Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କେରଳରେ ଭୀଷଣ ବର୍ଷା: ୫ ଜିଲ୍ଲାରେ ବନ୍ୟା ପରିସ୍ଥିତି, ଭୂସ୍ଖଳନରେ ଜଣେ ମୃତ, ୧୨ ନିଖୋଜ
  • ||
  • ପୂର୍ବତନ ପ୍ରଧାନମନ୍ତ୍ରୀ ମନମୋହନ ସିଂହଙ୍କୁ ଡେଙ୍ଗୁ, ସ୍ବାସ୍ଥ୍ୟବସ୍ଥାରେ ଆସୁଛି ସୁଧାର
  • ||
  • କାମେଶ୍ୱର ମନ୍ଦିରରୁ ଚୋରି, ଦାନବାକ୍ସ ଭାଙ୍ଗି ଟଙ୍କା ଲୁଟିନେଲେ ଦୁର୍ବୃତ୍ତ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୩ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୩୫୮ କୋଭିଡ୍ ପଜିଟିଭ୍
  • ||
  • ନବୀନ @ ୭୬, ଶୁଭେଚ୍ଛା ଜଣାଇଲେ ପ୍ରଧାନମନ୍ତ୍ରୀ ମୋଦୀ
  • ||
  • ୭୬ ବର୍ଷରେ ପାଦ ଦେଲେ ନବୀନ, କରୋନା ମହାମାରୀ ପାଇଁ ପାଳିବେନି ଜନ୍ମଦିନ
  • ||
  • ଶାରଦୀୟ ଦୁର୍ଗାପୂଜା ଶେଷ, ଶନିବାର ଧରାପୃଷ୍ଠରୁ ବିଦାୟ ନେବେ ମା
  • ||
  • ହାଟରୁ ଫେରୁଥିବା ବେଳେ ବୃଦ୍ଧାଙ୍କୁ ଗଣଦୁଷ୍କର୍ମ, ଘରେ ଛାଡିଦେବେ କହି ଇଜ୍ଜତ ଲୁଟିଲେ ୮ ସଇତାନ
  • ||
  • କଟକ : କଟକରେ ଏନ୍‌କାଉଣ୍ଟର, ଦୁର୍ଦ୍ଦାନ୍ତ ଅପରାଧୀ ରାକେଶ ଆହତ
  • ||

ପୁଣି ଥରେ ପଡିଆକୁ ଓହ୍ଲାଇଛନ୍ତି ମହେନ୍ଦ୍ର ସିଂହ ଧୋନି

26/02/2020 at 1:21 PM

ରାଞ୍ଚି ୨୬।୦୨: କ୍ରିକେଟ୍‌ ଗ୍ରାଉଣ୍ଡକୁ ଫେରିଲେ ଧୋନି । କ୍ରିକେଟ ଠାରୁ ନିଜକୁ ଦୂରେଇ ରଖିଥିବା ମହେନ୍ଦ୍ର ସିଂହ ଧୋନି ପୁଣି ଥରେ ପଡିଆକୁ ଓହ୍ଲାଇଛନ୍ତି । ଝାଡକଣ୍ଡର କ୍ରିକେଟ ଆସୋସିଏସନ୍‌ର ଷ୍ଟାଡିୟମରେ ଅଭ୍ୟାସ କରିଛନ୍ତି ମାହି । ଆସନ୍ତା ମାସରେ ଆଇପିଏଲ୍‌ ଟୁର୍ଣ୍ଣାମେଣ୍ଟ ଆରମ୍ଭ ହେବାକୁ ଯାଉଛି । ତେବେ ଆଇପିଏଲ୍‌ ପୂର୍ବରୁ ଅଭ୍ୟାସ କରିବା ପାଇଁ ପଡିଆକୁ ଓହ୍ଲାଇଛନ୍ତି ଭାରତୀୟ ଦଳର ପୂର୍ବତନ ଅଧିନାୟକ । ଗତବର୍ଷ ଇଂଲଣ୍ଡ ଅନୁଷ୍ଠିତ ହୋଇଥିବା ବିଶ୍ବକପ୍‌ରେ ନ୍ୟୁଜିଲାଣ୍ଡ ବିପକ୍ଷରେ ଶେଷ ମ୍ୟାଚ୍ ଖେଳିଥିଲେ । ବିଶ୍ବକପ୍‌ ପରେ କୌଣସି ମ୍ୟାଚ୍ ଖେଳିନାହାନ୍ତି ଧୋନି ।   

ଭାରତୀୟ କ୍ରିକେଟ୍ ଦଳର ପୂର୍ବତନ ଅଧିନାୟକ ମହେନ୍ଦ୍ର ସିଂହ ଧୋନି ଗତବର୍ଷ ଇଂଲଣ୍ଡରେ ଚାଲିଥିବା ବିଶ୍ବକପ୍‌ରେ ନ୍ୟୁଜିଲାଣ୍ଡ ବିପକ୍ଷରେ ଶେଷଥର ପାଇଁ ମ୍ୟାଚ୍ ଖେଳିଥିଲେ । କ୍ରିକେଟ ଠାରୁ ନିଜକୁ ଦୂରେଇ ରଖିଥିବା ଧୋନି ଏବେ ଆଇପିଏଲ୍‌ରେ ନଜର ଆସିବେ । ଏବଂ ଏଥିପାଇଁ ପ୍ରସ୍ତୁତି ଆରମ୍ଭ କରିଦେଇଛନ୍ତି । ମଙ୍ଗଳବାର ଦିନ ଧୋନି ନିଜର ଘରୋଇ ଗ୍ରାଉଣ୍ଡ ଝାଡଖଣ୍ଡ କ୍ରିକେଟ୍ ଷ୍ଟାଡିୟମ୍‌ରେ ଅଭ୍ୟାସ ଆରମ୍ଭ କରିଦେଇଛନ୍ତି ।  

ଆସନ୍ତା ମାସ ୨୯ତାରିଖରୁ ଆଇପିଏଲ୍‌  ଟୁର୍ଣ୍ଣାମେଣ୍ଟ ଆରମ୍ଭ ହେଉଛି । ଟୁର୍ଣ୍ଣାମେଣ୍ଟ ପୂର୍ବରୁ ଧୋନି କ୍ରିକେଟ ଷ୍ଟାଡିୟମ୍‌ରେ ଖୁବ୍‌ ପରିଶ୍ରମ କରୁଥିବାର ଦେଖିବାକୁ ମିଳିଛି । ବର୍ତ୍ତମାନ ଭାରତୀୟ ଦଳ ଠାରୁ ଦୂରରେ ରହିଥିବା ମାହୀଙ୍କ ପାଇଁ ଆସନ୍ତା ଆଇପିଏଲ୍‌ ବେଶ ଗୁରୁତ୍ବପୂର୍ଣ୍ଣ ହେବ ବୋଲି ଅନୁମାନ କରାଯାଉଛି । ନିଜର ଆଲୋଚକଙ୍କ ମୁହଁ ବନ୍ଦ କରିବା ପାଇଁ ଧୋନିଙ୍କ ନିକଟରେ ଆଇପିଏଲ ଏକ ସୁଯୋଗ ବୋଲି କୁହାଯାଉଛି ।  

ନିଜର ଘରୋଇ ଗ୍ରାଉଣ୍ଡରେ ଧୋନି ପ୍ରାକ୍ଟିସ୍‌ ଆରମ୍ଭ କରିଦେଲେଣି । ନିଜ ଫିଟ୍‌ନେସ୍‌ ଉପରେ ମଧ୍ୟ ବିଶେଷ ଧ୍ୟାନ ଦେଉଛନ୍ତି । ଜାନୁଆରୀ ମାସରେ ବିସିସିଆଇ ପକ୍ଷରୁ ଜାରି ହୋଇଥିବା ଚୁକ୍ତି ତାଲିକାରେ ଧୋନି ନାମ ଗାଏବ ଥିଲା । ନିଜର ଭବିଷ୍ୟ କ୍ରିକେଟକୁ ନେଇ ଆଲୋଚନା ଜାରି ରହିଥିବା ବେଳେ ରାଞ୍ଚି ଟିମ୍‌ ସହିତ ଏକ ଅଭ୍ୟାସ ମ୍ୟାଚ୍‌ ଖେଳିଥିଲେ । ଏହିପରି ଭାବେ ନିଜର ଆଗାମୀ ଆଇପିଏଲ୍‌ ପାଇଁ ନିଜକୁ ପ୍ରସ୍ତୁତ କରୁଛନ୍ତି ମହେନ୍ଦ୍ର ସିଂହ ଧୋନି ।  

   Related Posts