Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

କେଜରୀୱାଲ କହିଲେ ଦିଲ୍ଲୀକୁ ବିପଦରେ ପକାଇ ଦେଇଛି ନିଜାମୁଦ୍ଦିନର ମକରଜ୍, ୪୪୧ ତାବଲିଗୀ ଅଂଶଗ୍ରହଣକାରୀ ସଂକ୍ରମିତ

31/03/2020 at 6:47 PM

ନୂଆଦିଲ୍ଲୀ ୩୧।୩:  କରୋନା ଭାଇରସ୍ ସଂକ୍ରମଣକୁ ନେଇ ଦିଲ୍ଲୀ ମୁଖ୍ୟମନ୍ତ୍ରୀ ଅରବିନ୍ଦ କେଜରୀୱାଲ ମଙ୍ଗଳବାର ତାଙ୍କ ଦୈନିକ ବ୍ରିଫିଙ୍ଗରେ ଗୁରୁତର ଆଶଙ୍କା ବ୍ୟକ୍ତ କରିଛନ୍ତି। ଏଥିରେ ସେ ନିଜାମୁଦ୍ଦିନ ଧାର୍ମିକ କାର୍ଯ୍ୟକ୍ରମରେ ଅଂଶଗ୍ରହଣ କରିଥିବା ୪୪୧ଜଣଙ୍କ ଠାରେ କରୋନା ଲକ୍ଷଣ ପ୍ରକାଶ ପାଇଥିବା କହିଛନ୍ତି।  

ମାର୍ଚ୍ଚ ୧ରୁ ୧୫ ତାରିଖ ପର୍ଯ୍ୟନ୍ତ ନିଜାମୁଦ୍ଦିନ ମକରଜ୍‌ରେ ଏହି କାର୍ଯ୍ୟକ୍ରମ ଅନୁଷ୍ଠିତ ହୋଇଥିଲା।  ଏଥିରେ ଅଂଶଗ୍ରହଣ କରିଥିବା ୧ ହଜାର ୧୦୭ ଜଣଙ୍କୁ  ଏବେ କ୍ୱାରେଣ୍ଟାଇନରେ ରଖା ଯାଇଥିବାର ସୂଚନା ଦେଇଛନ୍ତି ମୁଖ୍ୟମନ୍ତ୍ରୀ। ସାରା ବିଶ୍ୱରେ କରୋନା ଏବେ ବ୍ୟାପିବାରେ ଲାଗିଛି। ଏଭଳି ପରିସ୍ଥିତିରେ ରାଜଧାନୀରେ ଏପରି ବିଶାଳ କାର୍ଯ୍ୟକ୍ରମ ଆୟୋଜନକାରୀଙ୍କ ବିରୋଧରେ ଏତଲା ରୁଜୁ ଲାଗି ଦିଲ୍ଲୀ ଉପରାଜ୍ୟପାଳଙ୍କୁ ମୁଖ୍ୟମନ୍ତ୍ରୀ ସୋମବାର ରାତିରେ ନିବେଦନ କରିଥିବା କହିଛନ୍ତି।

ଏହି କାର୍ଯ୍ୟକ୍ରମକୁ ମାଲେସିଆ, ଇଣ୍ଡୋନେସିଆ ଓ ସାଉଦି ଆରବ ଆଦି ଦେଶରୁ ୨୦୦୦ରୁ ଊର୍ଦ୍ଧ୍ୱ ପ୍ରତିନିଧି ଯୋଗଦେଇଥିବାର ଏବେ ସନ୍ଦେହ କରାଯାଉଛି। ଏଥିରେ ଦେଶର ୨୪ଟି ରାଜ୍ୟରୁ ଆସିଥିବା ପ୍ରତିନିଧି ଏବେ କରୋନା ପଜେଟିଭ ଚିହ୍ନଟ ହୋଇଥିବା କେଜରିୱାଲ କହିଛନ୍ତି। ଏମାନଙ୍କ ମଧ୍ୟରୁ ଜମ୍ମୁ-କାଶ୍ମୀର ଓ ତେଲେଙ୍ଗାନାର ୯ ଜଣଙ୍କର ଇତିମଧ୍ୟରେ କରୋନାରେ ମୃତ୍ୟୁ ହୋଇସାରିଥିବା ମୁଖ୍ୟମନ୍ତ୍ରୀ କହିଛନ୍ତି।

କାର୍ଯ୍ୟକ୍ରମର ଆୟୋଜକ ରାଜଧାନୀ ଦିଲ୍ଲୀ ଓ ସାରା ଦେଶକୁ ଏବେ ବିପଦରେ ପକାଇଥିବା କହି ମୁଖ୍ୟମନ୍ତ୍ରୀ ଉଦବେଗ ପ୍ରକାଶ କରିଛନ୍ତି। ଫଳରେ ରାଜଧାନୀ ଦିଲ୍ଲୀରେ ସୋମବାର ଗୋଟିଏ ଦିନରେ ୨୪ ଜଣ କରୋନା ପଜେଟିଭ ମିଳିଥିବା ବେଳେ ମୋଟ ସଂଖ୍ୟା ଏବେ ୮୭ରେ ପହଞ୍ଚିଛି। ଏହି ସମୟରେ ସାରା ଦେଶରେ ସଂକ୍ରମିତଙ୍କ ସଂଖ୍ୟା ୧ ହଜାର ୨୫୧ରେ ପହଞ୍ଚିଥିବା ବେଳେ ମୃତ୍ୟୁ ସଂଖ୍ୟା ୩୨ରେ ପହଞ୍ଚିଛି।

   Related Posts