Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ଲକ୍ ଡାଉନ୍ ସମର୍ଥନରେ ବାହାରିଲେ ଦିଦି, ମେ’ ମାସ ଶେଷ ପର୍ଯ୍ୟନ୍ତ ଜାରି ରଖିବାକୁ ପରାମର୍ଶ

30/04/2020 at 1:26 PM

କୋଲକାତା ୩୦।୪: ସାରା ବିଶ୍ବରେ କରୋନା ସଙ୍କଟ ହଇଚଇ ସୃଷ୍ଟି କରିଛି । ଭାରତ ମଧ୍ୟ ଏଥିରୁ ବାଦ୍ ପଡିନି । ଦିନକୁ ଦିନ ଦେଶରେ କରୋନା ସଂକ୍ରମିତଙ୍କ ସଂଖ୍ୟା ବଢିବାରେ ଲାଗିଛି । ଏହି ମହାମାରୀର ମୁକାବିଲା ପାଇଁ ଦେଶବ୍ୟାପୀ ଲକ୍ ଡାଉନ୍ ବଳବତ୍ତର ରହିଛି । ଯାହା ମେ’ ୩ ତାରିଖ ପର୍ଯ୍ୟନ୍ତ ଜାରି ରହିବ । ଅନେକ ରାଜ୍ୟର ମୁଖ୍ୟମନ୍ତ୍ରୀ ଏହି ଲକ୍ ଡାଉନ୍ କୁ ବଢାଇବା ପାଇଁ ପରାମର୍ଶ ଦେଇଛନ୍ତି ।

ଏହି ସମୟରେ ପଶ୍ଚିମବଙ୍ଗ ମୁଖ୍ୟମନ୍ତ୍ରୀ ମମତା ବାନାର୍ଜୀ ବୁଧବାର କହିଛନ୍ତି ଯେ, ବିଶେଷଜ୍ଞ ତଥା ଡାକ୍ତରମାନେ ବିଶ୍ବାସ କରନ୍ତି ଯେ କୋଭିଡ-୧୯ର ବିସ୍ତାରକୁ ରୋକିବା ପାଇଁ ଲଗାଯାଇଥିବା ପ୍ରତିବନ୍ଧକ ମେ’ ମାସ ଶେଷ ସୁଦ୍ଧା ରାଜ୍ୟରେ ବଳବତ୍ତର ରହିବା ଉଚିତ୍ । କେନ୍ଦ୍ର ସରକାରଙ୍କ ଆଦେଶ ଅନୁଯାୟୀ, ମମତା କିଛି ନିର୍ଦ୍ଦିଷ୍ଟ ରିହାତି ପାଇଁ ଅନୁମତି ଦେଇଛନ୍ତି, ଯେପରିକି ଗ୍ରୀନ୍ ଜୋନ୍ ରେ ଅବସ୍ଥିତ କୌଣସି ଜିନିଷର ଏକମାତ୍ର ଷ୍ଟୋର୍‌ ଖୋଲାଯିବ । ତଥାପି, ପରସ୍ପରଠାରୁ ଦୂରତା ବଜାୟ ରଖିବା ପାଇଁ କଠୋର ସତର୍କତା ଏବଂ କଠୋର ନିୟମ ରହିଛି ।

ସେ କହିଛନ୍ତି ଯେ, ସଙ୍କଟ କେବେ ଶେଷ ହେବ ତାହା କେହି କହିପାରିବେ ନାହିଁ । ମେ’ ମାସ ଶେଷ କିମ୍ବା ଜୁନ୍ ପ୍ରଥମ ସପ୍ତାହ ପର୍ଯ୍ୟନ୍ତ ଅଧିକାଂଶ ଦେଶରେ ଲକ୍ ଡାଉନ୍ ଘୋଷଣା କରାଯାଇଛି । ଆମର ବିଶେଷଜ୍ଞ ଏବଂ ଡାକ୍ତରମାନେ ମଧ୍ୟ ବିଶ୍ବାସ କରନ୍ତି ଯେ, କୋଭିଡ-୧୯ ପ୍ରତିବନ୍ଧକ ମେ’ ମାସ ଶେଷ ପର୍ଯ୍ୟନ୍ତ ଜାରି ରହିବା ଉଚିତ୍ । ସେ କହିଛନ୍ତି ଯେ ସଂକ୍ରମିତ ଲୋକଙ୍କ ସଂଖ୍ୟା ହ୍ରାସ ହୋଇପାରେ । କିନ୍ତୁ ଜୁଲାଇ, ଅଗଷ୍ଟରେ ବର୍ଷା ହେତୁ ଏହା ପୁନର୍ବାର ବୃଦ୍ଧି ହୋଇପାରେ ।

ତୃଣମୂଳ କଂଗ୍ରେସ ମୁଖ୍ୟ ଅଭିଯୋଗ ଆଣିଛନ୍ତି ଯେ, ଏହି ସଙ୍କଟ ସମୟରେ ବିଜେପି ରାଜନୀତି କରୁଛି । । ସେ ପ୍ରଶ୍ନ କରିଛନ୍ତି, ବିଜେପି ହାୱଡାରେ ପୋଲିସ ଉପରେ ହୋଇଥିବା ଆକ୍ରମଣକୁ ନେଇ ହୋହଲ୍ଲା କରୁଛି । ବିଜେପି ଶାସିତ ରାଜ୍ୟରେ ପୋଲିସ ଉପରେ ଆକ୍ରମଣ କ’ଣ ?

   Related Posts