ନୂଆଦିଲ୍ଲୀ୫|୧୦: ଦିଲ୍ଲୀ ମୁଖ୍ୟମନ୍ତ୍ରୀ ତଥା ଆମ୍‌ ଆଦମୀ ପାର୍ଟି ମୁଖ୍ୟ ଅରବିନ୍ଦ କେଜରୀୱଲଙ୍କୁ ହତ୍ୟା ଧମକ ଦେଇଥିବା ବ୍ୟକ୍ତିକୁ ଦିଲ୍ଲୀ ପୋଲିସର ସାଇବର ସେଲ ଗିରଫ କରିଛି। ଗିରଫ ବ୍ୟକ୍ତିଙ୍କ ସମ୍ପର୍କରେ ଦିଲ୍ଲୀ ଗଣମାଧ୍ୟମ​‌ରୁ ସୂଚନା ମିଳିଛି। ପୋଲିସର ସୂଚନା ଅନୁସାରେ ଗିରଫ ବ୍ୟକ୍ତିର ଘର ରାଜସ୍ଥାନ।

ସୂଚନାଯୋଗ୍ୟ ଯେ, ଅଭିଯୁକ୍ତ ବ୍ୟକ୍ତି ଇ-ମେଲ ମାଧ୍ୟମରେ ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ଧମକାଉଥିଲେ। ଏହାପରେ ମୁଖ୍ୟମନ୍ତ୍ରୀ ଦିଲ୍ଲୀ ପୋଲିସରେ ଅଭିଯୋଗ କରିଥିଲେ। ଏହି ମାମଲାକୁ ଦିଲ୍ଲୀ ପୋଲିସ ସାଇବର ସେଲକୁ ହସ୍ତାନ୍ତର କରାଯାଇଥିଲା।

ଅଭିଯୁକ୍ତ ପଠାଇଥିବା ଇ-ମେଲ ଆଧାରରେ ସାଇବର ସେଲ ତଦନ୍ତ ଆରମ୍ଭ କରିଥିଲେ। କିଛି ମାସ ପରେ ରାଜସ୍ଥାନରୁ ଅଭିଯୁକ୍ତ ବ୍ୟକ୍ତିକୁ ଦିଲ୍ଲୀ ପୋଲିସର ସାଇବର ସେଲ ଗରିଫ କରିଛି। ଦିଲ୍ଲୀ ମୁଖ୍ୟମନ୍ତ୍ରୀଙ୍କୁ ସେ କାହିଁକି ଧମକାଉଥିଲେ ବୋଲି ଅଭିଯୁକ୍ତକୁ ପୋଲିସ ପଚରାଉଚାର କରିଥିଲା। ହେଲେ ଏ ସମ୍ପର୍କରେ ଅଭିଯୁକ୍ତ ମୁହଁ ଖୋଲି ନାହିଁ।

ସୂଚନାଯୋଗ୍ୟ ଯେ, କେଜରୀୱାଲଙ୍କୁ ଏହା ପ୍ରଥମ ଧମକ ନୁହେଁ । ଏହାପୂର୍ବରୁ ମଧ୍ୟ କେଜେରୀୱାଲଙ୍କ ସମେତ ତାଙ୍କ ପରିବାରର ସଦସ୍ୟଙ୍କୁ ମଧ୍ୟ ଧମକ ମିଳିଥିଲା। ଏହି ଧମକ ଦେବା ଘଟଣାରେ ଏକ ଯୁବକକୁ ପୋଲିସ ମଧ୍ୟ ଗିରଫ କରିଥିଲା।