Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାରାଷ୍ଟ୍ର : ଭାରସାମ୍ୟ ହରାଇ ୩୦ ଫୁଟ ଖାଇକୁ ଖସିଲା ବସ୍, ୫ ଜଣଙ୍କ ମୃତ୍ୟୁ, ୩୫ ଆହତ
  • ||
  • କାର୍ଯ୍ୟରେ ଅବହେଳା ପାଇଁ ନିଲମ୍ବିତ ହେଲେ ଗୁଣୁପୁର ତହସିଲଦାର
  • ||
  • ଚେନ୍ନାଇ ସୁପରକିଙ୍ଗ୍ସକୁ ବଡ ଝଟକା, ଆହତ କାରଣରୁ ଆଇପିଏଲ୍‌ର ବାକି ମ୍ୟାଚ୍‌ରୁ ବାଦ୍ ପଡିଲେ ଡ୍ଵେନ ବ୍ରାଭୋ
  • ||
  • ରାଜ୍ୟରେ ଆଉ ୧୩ କରୋନା ସଂକ୍ରମିତଙ୍କ ମୃତ୍ୟୁ
  • ||
  • ରାଜ୍ୟରେ ୧୯୩୧ କରୋନା ସଂକ୍ରମିତ ଚିହ୍ନଟ
  • ||
  • ୧୨କୋଟି ଟଙ୍କାର ଜିଏସ୍‌ଟି ଠକେଇ ଅଭିଯୋଗ, ବିଭାଗ ପକ୍ଷରୁ ଛାନ୍‌ଭିନ୍‌ ଆରମ୍ଭ
  • ||
  • ବିଜାପୁରରେ ଏନ୍‌କାଉଣ୍ଟର : ଜଣେ ନକ୍ସଲ ନିହତ, ୨ ଯବାନ ଆହତ
  • ||
  • ମାଓବାଦୀଙ୍କ ବର୍ବର କାଣ୍ଡ , ପୋଲିସ ଇନଫର୍ମର ସନ୍ଦେହରେ ଘରୁ ଡାକି ନେଇ ହତ୍ୟା
  • ||

ବିଜେପିକୁ ମମତାଙ୍କ ଆକ୍ଷେପ : କହିଲେ ବଙ୍ଗଳାକୁ କେବେହେଲେ ଗୁଜରାଟ ହେବାକୁ ଦେବେନାହିଁ, ଏଠାରେ ବଙ୍ଗାଳି ଭାଷା କହିବା ଜରୁରୀ

14/06/2019 at 4:55 PM

କୋଲକାତା ୧୪/୬ : ପଶ୍ଚିମବଙ୍ଗରେ ରାଜନୈତିକ ହିଂସା ଏବଂ ଲଢେଇ ଏବେ ମଧ୍ୟ ଜାରି ରହିଛି । ଭାରତୀୟ ଜନତା ପାର୍ଟି ପଶ୍ଚିମବଙ୍ଗରେ ନିଜର କାୟା ବିସ୍ତାର କରିବାରେ ଲାଗିଛି । ଅପରପକ୍ଷରେ ମମତା ବାନାର୍ଜୀ ମଧ୍ୟ ବିଜେପି ବିରୋଧରେ ଅଣ୍ଟା ଭିଡିଛନ୍ତି । ଆଜି ଉତ୍ତର ୨୪ ପ୍ରଗଣାରେ ମମତା ବାନାର୍ଜୀ ଏକ ଜନସଭାକୁ ସମ୍ବୋଧିତ କରିଥିଲେ । ଜନସଭାରେ ମମତା କହିଥିଲେ ଯେ, ସେ ପଶ୍ଚିମବଙ୍ଗକୁ ଗୁଜରାଟ ହେବାକୁ ଦେବେନାହିଁ । ବଙ୍ଗଳା ବଙ୍ଗଳା ହିଁ ରହିବ ବୋଲି ସେ ଦୃଢର ସହ କହିଥିଲେ ।

ସେ କହିଥିଲେ ଯେ ବଙ୍ଗାଳି ଭାଷାକୁ ଆଗକୁ ବଢାଇବାକୁ ହେବ । ଯେତେବେଳେ ସେ ବିହାର, ଉତ୍ତର ପ୍ରଦେଶ କିମ୍ବା ପଞ୍ଜାବ ଯାଆନ୍ତି ସେତେବେଳେ ସେ ତାଙ୍କ ଭାଷାରେ ଭାଷଣ ଦେବା ପାଇଁ ଚେଷ୍ଟା କରିଥାନ୍ତି । ସେହିଭଳି ପଶ୍ଚିମବଙ୍ଗରେ ରହିଲେ ବଙ୍ଗଳା ଭାଷା ଆସୁଥିବା ଦରକାର । ଏପରିକି ଯିଏ ପଶ୍ଚିମବଙ୍ଗ ବୁଲିବାକୁ ଆସୁଛନ୍ତି ତାଙ୍କୁ ମଧ୍ୟ ବଙ୍ଗଳା ଭାଷା ଆସୁଥିବା ଦରକାର । ବଙ୍ଗଳାରେ ଗୁଣ୍ଡାମାନେ ବାଇକରେ ବୁଲିବା ସେ କଦାପି ସହ୍ୟ କରିବେନି ବୋଲି କହିଥିଲେ ।

ଲୋକସଭା ନିର୍ବାଚନ ଠାରୁ ବିଜେପି ଏବଂ ତୃଣମୂଳ କଂଗ୍ରେସ ମଧ୍ୟରେ ବିବାଦ ଚାଲିଛି । ପ୍ରଥମ ମତଦାନ ଦିନରୁ ହିଁ ହିଂସା ଆରମ୍ଭ ହୋଇଥିଲା । ଫଳାଫଳ ପରେ ବିଜେପି ୧୮ଟି ଆସନ ହାତେଇବା ପରେ ହିଂସା ଦିନକୁ ଦିନ ବଢ଼ିବାରେ ଲାଗିଛି । ୨୦୧୧ ମସିହାରେ ହେବାକୁ ଥିବା ବିଧାନସଭା ନିର୍ବାଚନ ଉପରେ ଉଭୟ ଦଳର ନଜର ରହିଛି । ବିଜେପି ବିଧାନସଭା ନିର୍ବାଚନରେ ମଧ୍ୟ ଅଧିକ ଆସନ ହାତେଇବା ଆଶଙ୍କାରେ ରହିଛି ଟିଏମସି ।

ବିଜେପି ମଧ୍ୟ ଲଗାତାର ଏକ୍ସନରେ ଅଛି । ବିଜେପି ନୂଆ ତରିକାରେ ସଦସ୍ୟତା ଅଭିଯାନ ଆରମ୍ଭ କରିଛି । ଏହି ଅଭିଯାନରେ ସବୁଠାରୁ ଅଧିକ ଫୋକସ ପଶ୍ଚିମବଙ୍ଗ ଉପରେ କରୁଛି ଦଳ । ବଙ୍ଗଳାର ବିଜେପି ପ୍ରଭାରୀ କୈଳାସ ବିଜୟବର୍ଗିୟ ମଧ୍ୟ ଟ୍ୱିଟ କରି ମମତାଙ୍କୁ ଟାର୍ଗେଟ କରିଛନ୍ତି । ବଙ୍ଗଳାରେ ଡାକ୍ତରଙ୍କ ଧାରଣା ପ୍ରସଙ୍ଗରେ କୈଳାସ ବିଜୟବର୍ଗିୟ ଟ୍ୱିଟ କରି ମମତାଙ୍କୁ କହିଛନ୍ତି, ଦିଦି ଆପଣ ହିଁ ରାଜ୍ୟର ସ୍ୱାସ୍ଥ୍ୟମନ୍ତ୍ରୀ, ତଥାପି ଆପଣଙ୍କ ରାଜ୍ୟରେ ରୋଗୀ ହନ୍ତସନ୍ତ ହେଉଛନ୍ତି ।

ସୂଚନାଯୋଗ୍ୟ ଯେ, ପଶ୍ଚିମବଙ୍ଗରେ ସମସ୍ତ ଡାକ୍ତର ଧାରଣା ଦେଇଛନ୍ତି । ଯେଉଁଥିପାଇଁ ରାଜ୍ୟରେ ସ୍ୱାସ୍ଥ୍ୟ ବ୍ୟବସ୍ଥା ଦୋହଲିଯାଇଛି । ଜଣେ ଜୁନିୟର ଡାକ୍ତରଙ୍କ ସହିତ କିଛି ରୋଗୀ ଦୁର୍ବ୍ୟବହାର କରିବା ସହ ମାଡ ମାରିଥିଲେ । ଏହାପରେ ରାଜ୍ୟରେ ଡାକ୍ତରମାନେ ଧାରଣା ଦେଇଛନ୍ତି । କିଛି ଡାକ୍ତର ହେଲମେଟ ପିନ୍ଧି ରୋଗୀଙ୍କ ଚିକିତ୍ସା କରୁଛନ୍ତି । ପାଖାପାଖି ୩୦ ଜଣ ଡାକ୍ତର ଇସ୍ତଫା ଦେଇଦେଇଛନ୍ତି ।

   Related Posts