Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଜଗତସିଂହପୁରରେ ଲଗାଣ ବର୍ଷା, ଧାନ ଫସଲ କ୍ଷତିଗ୍ରସ୍ତ
  • ||

ବର୍ଷକ ପରେ ଖୋଲାଗଲା ମା’ ମଝିଘରିଆଣୀଙ୍କ ମନ୍ଦିର ହୁଣ୍ଡି, କଡା ସୁରକ୍ଷାରେ ଗଣତି

7/10/2020 at 6:19 PM

ରାୟଗଡା ୭।୧୦: ରାୟଗଡାର ଅଧିଷ୍ଠାତ୍ରୀ ଦେବୀ ମା’ ମଝିଘରିଆଣୀ ମନ୍ଦିର ହୁଣ୍ଡି ଆଜି ଖୋଲାଯାଇଛି । କରୋନା କଟକଣା ଭିତରେ ଦୀର୍ଘ ଏକ ବର୍ଷ ବ୍ୟବଧାନରେ ଏହି ହୁଣ୍ଡି ଖୋଲାଯାଇଛି । ହୁଣ୍ଡି ଖୋଲାଯିବା ପରେ କଡା ସୁରକ୍ଷା ମଧ୍ୟରେ ଗଣତି ଅନୁଷ୍ଠିତ ହୋଇଛି ।

ଶ୍ରଦ୍ଧାଳୁଙ୍କ ଦାନ ଟଙ୍କା ସମେତ ସୁନା ଓ ରୂପା କେତେ ପରିମାଣରେ ବାହାରିବ ତାହା ଗଣତି ଶେଷ ପରେ ସ୍ପଷ୍ଟ ହେବ । ପ୍ରାୟ ୫୦ ଜଣ ମହିଳା ସମେତ ଯୁବକ ଓ ଯୁବତୀ ସ୍ବେଚ୍ଛାକୃତ ଭାବେ ଏହି ଗଣତି କାର୍ଯ୍ୟରେ ସାମିଲ ଅଛନ୍ତି ।

ଆଜିର ଗଣତି ଟଙ୍କା ଉତ୍କଳ ଗ୍ରାମ୍ୟ ବ୍ୟାଙ୍କରେ ଜମା କରାଯିବ । ସେହିଭଳି ସୁନା ଓ ରୂପା ସ୍ଥାନୀୟ ଟ୍ରେଜରିରେ ଗଚ୍ଛିତ ରଖାଯିବ ବୋଲି ମନ୍ଦିର ପରିଚାଳନା କମିଟି ତରଫରୁ ସୂଚନା ମିଳିଛି । ଏଥିପୂର୍ବରୁ ଗତ ସେପ୍ଟେମ୍ବର ମାସରେ ହୁଣ୍ଡି ଖୋଲାଯାଇଥିଲା । ସେହି ସମୟରେ ୫୪ ଲକ୍ଷ ୫୧ ହଜାର ଟଙ୍କା ସମେତ ୪୫ ଗ୍ରାମ ସୁନା ଓ ୧୮୭୦ ଗ୍ରାମ ରୂପା ବାହାରିଥିଲା । ଗତ ମାର୍ଚ୍ଚ ମାସରେ ଖୋଲିବାର ଯୋଜନା ହୋଇଥିଲା । ହେଲେ କୋଭିଡ କଟକଣା ଜାରି ହେବାରୁ ଏହାକୁ ସ୍ଥଗିତ ରଖାଯାଇଥିଲା । ଚଳିତ ଥର ହୁଣ୍ଡି ପ୍ରାୟ ୫୦ ଲକ୍ଷ ଟଙ୍କା ବାହାରିବା ବୋଲି ଅନୁମାନ କରାଯାଉଛି ।

   Related Posts