ଜଗତସିଂହପୁର୨୫|୯: ନର୍ସ ନିହାରିକା ପାତ୍ର ହତ୍ୟାକାଣ୍ଡର ମୁଖ୍ୟ ଅଭିଯୁକ୍ତ ରାଜା ଓରଫ କିଶୋର ଚନ୍ଦ୍ର ଆଞ୍ଚଳର ଆଜି ତିନି ଦିନିଆ ରିମାଣ୍ଡ ଶେଷ ହୋଇଛି । ଅବଧି ଶେଷ ହେବା ପରେ ଆଜି ଜଗତସିଂହପୁର ମୁଖ୍ୟ ଚିକିତ୍ସାଳୟରେ ରାଜାର ସ୍ୱାସ୍ଥ୍ୟ ପରୀକ୍ଷା କରାଯିବା ପରେ ତାକୁ ଜଗତସିଂହପୁର ଏସଡିଜେଏମ କୋର୍ଟରେ ପୁନର୍ବାର ହାଜର କରାଯିବା ସହ ପୁଣି ଜଗତସିଂହପୁର ଉପକାରାଗାରକୁ ଫେରି ଯାଇଛି ରାଜା ।
{"id":162612}ରାଜା ନିହାରିକାଙ୍କୁ ହତ୍ୟା କରିଥିବା ନିଜେ ପୋଲିସ ଆଗରେ ସ୍ବୀକାର କରିଥିଲା । ତେବେ ତାକୁ ଅଧିକ ପଚରା ଉଚରା ପାଇଁ ଗତ ୨୩ତାରିଖ ଦିନ ୫ଟା ୩୦ମିନିଟରେ ବିରିଡି ପୋଲିସ ତାକୁ ୩ଦିନ ରିମାଣ୍ଡରେ ନେଇଥିଲା ।ରାଜାକୁ ଏକ ଅଜ୍ଞାନ୍ତ ସ୍ଥାନରେ ରଖି ପୋଲିସ ଅଧିକ ଜେରା କରିଥିଲା । ଜେରା ବେଳେ ଆଉ କିଛି ତଥ୍ୟ ପୋଲିସକୁ ମିଳିଥିବାର ବିଶେଷ ସୂତ୍ରରୁ ଜଣାପଡିଥିଲେ ମଧ୍ୟ ଏ ବାବଦରେ ପୋଲିସ କିଛି ସୂଚନା ଦେବାକୁ ମନା କରିଦେଇଛି ।
{"id":162615}ଏଥି ସହିତ ଜଗତସିଂହପୁର ପୋଲିସ ଗତକାଲି ହତ୍ୟାକାଣ୍ଡ ଘଟିଥିବା ଚାଉଳିଆଗଞ୍ଜସ୍ଥିତ ଭଡାଘର ସହ ନିହାରିକା କାମ କରୁଥିବା ଏମ ଏମ ମେଡିକେୟାର ଓ ନିହାରିକାଙ୍କ ଗାଁ ଭିଙ୍ଗାରପୁରକୁ ଯାଇ ଅଧିକ ତଦନ୍ତ କରିଥିଲା । ଆସନ୍ତା ଦୁଇ ଦିନ ମଧ୍ୟରେ ଭିସେରା ରିପୋର୍ଟ ଓ ଚୂଡାନ୍ତ ବ୍ୟବଛେଦ ରିପୋର୍ଟ ଆସିବା ପରେ ସବୁ ସତ୍ୟା ସତ୍ୟ ଜଣା ପଡିବ ବୋଲି ପୋଲିସ ଆଶା କରିଛି ।
{"id":162619}