Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଗତ ୨୪ଘଣ୍ଟାରେ କରୋନା ନେଲା ୪୨ ଜଣଙ୍କ ଜୀବନ, ୩୩୮୮ରେ ପହଞ୍ଚିଲା ମୃତ୍ୟୁ ସଂଖ୍ୟା
  • ||
  • କମୁଛି ସଂକ୍ରମଣ, ରାଜ୍ୟରେ ୨୪ ଘଣ୍ଟାରେ ୩୪୦୫ କୋଭିଡ୍ ପଜିଟିଭ୍ ଚିହ୍ନଟ
  • ||
  • ଚିରାଗଙ୍କ ହାତରୁ ଖସିଲା କମାଣ୍ଡ୍ : ଚାଚା ପଶୁପତିଙ୍କୁ ଗ୍ରୀନ ସିଗନାଲ୍, LJP ସଂସଦୀୟ ଦଳର ନେତା ହେଲେ ପାରସ
  • ||
  • ସାରା ବିଶ୍ୱର ଚିନ୍ତା ବଢାଇଲା ଡେଲ୍ଟା ଭାରିଆଣ୍ଟ : ବ୍ରିଟେନ ସମେତ ଅନେକ ଦେଶରେ ଫେରିଲା କଟକଣା
  • ||
  • ନକଲି ଔଷଧ ମାମଲାର ତଦନ୍ତ କରିବ କ୍ରାଇମବ୍ରାଞ୍ଚ୍, ନିର୍ଦ୍ଦେଶ ଦେଲେ ମୁଖ୍ୟମନ୍ତ୍ରୀ
  • ||
  • କାର୍ଯ୍ୟାଳୟ ନା ସ୍ପା ? ଖଟରେ ଆରାମରେ ଶୋଇଛନ୍ତି ପୋଲିସ ବାବୁ, କଏଦୀ କରୁଛନ୍ତି ମସାଜ୍
  • ||

ମହାରଥୀ ଇସ୍ତଫା ଦେଲେ କଣ ହେବ ? ଅଭିଯୁକ୍ତଙ୍କୁ ଫାଶୀ ମିଳିବା ଦର୍କାର, ତାହେଲେ ଯାଇ ଝିଅର ଆତ୍ମା ଶାନ୍ତି ପାଇବ କହିଲେ ପିଡୀତାଙ୍କ ମାଁ

6/01/2019 at 6:04 PM

ଭୁବନେଶ୍ୱର ୬/୧ : ପ୍ରଦୀପ ମହାରଥୀ ମନ୍ତ୍ରୀପଦରୁ ଇସ୍ତଫା ଦେବାପରେ ପ୍ରତିକ୍ରିୟା ରଖିଛନ୍ତି ପୀଡିତାଙ୍କ ପରିବାରଲୋକେ | ପିପିଲି ପ୍ରସଙ୍ଗରେ ମହାରଥୀ ଏକ ଶସ୍ତା ମନ୍ତବ୍ୟ ଦେଇଥିଲେ | ମହାରଥୀଙ୍କ ମନ୍ତବ୍ୟରେ ଆଘାତ ପାଇଥିଲେ ପୀଡିତାଙ୍କ ପରିବାରଲୋକେ | ଏହାପରେ ଆରମ୍ଭ ହୋଇଥିଲା ରାଜନୈତିକ ବୟାନବାଜି | ମହାରଥୀ ଇସ୍ତଫା ଦେବାପରେ ରାଜନୈତିକ ମାହୋଲ ପୁରା ଗରମ ରହିଛି | କିନ୍ତୁ ପୀଡିତାଙ୍କ ଗାଁ ଅର୍ଜୁନଗୋଦାରେ ଏକ ଭିନ୍ନ ଚିତ୍ର ଦେଖିବାକୁ ମିଳିଛି | ମହାରଥୀ ଇସ୍ତଫା ଦେବାପରେ ପୀଡିତାଙ୍କ ଗାଁ ଅର୍ଜୁନଗୋଦାରେ ଗ୍ରାମବାସୀ ଖୁସି ଥିବା ଦେଖିବାକୁ ମିଳିଥିଲା | ତେବେ ପୀଡିତାଙ୍କ ପରିବାରଲୋକେ ଏଠାରେ ପ୍ରଶ୍ନ କରିଛନ୍ତି ଯେ, ମହାରଥୀ ଇସ୍ତଫା ଦେଇଦେଲେ ପୀଡିତା ନ୍ୟାୟ ପାଇଗଲେ କି ? କେବଳ ମନ୍ତ୍ରୀ ଇସ୍ତଫା ଦେବା ଯଥେଷ୍ଟ ନୁହେଁ ବରଂ ପୀଡିତା ନ୍ୟାୟ ପାଇବା ମଧ୍ୟ ଆବଶ୍ୟକତା ରହିଛି | ମହାରଥୀଙ୍କ ବିରୋଧରେ ଆହୁରି ଶକ୍ତ କାର୍ଯ୍ୟାନୁଷ୍ଠାନର ଆବଶ୍ୟକତା ରହିଛି ବୋଲି ପରିବାର ଲୋକେ କହିଛନ୍ତି |

ପୀଡିତାଙ୍କ ପରିବାରରେ ମହାରଥୀଙ୍କ ବିରୋଧରେ ରହିଛି ଅନେକ ଆକ୍ରୋଶ | ପିପିଲି ପ୍ରସଙ୍ଗରେ ମହାରଥୀଙ୍କ ବିରୋଧରେ ସମର୍ଥକଙ୍କ ସମ୍ପୃକ୍ତିର ଅଭିଯୋଗ ଆସିଥିଲା | ପରବର୍ତ୍ତୀ ସମୟରେ ମନ୍ତ୍ରୀଙ୍କ ପୃଷ୍ଠପୋଷକତାକୁ ନେଇ ଅଭିଯୋଗ ଆସିଥିଲା | ଏହାପରେ କୋର୍ଟର ରାୟ ପରେ ମନ୍ତ୍ରୀ ମନ୍ତବ୍ୟ ଦେଇଥିଲେ ‘ସତ୍ୟର ଜୟ ହେଲା, | ପୀଡିତାଙ୍କ ମା କହିଛନ୍ତି ଯେ, ତାଙ୍କ ଝିଅର ଆତ୍ମା ଶାନ୍ତିରେ ନାହିଁ | ସେ କହିଛନ୍ତି ଯେ, ମହାରଥୀ ଇସ୍ତଫା ଦେଇଦେଲେ କଣ ତାଙ୍କ ଝିଅ ନ୍ୟାୟ ପାଇବ | ସେ ଦାବି କରିଛନ୍ତି, ଅଭିଯୁକ୍ତକୁ ଫାଶୀ ଭଳି କଠୋର ଦଣ୍ଡ ମିଳିଲେ ଯାଇ ତାଙ୍କ ଝିଅର ଆତ୍ମା ଶାନ୍ତି ପାଇବ ।  

ସୂଚନାଯୋଗ୍ୟ ଯେ, ଗଣଧର୍ଷଣ ଓ ହତ୍ୟା ଉଦ୍ୟମର ଶିକାର ହୋଇଥିବା ପିଡୀତା ୨୦୧୨ ମସିହା ଜୁନ ୨୧ ତାରିଖ ସକାଳ ୧୧.୩୫ ମନିଟ ବେଳେ କଟକ ଏସସିବିରେ ମୃତ୍ୟୁବରଣ କରିଥିଲେ । ଏହି ମାମଲାରେ ତତ୍‌କାଳୀନ ପିପିଲି ଆଇଆଇସିଙ୍କୁ କାର୍ଯ୍ୟରୁ ବହିଷ୍କାର କରାଯାଇଥିଲା । ବିରୋଧୀ ଓ ସ୍ବେଚ୍ଛାସେବୀଙ୍କ ପ୍ରବଳ ଚାପ ଯୋଗୁଁ ପ୍ରଦୀପ ମହାରଥୀ ମଧ୍ୟ ସେତେବେଳେ ମନ୍ତ୍ରୀ ପଦରୁ ଇସ୍ତଫା ଦେଇଥିଲେ ।

   Related Posts