Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ସଚିନ୍ ପାଇଲଟ୍‌ଙ୍କ ଫୁସଫୁସରେ ସଂକ୍ରମଣ, ଆଜି ଆସିବ ଟେଷ୍ଟ ରିପୋର୍ଟ
  • ||
  • ବରିଷ୍ଠ ବିଜେପି ନେତାଙ୍କ ବିବାଦୀୟ ବୟାନ୍-‘ମୁସଲମାନ୍ ପ୍ରାର୍ଥୀଙ୍କୁ କେବେ ବି ଦେବୁନି ଟିକେଟ୍’
  • ||
  • ଭୁବନେଶ୍ୱର : ରାଜ୍ୟରେ ଆଉ ୫ କରୋନା ସଂକ୍ରମିତ ପ୍ରାଣ ହରାଇଲେ, ୧୭୩୯ରେ ପହଞ୍ଚିଲା ମୃତକଙ୍କ ସଂଖ୍ୟା
  • ||
  • ଭୁବନେଶ୍ୱର : ରାଜ୍ୟରେ ଚିହ୍ନଟ ହେଲେ ୪୧୮ କରୋନା ସଂକ୍ରମିତ, ୩୧୮୭୨୫ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ଆଜି ପ୍ରଧାନମନ୍ତ୍ରୀଙ୍କ ‘ଟିକା’ ସମୀକ୍ଷା, ଭ୍ୟାକସିନ୍ ବିକାଶରେ ଲାଗିଥିବା ୩ କମ୍ପାନୀ ସହ ଆଲୋଚନା
  • ||
  • ଆସନ୍ତାକାଲିଠୁ ପ୍ରସିଦ୍ଧ କୋଣାର୍କ ମହୋତ୍ସବ: କୋଭିଡ଼ କଟକଣା ମଧ୍ୟରେ ପାଳିତ ହେବ ଉତ୍ସବ
  • ||
  • ଆଜି ପବିତ୍ର କାର୍ତ୍ତିକ ପୂର୍ଣ୍ଣିମା : ଡଙ୍ଗା ଭସା ଉପରେ ରୋକ , କୋଭିଡ କଟକଣା ଯୋଗୁଁ ଉତ୍ସବ ଫିକା
  • ||
  • କମିବାରେ ଲାଗିଛି କରୋନା ପ୍ରଭାବ, ସୁସ୍ଥ ହୋଇ ଘରକୁ ଫେରିଲେ ଆଉ ୭୦୭ ଆକ୍ରାନ୍ତ
  • ||

ପ୍ରେମ କଲା କିମିଆଁ :୨୫ବର୍ଷୀୟା ଏହି ମଡେଲ୍ ପାଇଁ ରାଜଗାଦି ଛାଡ଼ିଲେ ମାଲେସିଆର ସୁଲତାନ

9/01/2019 at 1:40 PM

ମାଲେସିଆ ୯/୧: ମାଲେସିଆର ସୁଲତାନ ନିଜ ପଦରୁ ଇସ୍ତଫା ଦେଇ ତାଙ୍କ ପ୍ରେମ ସମ୍ପର୍କର ଚର୍ଚ୍ଚାକୁ ଆହୁରି ବ୍ୟାପକ କରିଛନ୍ତି। ମାଲେସିଆର ସୁଲତାନ ମହମ୍ମଦ (ପଞ୍ଚମ) ୨୦୧୬ମସିହାରେ ରାଜଗାଦିରେ ଅଭିଷିକ୍ତ  ହୋଇଥିଲେ। ଏହା ସହିତ ସେ ସେହି ସମୟର ଦେଶର ସବୁଠୁ କମ ବୟସର ଯୁବ ସୁଲତାନ ଭାବେ ଖ୍ୟାତି ଅର୍ଜ୍ଜନ କରିଥିଲେ।

ତେବେ ଆର୍ନ୍ତଜାତୀୟ ମିଡିଆରେ ଗତ କିଛି ଦିନ ହେବ ମାଲେସିଆର ସୁଲତାନ ରୁଷିଆର ପୂର୍ବତନ ମିସ ଋଷିଆଙ୍କ ମଧ୍ୟରେ ପ୍ରେମ ସମ୍ପର୍କକୁ ନେଇ ଚର୍ଚ୍ଚା ହେଉଛି। ଆହୁରି ମଧ୍ୟ ସୂଚନା ମିଳିଛି ଯେ ସୁଲତାନ ତାଙ୍କ ପ୍ରେମିକାଙ୍କ ସହ ଲୁଚି ଛପି ବିବାହ କରିନେଇଛନ୍ତି। ଇତିମଧ୍ୟରେ ସୁଲତାନ ରାଜଗାଦି ଛାଡ଼ିବାପରେ ଏହି ଚର୍ଚ୍ଚା ଆହୁରି ଜୋର ଧରିଛି।

ବ୍ରିଟିଶ୍ ଏବଂ ରୁଷିଆ ଗଣମାଧ୍ୟମରେ ଏହି ଖବର ବ୍ୟାପିଛି ଯେ ମାଲେସିଆର ସୁଲତାନ ୨୫ବର୍ଷ ବୟସ୍କା ଏହି ରୁଷ ସୁନ୍ଦରୀଙ୍କୁ ମସ୍କୋରେ ବିବାହ କରିଛନ୍ତି। ଏ ନେଇ ସୋଶିଆଲ ମିଡିଆରେ କେତେକ ଫଟୋ ଭାଇରାଲ ହୋଇଛି। କିନ୍ତୁ ଏହା ବିଷୟରେ ସୁଲତାନ ଏବଂ ରାଜ ପରିବାରରୁ କୈାଣସି ଧରଣର ବୟାନ୍ ଆସିନାହିଁ। ୧୯୫୭ ମସିହାରେ ବ୍ରିଟିସଙ୍କ ଠାରୁ ସ୍ବାଧୀନତା ପାଇବା ପରେ ଏପରି ପ୍ରଥମ ଥର ହୋଇଛି ଯେ କୈାଣସି ରାଜା ରାଜଗାଦିରୁ ଇସ୍ତଫା ଦେଇଛନ୍ତି। ମାଲେସିଆର ସୁଲତାନ ପଦ ରାଜ ପରିବାରର ଅନ୍ତର୍ଭୁକ୍ତ ହୋଇଥାଏ। ପ୍ରତି ୫ବର୍ଷରେ ଥରେ ଜଣେ ଶାହଙ୍କଠୁ ସୁଲତାନ ପଦବୀ ଆଉ ଜଣେ ଶାହଙ୍କୁ ହସ୍ତାନ୍ତର କରାଯାଇଥାଏ।

ମାଲେସିଆର ସରକାର ଏବଂ ଦେଶର ସମସ୍ତ କ୍ଷମତା ପ୍ରଧାନମନ୍ତ୍ରୀଙ୍କ ପାଖରେ ଥାଏ କିନ୍ତୁ ସୁଲତାନଙ୍କ ପଦ ଅତ୍ୟନ୍ତ ସମ୍ମାନଜନକ ହୋଇଥାଏ। ରୁଷ ସୁନ୍ଦରୀ ମଧ୍ୟ ପ୍ରେମ ପାଇଁ ନିଜ ଧର୍ମ ପରିବର୍ତ୍ତନ କରିଛନ୍ତି। କିନ୍ତୁ ସୁଲତାନଙ୍କ ପରିବାର ପକ୍ଷରୁ ଏଯାଏଁ ବିବାହର କୈାଣସି ସ୍ପଷ୍ଟୀକରଣ ମିଳିନାହିଁ। ମାଲେସିଆର ପ୍ରଧାନମନ୍ତ୍ରୀ ଏଯାଏଁ କୈାଣସି ସୂଚନା ପାଇନଥିବା କହିଛନ୍ତି। ଓକସନାଙ୍କ ପରିବାର ଏବଂ ବନ୍ଧୁ ବିବାହରେ ଉପସ୍ଥିତ ଥିଲେ।

   Related Posts