହ୍ନିତ ମାର୍କ ଗୁଡିକ ମଧ୍ୟରୁ ୨ଟିକୁ ସଂପୂର୍ଣ୍ଣ କରାଯାଇନଥିଲା । ଅପଟିକଲି ଭେରିଏବଲ ଇଙ୍କ୍ ଏବଂ ସି ଥ୍ରୀ ରେଜିଷ୍ଟ୍ରର ଏଥିରେ ସାମିଲ୍ ରହିଛି । ଏଥିଯୋଗୁଁ ନୋଟ୍ ଗୁଡିକ ଜାଲ୍ ଥିବା ସୂଚନା ମିଳିଥିଲା ।

   Related Posts