Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କୃଷକଙ୍କ ପରି ଆମକୁ ମଧ୍ୟ ଦେବାକୁ ପଡିବ ବଳିଦାନ, ତେବେ ଯାଇ ଜାମ୍ମୁ-କାଶ୍ମୀରରେ ଲାଗୁ ହେବ ୩୭୦: ଫାରୁକ ଅବଦୁଲ୍ଲା
  • ||
  • ମଙ୍ଗଳବାର କଥା ହେବେ ପୁଟିନ୍ ଓ ବାଇଡେନ୍, ୟୁକ୍ରେନ ହେବ ମୁଖ୍ୟ ପ୍ରସଙ୍ଗ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୨କୁ ବୃଦ୍ଧି
  • ||
  • ମାଆର ସାହସ ଆଗରେ ହାରିଲା ବାଘ, ନିଜ ପୁଅକୁ ମୃତ୍ୟୁ ମୁଖରୁ ଛଡାଇ ଆଣିଲେ ମହିଳା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୭୯୬ ମୃତ
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୮୯ କରୋନା ସଂକ୍ରମିତ, ୧୦୫୦୨୪୯ରେ ପହଞ୍ଚିଲା ସଂଖ୍ୟା
  • ||
  • ୟୁକ୍ରେନ ଉପରେ ଆକ୍ରମଣ କରିବ ଋଷ ! ପୁଟିନଙ୍କ ଦେଢ ଲକ୍ଷରୁ ଅଧିକ ସୈନ୍ୟ ଅଛନ୍ତି ପ୍ରସ୍ତୁତ
  • ||
  • ଜାନୁଆରୀ-ଫେବୃଆରୀ ମଧ୍ୟରେ ଭାରତରେ ଆସିବ ତୃତୀୟ ଲହର, ଓମିକ୍ରନ୍ ସାଜିବ ବାହକ : ଦାବି କଲେ ବିଶେଷଜ୍ଞ
  • ||
  • ଚାଲିଥିଲା ଧାନ ଚୋରା ଚାଲାଣ, ୨୨୦ ବସ୍ତା ଜବତ କଲା ଯୋଗାଣ ବିଭାଗ
  • ||
  • ଜଓ୍ୱାଦ ଦୁର୍ବଳ, ଟଳିଲା ବଡ ବିପଦ : ପୁରୀଠୁ ୨୭୦ କିମି ଦୂରରେ କେନ୍ଦ୍ରୀଭୂତ
  • ||

ମହିଳାଙ୍କ ସନ୍ଦେହଜନକ ମୃତ୍ୟୁ: ୪ ଦିନ ପରେ ଗଳିତ ମୃତଦେହ ଜବତ, ହରଡ଼ଘଣାରେ ଶାଶୁଘର ଲୋକେ

30/10/2020 at 2:46 PM

ଭୁବନ୩୦/୧୦: ମହିଳାଙ୍କ ସନ୍ଦେହ ଜନକ ମୃତ୍ୟୁକୁ ନେଇ ଶାଶୁ ଘର ଲୋକ ହରଡ଼ଘଣାରେ ପଡିଛନ୍ତି । ଏପରି କି ଚଂଚକତା କରି ପୋତି ଦେଇଥିବା ମହିଳାଙ୍କ ମୃତ ଦେହକୁ କାଜୁ ବଗିଚାରୁ ମାଟି ଖୋଲି ଗଳିତ ଅବସ୍ଥାରେ ଉଦ୍ଧାର କରିଛି ପୁଲିସ। ବାପ ଘର ଲୋକେ ହତ୍ୟା ଅଭିଯୋଗ ଆଣିବାରୁ କାଠଗଡାକୁ ଟାଣି ହୋଇଛନ୍ତି ଶାଶୁ ଘର ଲୋକେ ।

ଏପରି କି ମୃତ୍ୟୁର ଚାରି ଦିନ ପରେ ମାଜିଷ୍ଟେଟ୍ , ସାଇଣ୍ଟିଫିକ ଟିମ୍‌ଙ୍କ ଉପସ୍ଥିତରେ ମାଟି ତଳୁ ଶବକୁ ଜବତ କରି ପୋଲିସ ତଦନ୍ତ ଆରମ୍ଭ କରିଛି ।  ଏପରି ଅଭାବନୀୟ ଘଟଣା ଘଟିଛି ଢେଙ୍କାନାଳ ଜିଲ୍ଲା ଭୁବନ ଥାନା ଅନ୍ତର୍ଗତ ଗଡନୃସିଂହପ୍ରଶାଦ ଗ୍ରାମର ଉପର ଦେହୁରୀ ସାହିରେ । ମୃତା ମହିଳା ଜଣକ ୨୫ବର୍ଷୀୟ ଟୁଣୁକି କାଣ୍ଡି ବୋଲି ଜଣାପଡିଛି । ସେ ଉପର ଦେହୁରୀ ସାହିର ନିଜ ଭିଣୋଇ ସର୍ବେଶ୍ବର କାଣ୍ଡିଙ୍କୁ ଦ୍ୱିତୀୟ ପତ୍ନୀ ଭାବେ ବିବାହ କରିଥିଲେ ।
ତାଙ୍କ ବାପ ଘର ଭୁବନ ବ୍ଲକ ଏକତାଳୀ ପଞ୍ଚାୟତ ଅନ୍ତର୍ଗତ ନିମେଇପୁର ଗ୍ରାମରେ । ପିଲାଟି ଦିନରୁ ବାପା ମାଙ୍କ ଅକାଳ ବିୟୋଗ ଘଟିଥିବାରୁ ଦାଦା ଖୁଡି ପାଖରେ ରହୁଥିଲେ । ତେବେ ବଡ଼ ଭଉଣୀ ଝିଲି କାଣ୍ଡିଙ୍କର କୌଣସି ପିଲାଛୁଆ ନହେବାରୁ ନିଜ ଭିଣୋଇଙ୍କୁ ସେ ଉଭୟ ପରିବାର ସହମତିରେ ବିବାହ କରିଥିଲେ । ତେବେ ସର୍ବେଶ୍ବର ଜଣେ ଦିନ ମଜୁରୀଆଯୋଗୁଁ ଘରେ ଅର୍ଥାଭାବରୁ ସର୍ବେଶ୍ବରଙ୍କ ସହିତ କୁଆଡେ ଅନେକ ସମୟରେ ଟୁଣୁକୀର ଝଗଡା ହେଉଥିଲା ।

ତେବେ ଗତ ୨୫ ତାରିଖରେ ଟୁଣୁକୀର ସନ୍ଦେହ ଜନକଭାବେ ମୃତ୍ୟୁ ଘଟିଥିଲା । ମାତ୍ର କାହାକୁ ନଜଣାଇ ଶାଶୂଘର ପକ୍ଷରୁ ତାଙ୍କ ଗଂପାଖରେ ଥିବା କାଜୁ ବଗିଚାରେ ପୋତିଦେଇଥିଲେ  । ପରେ କୌଣସି ସୂତ୍ରରୁ ଟୁଣୁକୀର ମୃତ୍ୟୁ ଖବର ପାଇ ଦାଦା ଭୁବନା ଜେନା ସର୍ବେଶ୍ବରଙ୍କ ଘରେ ପହଞ୍ଚି ସନ୍ଦେହ କରି ଭୁବନ ଥାନାରେ ଟୁଣୁକୀକୁ ହତ୍ୟା କରିଥିବା ଲିଖିତ ଅଭିଯୋଗ କରିଥିଲେ । ଏହି ଅଭିଯୋଗ ଆଧାରରେ ସ୍ୱାମୀ ସର୍ବେଶ୍ବରକୁ ଅଭିଯୁକ୍ତ ଭାବେ ଭୁବନ ଥାନାରେ ଅଟକ ରଖିଛି ପୁଲିସ । ମୃତ ଦେହ ବ୍ୟବଛେଦ ପାଇଁ ପଠାଇ ପୁଲିସ ତଦନ୍ତ ଜାରି ରଖିଛି ।

   Related Posts