Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟଣା : ଛିଡିଲାନି ଭାଗବଣ୍ଟା, ଦୁଇ ପିସ୍ ମାଂସ ପାଇଁ ଆତ୍ମହତ୍ୟା କଲେ ଭଉଣୀ
  • ||
  • କଟକ : ରେଭେନ୍ସା ବିଶ୍ବବିଦ୍ୟାଳୟର ନୂତନ କୁଳପତି ହେଲେ ପ୍ରଫେସର ସଞ୍ଜୟ ନାୟକ
  • ||
  • ଭୁବନେଶ୍ବର : ନାବାଳିକା ଗଣଦୁଷ୍କର୍ମ ମାମଲା, ଅପ୍ରେଲ ୫ରେ ଚୂଡାନ୍ତ ଶୁଣାଣି
  • ||
  • ଭୁବନେଶ୍ବର : ରାଜ୍ୟରେ ଚିହ୍ନଟ ହେଲେ ଆଉ ୧୫୪ କୋଭିଡ୍ ସଂକ୍ରମିତ, ୩୩୪୦୨୦ରେ ପହଞ୍ଚିଲା ଆକ୍ରାନ୍ତଙ୍କ ସଂଖ୍ୟା
  • ||
  • ମେ’ ରେ ହେବ କଂଗ୍ରେସର ଅଧ୍ୟକ୍ଷ ପଦ ପାଇଁ ନିର୍ବାଚନ, ସିଡବ୍ଲ୍ୟୁସି ବୈଠକ ପରେ ବଡ ଘୋଷଣା କଲା ଦଳ
  • ||
  • ହୁ ହୁ ହୋଇ ବଢୁଛି ତୈଳଦର, ମୁମ୍ବାଇରେ ୯୧ ଟଙ୍କା ଉପରେ ପେଟ୍ରୋଲ ଦାମ୍
  • ||
  • ରାଉରକେଲା : ନିଆଁ ପୁଇଁବା ହେଲା କାଳ, ଦଳିଦେଲା ଦନ୍ତା, ଚାଲିଗଲା ଜୀବନ
  • ||
  • ଝଲସିବ ଅର୍କ କ୍ଷେତ୍ର : ନୂଆ ରୂପ ପାଇବ କୋଣାର୍କ ସୂର୍ଯ୍ୟ ମନ୍ଦିର, ପର୍ଯ୍ୟଟକଙ୍କୁ ମିଳିବ ବିଶ୍ୱସ୍ତରୀୟ ସୁବିଧା
  • ||
  • ଆଜି ବସୁଛି କଂଗ୍ରେସର ସିଡବ୍ଲ୍ୟୁସି ବୈଠକ, ଅଧ୍ୟକ୍ଷ ନିର୍ବାଚନ ନେଇ ହେବ ଆଲୋଚନା !
  • ||
  • ଏଥର ନିଜ ସ୍କୁଲରେ ଛାତ୍ରଛାତ୍ରୀ ଦେବେ ମାଟ୍ରିକ ପରୀକ୍ଷା, ୨ ଘଣ୍ଟାରେ ଲେଖିବାକୁ ପଡିବ ଉତ୍ତର
  • ||

ମହାରାଷ୍ଟ୍ର ରାଜନୀତିରେ ଘଣ୍ଟାକୁ ଘଣ୍ଟା ବଦଳି ଯାଉଛି ମୋଡ଼

25/11/2019 at 10:50 PM

ମୁମ୍ବଇ ୨୫।୧୧-  ମହାରାଷ୍ଟ୍ର ରାଜନୀତିରେ ଏବେ ଯାହା ଚାଲିଛି ଆଉ କିଛି ଘଣ୍ଟା ପରେ ସ୍ଥିତି ସେୟା ଥିବ ନା ବଦଳି ଯାଇଥିବା ତାକୁ ନେଇ ସନ୍ଦେହ ରହିଛି । ଘଣ୍ଟାକୁ ଘଣ୍ଟା ବଦଳି ଯାଉଛି ମୋଡ଼। କେତେବେଳେ କାହା ଆଡ଼କୁ କଥା ଯାଉଛି ତାହା ସହଜରେ ଜାଣି ହେଉନାହିଁ । ସୁପ୍ରିମକୋର୍ଟରେ ମହାରାଷ୍ଟ୍ର ମାମଲାର ଶୁଣାଣି ଶେଷ ହୋଇଛି ।କାଲି ସକାଳ ସାଢେ ୧୦ଟାରେ ରାୟ ଆସିବ । ପାର୍ଲାମେଣ୍ଟରେ ଆଜି ଏହି ପ୍ରସଙ୍ଗରେ ନାହିଁ ନ ଥିବା ହଟ୍ଟଗୋଳ ହୋଇଛି ।…

କାହା ପାଖରେ ଅଛି ସଂଖ୍ୟାର ଦମ।  ବିଜେପି – ଅଜିତ ପାୱାରଙ୍କ ପାଖରେ ନା ଶିବସେନା-ଏନ୍‌ସିପି-କଂଗ୍ରେସ ପାଖରେ । ଏମିତି ସ୍ଥିତିରେ ଆଜି ମହାରାଷ୍ଟ୍ର ମହାଏପିସୋଡ୍‌ରେ ଦେଖିବାକୁ ମିଳିଛି ନୂଆ ଟ୍ବିଷ୍ଟ । ଆଜି ସୁପ୍ରିମକୋର୍ଟରେ ଶିବସେନା-ଏନ୍‌ସିପି-କଂଗ୍ରେସ ପକ୍ଷରୁ ଦାୟର କରାଯାଇଥିବା ମାମଲାର ଦେଢ଼ ଘଣ୍ଟା ଧରି ଶୁଣାଣି ହୋଇଛି ।

ରାଜ୍ୟପାଳଙ୍କୁ ଅଜିତ ପାୱାର ଦେଇଥିବା ପତ୍ରରେ ୫୪ ଜଣ  ବିଧାୟକଙ୍କ ହସ୍ତାକ୍ଷର ଥିଲା । ଫ୍ଲୋର ଟେଷ୍ଟ ତୁରନ୍ତ କରାଯିବା ପାଇଁ ଶିବସେନା, ଏନ୍‌ସିପି, କଂଗ୍ରେସ ମେଣ୍ଟ ପକ୍ଷରୁ କୁହାଯାଇଛି । ସବୁ ପକ୍ଷର ଯୁକ୍ତି ଶୁଣି ସାରିବା ପରେ ସୁପ୍ରିମକୋର୍ଟ ମଙ୍ଗଳବାର ସକାଳ ୧୦ଟା ୩୦ ପର୍ଯ୍ୟନ୍ତ ରାୟ ସଂରକ୍ଷିତ ରଖିଛନ୍ତି ।…

ଗୋଟେ ପଟେ ମହାରାଷ୍ଟ୍ର ଯୁଦ୍ଧ ବଢ଼ି ବଢ଼ି ଯାଉଛି ତ ଅନ୍ୟ ପଟେ ପାର୍ଲାମେଣ୍ଟରେ ବି ଏହାର ପ୍ରଭାବ ଦେଖିବାକୁ ମିଳିଛି । ପାର୍ଲାମେଣ୍ଟରେ ଏହାକୁ ନେଇ ହଙ୍ଗାମା ଦେଖିବାକୁ ମିଳିଥିଲା । ମହାରାଷ୍ଟ୍ରରେ ଗଣତନ୍ତ୍ରକୁ ହତ୍ୟା କରାଯାଇଛି ବୋଲି କଂଗ୍ରେସ କହିଛି । କଂଗ୍ରେସ ସଦସ୍ୟ ମାନେ ପାର୍ଲାମେଣ୍ଟ ପରିସରରେ ଥିବା ଗାନ୍ଧି ମୂର୍ତ୍ତି ଆଗରେ ଧାରଣା ଦେଇଥିଲେ । ଗୃହରେ ହଟ୍ଟଗୋଳ କରିଥିଲେ। ତେବେ ବିଶୃଙ୍ଖଳା ଅଭିଯୋଗରେ ବାଚସ୍ପତି ଦୁଇ କଂଗ୍ରେସ ସଦସ୍ୟଙ୍କୁ ନିଲମ୍ବିତ କରିଥିଲେ।

ଏହାରି ଭିତରେ ମୁଖ୍ୟମନ୍ତ୍ରୀ ଭାବେ ଶପଥ ଦେବେନ୍ଦ୍ର ଫଡ଼ନାଭିସ୍ ଆଜି ଦାୟିତ୍ବ ଗ୍ରହଣ କରିଛନ୍ତି ।ଉପମୁଖ୍ୟମନ୍ତ୍ରୀ ଅଜିତ ପାୱାର ମଧ୍ୟ ଦାୟିତ୍ବ ନେଇଛନ୍ତି।  ବିଧାନଭବନ ଆଗରେ ପୂର୍ବତନ ମୁଖ୍ୟମନ୍ତ୍ରୀ ୱାଇ ବି ଚୌହାନଙ୍କ ଫଟୋରେ ଉଭୟ ଶ୍ରଦ୍ଧାଞ୍ଜଳି ଦେଇଥିଲେ। ଅନ୍ୟପକ୍ଷରେ ବିଜେପିକୁ ସମର୍ଥନ ଦେଇଥିବା ଅଜିତ ପାୱାରଙ୍କୁ ମନାଇବା ପାଇଁ ଏନ୍‌ସିପି ଉଦ୍ୟମ ଜାରି ରଖିଛନ୍ତି । ସେହିପରି ବିଜେପି ମଧ୍ୟ ଅଜିତ ପାୱାରଙ୍କୁ ନିଜ ପକ୍ଷରେ ରଖିବା ଲାଗି କୌଣସି ଉଦ୍ୟମ ହାତଛଡ଼ା କରିବାକୁ ପ୍ରସ୍ତୁତ ନୁହେଁ । ଏତିକିବେଳେ ମହାରାଷ୍ଟ୍ର ଜଳ ସଂପଦ ଦୁର୍ନୀତିରେ ଅଜିତ ପାୱାରଙ୍କ ବିରୋଧରେ  ଆସିଥିବା ୯ଟି ମାମଲାକୁ ଆଣ୍ଟି କରପ୍ସନ ବ୍ୟୁରୋ ଖାରଜ କରିଦେଇଛି ।…

ମହାରାଷ୍ଟ୍ରରେ ସରକାର ରକ୍ଷା କରିବା ପାଇଁ ଏବଂ ଭାଙ୍ଗିବା ପାଇଁ ଘମାସାନ୍ ଜାରି ରହିଛି । ଏହାରି ଭିତରେ କାଲି ଆସିବାକୁ ଥିବା ସୁପ୍ରିମକୋର୍ଟଙ୍କ ଚୁଡ଼ାନ୍ତ ରାୟ ଉପରେ ସମସ୍ତଙ୍କର ନଜର  ରହିଛି ।…

   Related Posts