ମହାକାଳପଡା୨୮|୭: ଜଣେ ନାବାଳିକା ସହିତ ସ୍ବାମୀର ଅବୈଧ ସମ୍ପର୍କକୁ ସ୍ତ୍ରୀ ଜାଣିବା ସହ ବିରୋଧ କରିବାରୁ ସ୍ବାମୀ- ସ୍ତ୍ରୀଙ୍କ ମଧ୍ୟରେ ସୃଷ୍ଟି ହୋଇଥିଲା କହଳ । କଳହ ଉଗ୍ରରୂପ ନେଇଥିଲା ଓ ରାକ୍ଷସ ସ୍ବାମୀ ସ୍ତ୍ରୀ ଉପରେ କିରୋସିନ ଢାଳି ଜିଅନ୍ତା ଜାଳିଦେଲା । ପ୍ରାଣ ହାରିଲା ଜଣେ ଦୁଇ ଶିଶୁର ନିରୀହ ଜନନୀ । ଏମିତି ଅଭାବନୀୟ ଘଟଣା ଘଟିଛି କେନ୍ଦ୍ରାପଡା ଜିଲ୍ଲା ଜମ୍ବୁ ସାମୁଦ୍ରିକ ଥାନା ଅନ୍ତର୍ଗତ ପିତାପାଟ ଗ୍ରାମରେ ।
{"id":138333}ପିତାପାଟ ଗ୍ରାମର ନିରଜଂନ ମଣ୍ଡଳଙ୍କ ଝିଅ ସୁଷମା ସେହିଗ୍ରାମର ସନ୍ତୋଷ ମଣ୍ଡଳଙ୍କ ପୁଅ ନିତ୍ୟାନନ୍ଦ ମଣ୍ଡଳଙ୍କୁ ୮ବର୍ଷ ତଳେ ପ୍ରେମ ବିବାହ କରିଥିଲେ । ବିବାହ ପରେ ଦୁଇ ଜଣ ପୁଅ ଓ ଝିଅର ଜନନୀ ହୋଇଥିଲେ ସୁଷମା । ହେଲେ ଇତି ମଧ୍ୟରେ ସ୍ବାମୀ ନିତ୍ୟାନନ୍ଦ ପଡିଥିଲା ପରକୀୟା ପ୍ରେମରେ । ସମ୍ପର୍କରେ ଭାଣିଜୀ ସୀମା(ଛଦ୍ମନାମ) ନାମକ ଜଣେ ନାବାଳିକା ସହିତ ତାର ପ୍ରେମ ସମ୍ପର୍କ ଗଢିଉଠିଥିଲା ।
{"id":138334}ଏହା ଜାଣିବାପରେ ସୁଷମା ବିରୋଧ କରିାସୁଥିଲା । ଏନେଇ ସ୍ବାମୀ- ସ୍ତ୍ରୀ ମଧ୍ୟରେ ବାରମ୍ବାର ଝଗଡା ମଧ୍ୟ ଲାଗୁଥିଲା । ସ୍ବାମୀ ନିତ୍ୟାନନ୍ଦ ବାରମ୍ବାର ସୁଷମାକୁ କହୁଥିଲା ତୁ ମରିଯା ବୋଲି । ଏ ନେଇ ଗାଁ ଠାରୁ ଫାଣ୍ଡି ପର୍ଯ୍ୟନ୍ତି ନିଷାପ ବସିଥିଲା । ସୁଷମାଙ୍କ ପରିବାର ଲୋକେ ସ୍ବାମୀକୁ ଛାଡି ବାପଘରେ ରହିବାକୁ ସୁଷମାଙ୍କୁ ପରାମର୍ଶ ଦେଉଥିଲେ । ମାତ୍ର ସୁଷମା ରାଜି ନଥିଲା । ବଂର ସ୍ବାମୀକୁ ବୁଝାଇ ଘର ସଂସାର କରିବା ପାଇଁ ଚେଷ୍ଟା କରୁଥିଲେ । ହେଲେ ସେ ସବୁ ସ୍ବପ୍ନ ସ୍ବପ୍ନ ରେ ରହିଗଲା ସୁଷମା ଯେଉଁ ସ୍ବାମୀକୁ ନେଇ ଘର ସଂସାର କରିବ ସ୍ବପ୍ନ ଦେଖୁଥିଲା ସେହି ସ୍ବାମି ହାତରେ ହିଁ ଶେଷରେ ତାଙ୍କର ପ୍ରାଣଗଲା ।
{"id":138335}ସେ ଦିନ ଥିଲା ଜୁଲାଇ ୨୪ତାରିଖ । ସ୍ବାମୀ ନିତ୍ୟାନନ୍ଦ କାମକୁ ଯିବା ପାଇଁ ବାହାରି ଥିଲା । ମାତ୍ର କାମକୁ ନଯାଇ ସୀମା ଘରକୁ ଯାଇଥିଲା । ଏ ଖବର ସ୍ତ୍ରୀ ସୁଷମା ପାଖରେ ପହଞ୍ଚିଥିଲା । ତାପରେ ସୁଷମା ଯାଇ ସୀମା ଘରେ ପଂହଚି ଥିଲେ ।ସ୍ବାମୀ ନତ୍ୟାନନ୍ଦ ସହିତ ମେନକା ଗୋଟିଏ ବିଛଣାରେ ଶୋଇଥିବାର ଦେଖି ସ୍ବାମୀ କୁ ଟାଣି ଆଣିଥିଲେ ।
{"id":138338}ଘରକୁ ଫେରିବାପରେ ସ୍ବାମୀ- ସ୍ତ୍ରୀ ମଧ୍ୟରେ ଆରମ୍ଭ ହୋଇଥିଲା ଝଗଡା । ନିତ୍ୟାନନ୍ଦ ସୁଷମା କୁ କହିଥିଲା ତୁ ମରିଯା ନହଲେ ତତେ ମାରିଦେବି । ଏହା ପରେ ଅଭିମାନରେ ସୁଷମା କିରୋସିନ ଢାଳି ହୋଇ ପଡିଥିଲେ ।ସୁଷମାକୁ ନିତ୍ୟାନନ୍ଦ ଏଥିରୁ ନିବୃତ୍ତ କରିବା ବଦଳରେ ସୁଷମା ଦେହରେ ଲାଇଟରରେ ନିଆଁ ଲଗାଇ ଦେଇଥିଲା । କେବଳ ସେତିକି ନୁହେଁ, ଯନ୍ତ୍ରଣାରେ ସୁଷମା ଚିତ୍କାର କରୁଥିବାବେଳେ ବାହାର ପଟୁ ଘରେ ତାଲା ଦେଇ ସେଠାରୁ ଚାଲିଯାଇଥିଲା ।
{"id":138339}ସୁଷମାଙ୍କ ଦେହରେ ଲାଗିଥିବା ନିଆଁ ଚାଳଘରକୁ ଲାଗିଯାଇଥିଲା । ଘର ଜଳିବା ଦେଖି ସହି ଗ୍ରାମର ଗଣେଷ ହାଉଲି ଘର ଉପରକୁ ପାଣି ପକାଇବା ପାଇଁ ଚେଷ୍ଟା କରୁଥିଲେ । ଏତିକି ବଳେ ସୁଷମାଙ୍କ ଚିତ୍କାର ଶୁଣି ସୁଷମାଙ୍କୁ ପ୍ରଥମେ ଉଦ୍ଧାର କରିଥିଲେ । ସେତବେଳକୁ ସୁଷମାଙ୍କ ଶରୀର ସଂମ୍ପୂଣ୍ଣ ପୋଡି ଯାଇଥିଲା । ତାଙ୍କୁ ତୁରନ୍ତ କେନ୍ଦ୍ରାପଡା ଓ ପରେ କଟକ ମେଡିକାଲରେ ଭର୍ତ୍ତି କରାଯାଇଥିଲା ।ହେଲେ ସେଠାରେ ତାଙ୍କର ମୃତ୍ୟୁ ଘଟିଥିଲା ।
{"id":138340}ଏ ନେଇ ସୁଷମାଙ୍କ ବାପା ନିରଜଂନ ମଣ୍ଡଳ ଗତକାଲି ଥାନାରେ ଲିଖିତ ଅଭିଯୋଗ ଦାଖଲ କରିବାପରେ ପୋଲିସ ସ୍ବାମୀ ନତ୍ୟାନନ୍ଦକୁ ଗିରଫ କରିବା ପରେ ଆଜି ର୍କୋଟ ଚାଲଣ କରିଛି ।
{"id":138341,"width":592,"height":1184}ମା ଆର ପାରିକୁ ଚାଲିଗଲା ବାପା ଗିରଫ । ଦୁଇ ଶିଶୁଙ୍କ ଭବିଷ୍ୟତ କଣ ହେବ ତାହା ଏବେ ଚିନ୍ତାର ବିଷୟ । ଏ ଶିଶୁଙ୍କ ପ୍ରତିପୋଷଣ ଭାର ସରକାର ବହନ କରିବାକୁ ଗ୍ରାମବାସୀ ଅନୁରୋଧ କରିଛନ୍ତି ।