ବଲାଙ୍ଗୀର ୨୩।୧୦: ମାଷ୍ଟର ପ୍ଲାନ୍ କରି ହତ୍ୟା କଲା । ଡାକି ନେଲା ପରେ ହତ୍ୟା କରି ପୋଡି ପୋତି ଦେଲା। ସନସାଇନ୍ ପବ୍ଲିକ୍ ସ୍କୁଲ ଅଧ୍ୟକ୍ଷା ମମିତା ମେହେରଙ୍କ ମର୍ଡର ମିଷ୍ଟ୍ରିର ଗୋଟିଏ ପରେ ଗୋଟିଏ ତଥ୍ୟ ଲାଗୁଛି ପୋଲିସ ହାତରେ। ମୁଖ୍ୟ ଅଭିଯୁକ୍ତ ଗୋବିନ୍ଦ ସାହୁକୁ ବଲାଙ୍ଗୀର ପୋଲିସ ୫ ଦିନିଆ ରିମାଣ୍ଡରେ ଆଣିଥିବା ବେଳେ ଆଜି ୪ର୍ଥ ଦିନରେ ଜେରା ହେବ ।
ଶୁକ୍ରବାର ଘଟଣାର ସିନ୍ ରିକ୍ରିଏସନ୍ କରାଯାଇଛି। ପୁଣି ଫେରିବା ପରେ ଗୋବିନ୍ଦକୁ ପଚରାଉଚୁରା କରାଯିବା ସହ ଆହୁରି ପ୍ରମାଣ ତଥ୍ୟ ହାସଲ କରିଛି ବଲାଙ୍ଗୀର ପୋଲିସ । ସେପଟେ ଶୁକ୍ରବାରଠାରୁ ଉତ୍ତରାଞ୍ଚଳ ଡିଆଇଜି ଦୀପକ କୁମାର ଏସପି ନୀତିନ କୁଶଲକରଙ୍କୁ ଯାହା ସବୁ ତଥ୍ୟ ମିଳିଛି ତାର କାଗଜପତ୍ର କାମ ଆରମ୍ଭ କରାଯାଇଥିବା କହିଛନ୍ତି । କୋର୍ଟରେ ସମ୍ପୂର୍ଣ୍ଣ ତଥ୍ୟ ସହ କୋର୍ଟ ଚାଲାଣ କରାଯିବ ବୋଲି ସୂଚନା ଦେଇଛନ୍ତି । ଅନ୍ୟପଟେ ମର୍ଡର ଦିନର ସବୁ ଘଟଣା ସତ ସତ ଗୋବିନ୍ଦ ବଖାଣିଛି ଓ ତାହାକୁ ନେଇ ବର୍ତ୍ତମାନ ସଂଖ୍ୟା ପ୍ରମାଣର ଆବଶ୍ୟକତା ରହିଥିବାରୁ ତାହା ଯୋଗାଡ କରାଯାଉଥିବା କହିଛନ୍ତି ଡିଆଇଜି।
ସେପଟେ ମୁଖ୍ୟ ସହଯୋଗୀ ଗୋବିନ୍ଦ ସାହୁଙ୍କ ଡ୍ରାଇଭର ରାଧେକୁ କୋର୍ଟ ଚାଲାଣ କରାଯାଇଥିବା ବେଳେ ତା ଘରୁ ମିଳିଛି ବ୍ୟାଗ୍ । ଯାହାସବୁ ସାମଗ୍ରୀ ରହିଛି ତାହା ମମିତାଙ୍କର ନା ଆଉ କାହାର ତାହା ଖୋଜୁଛି ପୋଲିସ ।