Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୦୫ କରୋନା ସଂକ୍ରମିତ, ୧୦୫୦୩୫୪ରେ ପହଞ୍ଚିଲା ସଂଖ୍ୟା
  • ||
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୨୩କୁ ବୃଦ୍ଧି
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୨୧୧ ମୃତ
  • ||
  • ଗୁଜୁରାଟରେ ଓମିକ୍ରନ ଗଞ୍ଜାମକୁ ବିପଦ : ବଢିବ ସଂକ୍ରମଣ ! ସତର୍କ କଲା ପ୍ରଶାସନ
  • ||
  • ଡ୍ରାଇଭରଙ୍କୁ ମାଗିଲେ ଲାଞ୍ଚ, ନଦେବାରୁ ଆକ୍ରମଣ କରି କଲେ ଲହୁଲୁହାଣ
  • ||
  • ଆଉ ବର୍ଷା ନାହିଁ, ବଦଳିବ ପାଗ : ୧୧ରୁ କମିଯିବ ଶୀତ
  • ||
  • ଆସୁଛନ୍ତି ପୁଟିନ : ମୋଦୀଙ୍କୁ ଭେଟିବେ, ବହୁ ଗୁରୁତ୍ୱପୂର୍ଣ୍ଣ ପ୍ରସଙ୍ଗ ଉପରେ ହେବ ଆଲୋଚନା
  • ||

ଭଟ୍ଟ ଭ୍ରାତା ଗଲେ କୋର୍ଟ, ଅଭିନେତ୍ରୀ ଲାଭିନାଙ୍କ ବିରୋଧରେ କୋଟିଏ ଟଙ୍କାର ମାନହାନି ମୋକଦ୍ଦମା କଲେ ମହେଶ-ମୁକେଶ

26/10/2020 at 9:02 PM

ମୁମ୍ବାଇ, ୨୬୧୦:   ଫିଲ୍ମ ନିର୍ମାତା ମହେଶ ଭଟ୍ଟ ଓ ତାଙ୍କ ଭାଇ ମୁକେଶ ଭଟ୍ଟ ସୋମବାର ବମ୍ବେ ହାଇକୋର୍ଟରେ ଅଭିନେତ୍ରୀ ଲାଭିନା ଲୋଧଙ୍କ ଉପରେ ୧ କୋଟି ଟଙ୍କାର ମାନହାନି ମାମଲା କରିଛନ୍ତି । ଅଭିନେତ୍ରୀଜଣଙ୍କ ୩ଦିନ ପୂର୍ବରୁ ମହେଶ ଭଟ୍ଟଙ୍କୁ ବଲିଉଡର ସବୁଠାରୁ ବଡ ଡନ୍ କହିଥିଲେ । ଏହାସହ ତାଙ୍କ ଉପରେ ଧମକ ଓ ଘରୁ ବାହାର କରିବାକୁ ଚାପ ପକାଇବା ଅଭିଯୋଗ ଲଗାଇଥିଲେ ।

ସୋମବାର ଏହି ମାମଲାରେ ତତ୍କାଳ ଶୁଣାଣି କରିବାକୁ ଆବେଦନ ହୋଇଛି । ଜଷ୍ଟିସ ଏକେ ମେନନଙ୍କ ପୀଠ ଏହି ମାମଲାରେ ନୋଟିସ ଜାରି କରି ଲାଭିନାଙ୍କୁ ଜବାବ ଦେବାକୁ ନିର୍ଦ୍ଦେଶ ଦେଇଛନ୍ତି ।

ତେବେ କୋର୍ଟ ମାମଲାର ଶୁଣାଣି ୩ ସପ୍ତାହ ପାଇଁ ଘୁଞ୍ଚାଇ ଦେଇଛନ୍ତି । ଶୁଣାଣି ସମୟରେ ଲାଭିନା ଭଟ୍ଟ ଭ୍ରାତାଙ୍କ ବିରୋଧରେ କିଛି କହିବେନି ବୋଲି ତାଙ୍କ ଓକିଲ କହିଛନ୍ତି ।

ଏହି ମାମଲାରେ ଲାଭିନା କହିଛନ୍ତି ଯେ, ତାଙ୍କ ବିବାହ ମହେଶ ଭଟ୍ଟଙ୍କ ଭଣଜା ସୁମିତଙ୍କ ସହ ହୋଇଥିଲା । ସୁମିତ ନିଶା ନେଉଥିଲେ । ଏହାସହ ଯୁବତୀ ଚାଲାଣ ମଧ୍ୟ କରୁଥିଲେ । ଏହାପରେ ଲାଭିନା ସୁମିତଙ୍କଠାରୁ ଛାଡପତ୍ର ଚାହିଁଥିଲେ । ଏହି ଘଟଣା ପରେ ମହେଶ ଭଟ୍ଟ ତାଙ୍କ ପଛରେ ପଡିଯାଇଥିଲେ ।

ଲାଭିନାଙ୍କ ଅଭିଯୋଗର ଜବାବ ରଖିଥିଲେ ଭଟ୍ଟ ଭ୍ରାତା । ସେମାନେ କହିଥିଲେ ଯେ, ସମସ୍ତ ଅଭିଯୋଗ ମିଛ । ଏହା କେବଳ ମିଛ ଅଭିଯୋଗ ଓ ଉଦ୍ଦେଶ୍ୟ ପ୍ରଣୋଦିତ । ଏନେଇ ଆଇନଗତ କାର୍ଯାନୁଷ୍ଠାନ ନିଆଯିବ ବୋଲି ମହେଶ ଭଟ୍ଟଙ୍କ ଓକିଲ କହିଥିଲେ ।

   Related Posts