Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ମାତ୍ର ୧୦ ହଜାର ଟଙ୍କା ଧାର ପାଇଁ ଗର୍ଭସ୍ଥ ଶିଶୁ ଦେଖିପାରିଲାନି ଆଲୋକ, ମା’ ଗୁରୁତର: ଅଭିଯୁକ୍ତକୁ ଗିରଫ କଲା ପୋଲିସ୍‌

20/10/2020 at 9:39 PM

ମୁମ୍ବାଇ ୨୦/୧୦: ଧାର ଟଙ୍କା ସୁଝି ପାରିଲାନି ମା’ । କିନ୍ତୁ ଦୁନିଆକୁ ଆସିବା ପୂର୍ବରୁ ମା’ ପେଟରେ ଆଖିବୁଜିଲା ପିଲା। କ୍ରିମିନାଲ୍‌ ପାଲଟିଗଲା କେବଲ୍‌ ଅପରେଟର। ୨୧ ବର୍ଷୀୟା ମହିଳାଙ୍କୁ ଦୁଷ୍କର୍ମ ଉଦ୍ୟମ କରିବା ସହ ମାଡ଼ ମାରିବାକୁ ବି ପଛାଇଲାନି ୪୫ ବର୍ଷୀୟ କେବଲ୍‌ ଅପରେଟର । କେଇଟା ଟଙ୍କା ପାଇଁ ପଶୁ ପାଲଟିଗଲା ଆଉ ଜଣେ ଗର୍ଭବତୀ ମହିଳାଙ୍କ ପେଟକୁ ମାରିଦେଲା ଗୋଇଠା । ଦୁନିଆ ଦେଖିବା ପୂର୍ବରୁ ମା’ ପେଟରେ  ଜୀବନ ହରାଇଲା ପିଲା। ଏମିତି ଏକ ଲୋମଟାଙ୍କୁରା ଘଟଣା ଘଟିଛି ମୁମ୍ବାଇର ଭରସୋଭା ଥାନା ଅଞ୍ଚଳରେ।

ଭରସୋଭା ପୋଲିସର କହିବା ଅନୁଯାୟୀ, ଅଭିଯୁକ୍ତ ଓ ପୀଡ଼ିତାଙ୍କ ସ୍ବାମୀ ପରସ୍ପରକୁ ଜାଣିଥିଲେ। ଅଭିଯୁକ୍ତ ପୀଡ଼ିତାଙ୍କ ଘରକୁ ମଧ୍ୟ ଆସୁଥିଲା। ଟଙ୍କା ଆବଶ୍ୟକ ଥିବାରୁ ମହିଳା ତା(ଅଭିଯୁକ୍ତ) ପାଖରୁ ୧୦ ହଜାର ଟଙ୍କା ଧାର କରିଥିଲେ । କିନ୍ତୁ ସମୟ ପୂର୍ବରୁ ଟଙ୍କା ପରିଶୋଧ କରିପାରି ନଥିଲେ ମହିଳା। ଅକ୍ଟୋବର ୧୫ ତାରିଖରେ ଅଭିଯୁକ୍ତ ତାଙ୍କୁ ଡାକିଥିଲା ସାକ୍ଷାତ କରିବାକୁ। ସାକ୍ଷାତ ପାଇଁ  ଅନ୍ଧେରିର ଅସ୍‌ମା ହସ୍ପିଟାଲ ପାଖକୁ ମହିଳାଙ୍କୁ ଡାକିଥିଲା ଅଭିଯୁକ୍ତ।

ନିର୍ଦ୍ଧାରିତ ଦିନ ମହିଳା ଜଣଙ୍କ ତାଙ୍କର ୨ ବର୍ଷର ଶିଶୁକୁ ନେଇ ଯଥା ସ୍ଥାନରେ ପହଞ୍ଚିଥିଲେ। ପଶ୍ଚିମ ଅନ୍ଧେରିରେ ଥିବା ମାଧା ବିଲ୍ହିଂକୁ ମହିଳାଙ୍କୁ  ନେଇଯାଇଥିଲା ଅଭିଯୁକ୍ତ। ସେଠରେ ପୂର୍ବରୁ ଥିବା ଜଣେ ମହିଳାଙ୍କୁ ଦୁଇ ବର୍ଷର ଶିଶୁକୁ ଦେଇ ମହିଳାକୁ ଅନ୍ୟ ଏକ କୋଠରୀକୁ ନେଇଥିଲା ଅଭିଯୁକ୍ତ। ସେଠାକୁ ନେଇ ମହିଳାଙ୍କୁ ଟଙ୍କା ମାଗିଥିଲା। ଟଙ୍କା ନଦେଲେ ଅଭିଯୁକ୍ତ ଦୁଷ୍କର୍ମ ଧମକ ​‌ଦେଇଥିବା ମଧ୍ୟ ପୋଲିସ୍‌ କହିଛି।

ଅଭିଯୁକ୍ତ ମହିଳାଙ୍କୁ ଦୁର୍ବ୍ୟହାର କରିବା ସହ ଦୁଷ୍କର୍ମ କରିବାକୁ ଉଦ୍ୟମ କରିଥିଲା। ଏଥିରୁ ବର୍ତ୍ତିବା ପାଇଁ ମହିଳା ଚେଷ୍ଟା କରିବାରୁ ତାଙ୍କ ପେଟକୁ ଲାତ ମାରିଦେଇଥିଲା ଅଭିଯୁକ୍ତ। ପରେ ମହିଳା କଷ୍ଟ ଅନୁଭବ କରିଥିଲେ। ପରେ ମହିଳାଙ୍କୁ ହସ୍ପିଟାଲ ନିଆଯାଇଥିଲେ ସୁଦ୍ଧା ତାଙ୍କ ପେଟରେ ଥିବା ପିଲାର ମୃତ୍ୟୁ ହୋଇଥିବା ଡାକ୍ତର କହିଥିଲେ ବୋଲି ପୋଲିସ କହିଛି।

ଏ ସମସ୍ତ ଘଟଣା ସମ୍ପର୍କରେ ପୀଡ଼ିତା ତାଙ୍କ ସ୍ବାମୀଙ୍କୁ କହିଥିଲେ। ପରେ ଦୁହେଁ ଭରସୋଭା ଥାନରେ ଅଭିଯୋଗ କରିଥିଲେ। ପୋଲିସ ଅଭିଯୁକ୍ତକୁ ଗିରଫ କରିବା ସହ ଧାରା ୩୭୬, ୩୧୩, ୩୨୩ ଓ ୫୦୬ ଅଧିନରେ ମାମଲା ରୁଜୁ କରିଛି।

   Related Posts