Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୟୁପିରେ ବଡ ଧରଣର ଦୁର୍ଘଟଣା, ଖେରୀ ଘାଘରା ନଦୀରେ ଓଲଟିଲା ଡଙ୍ଗା, ୧୦୦ ଭାସିଗଲେ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୫୯ କୋଭିଡ୍ ପଜିଟିଭ୍
  • ||
  • ଓ୍ୱାର୍ମ ଅପ୍ ମ୍ୟାଚରେ ମୁହାଁମୁହିଁ ହେବେ ଭାରତ-ଅଷ୍ଟ୍ରେଲିଆ, କଙ୍ଗାରୁ ବାହିନୀକୁ ମାତ୍ ଦେବାକୁ ତୟାର ବିରାଟ ଏଣ୍ଡ କୋ
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୪ ହଜାରରୁ ଅଧିକ କରୋନା ପଜିଟିଭ୍, ୧୯୭ ମୃତ
  • ||
  • ଆଜି କୁମାର ପୂର୍ଣ୍ଣିମା : ମା’ ବୃନ୍ଦାବତୀଙ୍କ ନିକଟରେ ଆଞ୍ଜୁଳି ଟେକିଲେ କୁମାରୀ
  • ||
  • ପୁରୀ : ଦାଦାବଟିକୁ କେନ୍ଦ୍ରକରି ମହିଳାଙ୍କୁ ଗୁଳିମାଡ଼, ପୂର୍ବରୁ ମିଳିଥିଲା ଧମକ
  • ||
  • ଜଗତସିଂହପୁର : କେନାଲର ଭାସୁଛି ଏକ ଗଳିତ ମୃତଦେହ, ୩ ଅଭିଯୁକ୍ତ ଅଟକ
  • ||

ମମତା “ଦୁର୍ଗା’ ଓ ଅନୁବ୍ରତ “ଅସୁର”! ସୋସିଆଲ ମିଡିଆରେ ଆପତ୍ତିଜନକ ଫଟୋ ପୋଷ୍ଟ କରି ବନ୍ଧା ହେଲେ ଯୁବକ

18/09/2021 at 2:06 PM

କୋଲକାତା ୧୮/୦୯: ସାମାଜିକ ଗଣମାଧ୍ୟମରେ ମୁଖ୍ୟମନ୍ତ୍ରୀ ମମତା ବାନାର୍ଜୀଙ୍କୁ ଦୁର୍ଗା ଏବଂ ବୀରଭୂମ ଜିଲ୍ଲା ତୃଣମୂଳ କଂଗ୍ରେସ ସଭାପତି ଅନୁବ୍ରତ ମଣ୍ଡଳଙ୍କୁ ମହିଷାସୁର ଭାବେ ଚିତ୍ରଣ କରିବା ଯୁବକଙ୍କୁ ପଡିଲା ମହଙ୍ଗା। ଏପରି ଆପତ୍ତିଜନକ ପୋଷ୍ଟ କରିବା ଅଭିଯୋଗରେ ପୋଲିସ ତାଙ୍କୁ ଗିରଫ କରିଛି। ଯୁବକଙ୍କ ନାମ ବର୍ନା ମଣ୍ଡଳ।

ସୂଚନା ଅନୁଯାୟୀ, ବର୍ନାଙ୍କ ଘର ସିଉଡି ପୁଲିସ ଷ୍ଟେସନ ଅନ୍ତର୍ଗତ ଦମଦମା ପଞ୍ଚାୟତର ପତଣ୍ଡା ଗ୍ରାମରେ। ଯୁବକ ଜଣକ ବୁଧବାର ଫେସବୁକରେ ଏହି ଆପତ୍ତିଜନକ ପୋଷ୍ଟ କରିଥିଲେ । ଏହା ପରେ ତୃଣମୂଳ କଂଗ୍ରେସ ସିଉଡି ପୁଲିସ ଷ୍ଟେସନରେ ଅଭିଯାଗ କରିଥିଲା। ଅଭିଯୋଗ ଆଧାରରେ ପୁଲିସ ତାଙ୍କୁ ଗିରଫ କରିଛି। ଯୁବକ କୌଣସି ରାଜନୈତିକ ଦଳରେ ସଂପୃକ୍ତ କି ନାହିଁ ସେନେଇ ପୁଲିସ ତଦନ୍ତ ଚଳାଇଛି।

ସିଉଡି ବ୍ଲକ ତୃଣମୂଳ କଂଗ୍ରେସ ସଭାପତି ନୁରୁଲ ଇସଲାମ କହିଛନ୍ତି ଯେ ସୋସିଆଲ ମିଡିଆରେ ଏଭଳି ଆପତ୍ତିଜନକ ଚିତ୍ର ଦେଖିବା ପରେ ଆମେ ପୁଲିସ ନିକଟରେ ଅଭିଯାଗ କରିଥିଲୁ । ଗିରଫ ଯୁବକ ଜଣକ ବିଜେପିର ଆଇଟି ସେଲ୍‌ ସହିତ ଜଡିତ ଅଛନ୍ତି । ସମ୍ପୂର୍ଣ୍ଣ ରାଜନୈତିକ ଉଦ୍ଦେଶ୍ୟରେ ଯୁବକ ଜଣକ ଏପରି କରିଥିବା ନୁରୁଲ ଇସଲାମ କହିଛନ୍ତି।

ଏହି ଘଟଣା ପରେ ବୀରଭୂମ ବିଜେପି ଜିଲ୍ଲା ଉପ ସଭାପତି ଉତ୍ତମ ରଜାକ କହିଛନ୍ତି ଯେ, ଯୁବକ ଜଣକ ଟିଏମସିର ସମର୍ଥକ । ବିଜେପି ଏପରି କାର୍ଯ୍ୟ କଦାପି କରିପାରିବ ନାହିଁ । ହେଲେ ଏହି ଘଟଣା ପାଇଁ ଟିଏମସି ବିଜେପିକୁ ଦାୟୀ କରିଛି । ଜିଲ୍ଲା ଅଧୀକ୍ଷକ ନାଗେନ୍ଦ୍ର ତ୍ରିପାଠୀ କହିଛନ୍ତି ଯେ ବର୍ନାଙ୍କୁ ଗିରଫ କରାଯାଇ ପଚରାଉଚରା କରାଯାଉଛି।

   Related Posts