Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଅନ୍ୟ ରାଜ୍ୟରେ ଫସିଥିବା ଶ୍ରମିକଙ୍କୁ ଫେରାଇ ଆଣିବାକୁ ମମତାଙ୍କ ସ୍ୱତନ୍ତ୍ର ବ୍ୟବସ୍ଥା, ୧୦୫ ଟ୍ରେନ୍ ପାଇଁ ସମତ୍ତି ଦେଇଛି ରେଳ ବିଭାଗ

14/05/2020 at 4:29 PM

କୋଲକାତା, ୧୪|୦୫:  କରୋନା ସଙ୍କଟ ମଧ୍ୟରେ ଦେଶ ଭିନ୍ନ ଭିନ୍ନ ସ୍ଥାନରେ ଲକ୍ଷାଧିକ ଶ୍ରମିକ ଫସି ରହିଛନ୍ତି । ପଶ୍ଚିମବଙ୍ଗର ଯେଉଁ ଶ୍ରମିକମାନେ ବିଭିନ୍ନ ସ୍ଥାନରେ ଫସିରହିଛନ୍ତି ସେମାନଙ୍କୁ ଫେରାଇ ଆଣିବା ପାଇଁ ରାଜ୍ୟ ସରକାରଙ୍କ ତରଫରୁ ୧୦୫ଟି ଅତିରିକ୍ତ ସ୍ୱତନ୍ତ୍ର ଟ୍ରେନ୍ ଚଳାଇବା ପାଇଁ ନିଷ୍ପତ୍ତି ନିଆଯାଇଛି । ରାଜ୍ୟ ମୁଖ୍ୟମନ୍ତ୍ରୀ ମମତା ବାନାର୍ଜୀ ଗୁରୁବାର ଏନେଇ ଟ୍ୱିଟ୍ କରି ସୂଚନା ଦେଇଛନ୍ତି ।

ମମତା ଟ୍ୱିଟ୍ କରି କହିଛନ୍ତି ଯେ, ପଶ୍ଚିମବଙ୍ଗର ଯେଉଁମାନେ ବିଭିନ୍ନ ସ୍ଥାନରେ ଫସି ରହିଛନ୍ତି ସେମାନଙ୍କୁ ଉଦ୍ଧାର କରାଯିବ । ସେମାନଙ୍କୁ ଫେରାଇ ଆଣିବା ପାଇଁ ସରକାର ପ୍ରୟାସ କରୁଛନ୍ତି । ଏଥିପାଇଁ ୧୦୫ଟି ଅତିରିକ୍ତ ଟ୍ରେନ୍ ଚଳାଚଳ କରିବ । ରାଜ୍ୟ ସରକାର ଏଥିପାଇଁ ରଳବିଭାଗକୁ ସୁପାରିଶ କରିଥିଲେ । ଯାହାକୁ ବିଭାଗ ମଞ୍ଜୁରୀ ପ୍ରଦାନ କରିଛି ।

ମମତାଙ୍କ କହିବାନୁସାରେ, ଦେଶର ବିଭିନ୍ନ ଅଞ୍ଚଳକୁ ପଶ୍ଚିମବଙ୍ଗ ପାଇଁ ଟ୍ରେନ ଚଳାଚଳ କରିବ । ଟ୍ରେନ କେଉଁଠାରୁ କେଉଁ ସ୍ଥାନକୁ ଯିବ ସେନେଇ ମଧ୍ୟ ଟ୍ୱିଟ୍ କରାଯାଇଛି । ସେ ଏଥିପାଇଁ ଲିଙ୍କ୍ ମଧ୍ୟ ସେୟାର କରିଛନ୍ତି । ଯାହାକୁ କ୍ଲିକ୍ କରି ଟ୍ରେନର ଟାଇମିଂ ଦେଖିହେବ ।

ସୂଚନାଯୋଗ୍ୟ, ଗତ କିଛିଦିନ ତଳେ ବିଭିନ୍ନ ସ୍ଥାନରେ ଫସିଥିବା ପଶ୍ଚିମବଙ୍ଗ ଶ୍ରମିକଙ୍କୁ ନେଇ ଅେକ ରାଜନୀତି ହୋଇଥିଲା । ଏହି ମାମଲାରେ ଗୃହମନ୍ତ୍ରୀ ଅମିତ ଶାହ ମମତାଙ୍କୁ ଚିଠି ଲେଖିଥିଲେ । ଚିଠିରେ ଲେଖାଥିଲା ଯେ, ଅନ୍ୟ ରାଜ୍ୟରେ ଫସିଥିବା ଶ୍ରମିକମାନେ କୋଲକାତା ଫେରିବାକୁ ଚାହୁଁଛନ୍ତି । କିନ୍ତୁ ରାଜ୍ୟ ସରକାରଙ୍କ ଆଭିମୁଖ୍ୟ ଠିକ ନାହିଁ । କରୋନାକୁ ନେଇ ମମତା ସରକାର ତତ୍ପରତା ପ୍ରକାଶ କରୁ ନାହାଁନ୍ତି । ଏହାସହ ରାଜ୍ୟକୁ ଟ୍ରେନ୍ ପ୍ରବେଶ ପାଇଁ ମଞ୍ଜୁରୀ ଦେଉନଥିବା ଶାହ କହିଥିଲେ ।

   Related Posts