Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ବଡ ଦୁର୍ଘଟଣା: ଫ୍ଲାଇ ଓଭର ତଳକୁ ଖସି ପଡିଲା ବସ୍, ଅନେକ ମୃତ୍ୟୁ ଆଶଙ୍କା

13/10/2021 at 10:35 PM

ନୂଆଦିଲ୍ଲୀ ୧୩।୧୦: ରାଜଧାନୀ ଦିଲ୍ଲୀ ଉପକଣ୍ଠ ଗାଜିଆବାଦରେ ବୁଧବାର ରାତିରେ ବଡ ଦୁର୍ଘଟଣା ଘଟିଛି। ଲାଲ କୁଆଁ ଅଭିମୁଖେ ଗାଜିଆବାଦରୁ ଆସୁଥିବା ଯାତ୍ରୀରେ ଭରା ବସ୍ ଭାଟିଆ ମୋଡରେ ଫ୍ଲାଇଓଭର ତଳକୁ ଖସି ପଡିଛି। ଫ୍ଲାଇ ଓଭର ତଳେ ହିଁ ବଜାର ବସିଥିଲା। ବସ୍ ଖସିବାରୁ ବଜାରରେ ଥିବା ଅନେକ ଲୋକ ବସ୍ ତଳେ ଚପି ହାେଇ ରହି ଯାଇଛନ୍ତି। ଏହି ଘଟଣାରେ ପୂରା ଅଞ୍ଚଳରେ ଚାଞ୍ଚଲ୍ୟ ଖେଳି ଯାଇଛି।

ସୂଚନା ମିଳିବା ମାତ୍ରେ ପୋଲିସ ଏବଂ ଉଦ୍ଧାରକାରୀ ଦଳ ଘଟଣାସ୍ଥଳରେ ପହଞ୍ଚି ଉଦ୍ଧାର କାର୍ଯ୍ୟ ଆରମ୍ଭ କରିଛନ୍ତି।  ବର୍ତ୍ତମାନ ସୁଦ୍ଧା ଆମ୍ବୁଲାନ୍ସରେ ୧୦ ଜଣ ଆହତଙ୍କୁ ଜିଲ୍ଲା ସରକାରୀ ହସ୍ପିଟାଲ ଭର୍ତ୍ତି କରାଯାଇଛି। ପୋଲିସ ଅନୁଯାୟୀ ଘଟଣାସ୍ଥଳରେ ୮ ରୁ ୧୦ ଜଣଙ୍କ ମୃତ୍ୟୁ ଘଟି ସାରିଛି। ହେଲେ ଏ ପର୍ଯ୍ୟନ୍ତ ମୃତାହତକୁ ନେଇ ଆନୁଷ୍ଠାନିକ ସୂଚନା ଦିଆଯାଇ ନାହିଁ।

ପ୍ରାରମ୍ଭିକ ସୂଚନା ଅନୁଯାୟୀ, ଏହି ବସ୍‌ଟି ଶିବ ଟୁର ଆଣ୍ଡ ଟ୍ରାଭେଲର। ବସ୍ ନୋଏଡାରୁ ଅଫିସ୍‌ ଷ୍ଟାଫଙ୍କୁ ଧରି ଫେରୁଥିଲା। ବସ୍‌ ଫ୍ଲାଇ ଓଭର ଉପରେ ଏକ ବାଇକ୍‌କୁ ଧକ୍କା ଦେବା ପରେ ନିୟନ୍ତ୍ରଣ ହରାଇ ତଳକୁ ଖସି ପଡିଥିବା ଦେଖଣାହାରୀ କହିଛନ୍ତି। ବସ୍ ତଳକୁ ଖସି ପଡିବା ପରେ ଭୟଙ୍କର ଶବ୍ଦ ଶୁଣିବାକୁ ମିଳିଥିଲା।

ଘଟଣାସ୍ଥଳରେ ଥିବା ଲୋକଙ୍କ ଅନୂଯାୟୀ, ବସ୍ ରଙ୍ଗ ରୁଟ୍‌ରେ ଆସୁଥିଲା। ଫ୍ଲାଇ ଓଭର ଉପରେ ବାଇକ୍‌କୁ ଧକ୍କା ଦେବା ପରେ ବସ୍‌ ରେଲିଂ ଭାଙ୍ଗି ତଳକୁ ଖସି ପଡିଛି। ଘଟଣାର ସୂଚନା ମିଳିବା ମାତ୍ରେ ଦିଲ୍ଲୀ ସ୍ଵାସ୍ଥ୍ୟ ମନ୍ତ୍ରୀ ତଥା ସ୍ଥାନୀୟ ବିଧାୟକ ଅତୁଲ ଗର୍ଗ ଘଟଣାସ୍ଥଳରେ ପହଞ୍ଚିଛନ୍ତି।

   Related Posts