Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ସୁସ୍ଥ ହେଲେ ଆଉ ୫୭୩ କରୋନା ଆକ୍ରାନ୍ତ, ଖୋର୍ଦ୍ଧାରୁ ସର୍ବାଧିକ ୨୮୦ ଡିସଚାର୍ଜ
  • ||
  • ଡ୍ରଗ୍ସ ଲିଙ୍କ୍ ମାମଲାରେ NCBରେ ହାଜର ହେଲେ ଅନନ୍ୟା ପାଣ୍ଡେ, ଆର୍ଯ୍ୟନ ସହ ହ୍ବାଟସଆପ୍‌ ଚାଟ୍‌କୁ ନେଇ ମାରାଥନ୍‌ ଜେରା
  • ||
  • ଭୁବନେଶ୍ୱର : STF ପଞ୍ଝାରେ ବ୍ରାଉନସୁଗାର ବେପାରୀ, ୧କୋଟିରୁ ଅଧିକ ଟଙ୍କାର ଧଳାଜହର ଜବତ
  • ||
  • କଳାହାଣ୍ଡି : ମହାଲିଙ୍ଗ୍ ସନସାଇନ୍ ପବ୍ଲିକ୍ ସ୍କୁଲରେ ପ୍ରଶାସନର ତଦନ୍ତ, କାଗଜପତ୍ର ଯାଞ୍ଚ ସହ ଆୟବ୍ୟୟ ଅଟକଳର ଚାଲିଛି ଖୋଳତାଡ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୨ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୫୨୪ କୋଭିଡ୍ ପଜିଟିଭ୍
  • ||
  • ଟି୨୦ ବିଶ୍ୱକପ : ସୁପର-୧୨ରେ ଶ୍ରୀଲଙ୍କା, ୭୦ରନରେ ଆୟରଲ୍ୟାଣ୍ଡକୁ ଦେଲା ମାତ୍
  • ||
  • +୩ରେ ଲକ୍ଷେ ସିଟ୍ ଖାଲି, ଗୁରୁବାର ସ୍ପଟ୍ ଆଡମିଶନ ପାଇଁ ଆବେଦନ
  • ||
  • ରାଜ୍ୟରେ ଖରାଟିଆ ପାଗ, ୨୩ ସୁଦ୍ଧା ଫେରିଯିବ ମୌସୁମୀ
  • ||
  • ରାଜଧାନୀରେ ରହିବନି ମୁକୁଳା ଡ୍ରେନ୍ : ଦୁଇ ପାର୍ଶ୍ୱରେ ଲାଗିବ ତାରଜାଲି, ସମ୍ପ୍ରସାରଣ ହେବ ସଙ୍କୁଚିତ ନାଳ
  • ||

ଅସହ୍ୟ ହେବାରେ ଲାଗିଛି ଗ୍ରୀଷ୍ମ, ମହାରାଷ୍ଟ୍ରର ଚନ୍ଦ୍ରପୁର ସବୁଠୁ ଉତପ୍ତ, ୪୮ ଡିଗ୍ରି ସେଲସିୟସରେ ପହଞ୍ଚିଲା ତାପମାତ୍ରା

30/05/2019 at 3:19 PM

ନୂଆଦିଲ୍ଲୀ ୩୦।୫: ସାରା ଦେଶରେ ଗ୍ରୀଷ୍ମ ଲହରି ଜାରି ରହିଥିବା ବେଳେ ଆଜି ମହାରାଷ୍ଟ୍ରର ଚନ୍ଦ୍ରପୁରରେ ସର୍ବାଧିକ ତାପମାତ୍ରା ରେକର୍ଡ କରାଯାଇଛି । ଏଠାରେ ଦିନବେଳା ତାପମାତ୍ରା ୪୮ ଡିଗ୍ରି ସେଲସିୟସରେ ପହଞ୍ଚିଥିବା  ବେଳେ ଦେଶରେ ଚଳିତ  ମାସର ଏହା ସର୍ବାଧିକ ତାପମାତ୍ରା ବୋଲି  ଜାତୀୟ ପାଣିପାଗ ବିଭାଗ କହିଛନ୍ତି । ଏହିସମୟରେ ଜାତୀୟ ରାଜଧାନୀ ଦିଲ୍ଲୀରେ ଆଜି ସର୍ବାଧିକ ତାପମାତ୍ରା ୪୩.୧ ଡିଗ୍ରି ସେଲସିୟସ ରେକର୍ଡ ହୋଇଛି ।

ଅତ୍ୟାଧିକ ଗର୍ମ ଓ ଲୁ ଯୋଗୁ ରାଜସ୍ଥାନରେ ଜନଜୀବନ ଅସ୍ତବ୍ୟସ୍ତ ହୋଇପଡିଛି। ଏହି ସମୟରେ ଶ୍ରୀଗଙ୍ଗାନର ଓ ବିକାନିରରେ ସର୍ବାଧିକ ତାପମାତ୍ରା ୪୬.୮ ଡିଗ୍ରି ରେକର୍ଡ କରାଯାଇଥିବା ବେଳେ ଜୈସାଲମେରରେ ତାପମାତ୍ରା ୪୫.୫, କୋଟାରେ ୪୫.୩ ଓ ବାଡମେରରେ ୪୫.୨ ଡିଗ୍ରି ସେଲସିୟସ ରେକର୍ଡ କରାଯାଇଛି। ମହାରାଷ୍ଟ୍ରର ନାଗପୁର ସହରର ତାପମାତ୍ରା ୪୬ଡିଗ୍ରି ସେଲସିୟସରେ ପହଞ୍ଚିଥିବା ବେଳେ ବିଦର୍ଭ କ୍ଷେତ୍ରର ଚନ୍ଦ୍ରପୁରରେ ତାପମାତ୍ରା ୪୮ ଡିଗ୍ରିକୁ ଛୁଇଁଛି ।

ତେଲେଙ୍ଗାନା ରାଜ୍ୟରେ ମଧ୍ୟ ଅସହ୍ୟ ଗ୍ରୀଷ୍ମ ଅନୁଭୂତ ହେଉଛି  । ଏଠାକର ଆଦିଲାବାଦ ସହରରେ ତାପମାତ୍ରା ଆଜି ୪୬.୩ ଡିଗ୍ରିରେ ପହଞ୍ଚିଛି । ଗତକାଲି ଏଠାରେ ୪୬ ଡିଗ୍ରି ତାପମାତ୍ରା ରେକର୍ଡ କରାଯାଇଥିଲା। ହିମାଚଳ ପ୍ରଦେଶ ଊନ୍ନାରେ ତାପମାତ୍ରା ୪୩ ଡିଗ୍ରି ସେଲସିୟସଥିବା ବେଳେ ଜମ୍ମୁରେ ବୁଧବାର ଚଳିତ ଋତୁର ସର୍ବାଧିକ ତାପମାତ୍ରା ରେକର୍ଡ କରାଯାଇଥିଲା। ଏଠାରେ ଗତକାଲି ତାପମାତ୍ରା୪୨.୮ ଡିଗ୍ରି ସେଲସିୟସ୍ ଥିଲା। ଜାତୀୟ ପାଣିପାଗ ବିଭାଗଙ୍କ ଆକଳନ ଅନୁସାରେ ମଧ୍ୟପ୍ରଦେଶ, ତେଲେଙ୍ଗାନା, ଝାରଖଣ୍ଡ, ଉତ୍ତରପ୍ରଦେଶ, ହରିୟାଣା, ଚଣ୍ଡିଗଡ, ରାଜସ୍ଥାନ, ଦିଲ୍ଲୀ ଏବଂ ଓଡିଶାରେ ଆଗାମୀ ୨ ଦିନ ପର୍ଯ୍ୟନ୍ତ ଲୁର ପ୍ରଭାବ ରହିବ।

   Related Posts