Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମଙ୍ଗଳବାର ପୃଥିବୀର ନିକଟତର ହେବ ବିରାଟ ଗ୍ରହାଣୁ : ମାଡ ହେଲେ ଘଟାଇବ ବିନାଶ !
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୨ ଲକ୍ଷ ୩୮ ହଜାରରୁ ଅଧିକ କରୋନା ପଜିଟିଭ୍, ୩୧୦ ମୃତ
  • ||
  • ରାଜ୍ୟରେ ଆଉ ୪ ଜଣଙ୍କ ଜୀବନ ନେଲା କରୋନା, ମୃତ୍ୟୁ ସଂଖ୍ୟା ୮୪୮୮କୁ ବୃଦ୍ଧି
  • ||
  • ରାଜ୍ୟରେ ୧୧ ହଜାର ଉପରେ ଦୈନିକ ସଂକ୍ରମଣ : ୨୪ ଘଣ୍ଟାରେ ଚିହ୍ନଟ ହେଲେ ୧୧୦୮୬ କୋଭିଡ୍ ପଜିଟିଭ୍, ୧୧୫୫୪୮୭ରେ ପହଞ୍ଚିଲା ସଂଖ୍ୟା
  • ||
  • ରାଜଧାନୀରେ ଖସୁନି କରୋନା ଗ୍ରାଫ୍, ଆଉ ୬ ଅଞ୍ଚଳ ମାଇକ୍ରୋ କଣ୍ଟେନମେଣ୍ଟ୍ ଜୋନ୍
  • ||
  • ସରିଲା ହାସ୍ୟ ଅଭିନେତା ପ୍ରଜ୍ଞାଙ୍କ ନିର୍ବନ୍ଧ, ସୋସିଆଲ ମିଡିଆରେ ରିଙ୍ଗ୍ ସେରିମନି ଫଟୋ ଭାଇରାଲ
  • ||
  • ଗାଡି ପାର୍ଟସ ଦୋକାନରୁ ଲୁଟ୍, ବନ୍ଧୁକ ଦେଖାଇ ନେଇଗଲେ ଟଙ୍କା
  • ||
  • ଅଜଗରକୁ ଗିଳିଲା ଅହିରାଜ, ସାତକୋଶିଆରେ ବିରଳ ଘଟଣା !
  • ||
  • ଭାରସାମ୍ୟ ହରାଇ ବାଇକ ଦୁର୍ଘଟଣାଗ୍ରସ୍ତ, ୨ ଆରୋହୀ ମୃତ
  • ||
  • ଜାନୁଆରୀ ୨୦ରୁ ହଜିଯିବ ଶୀତ, ୨୩ରୁ ବର୍ଷା !
  • ||

ଚୀନର ୩ କମ୍ପାନୀକୁ ଲାଗିଲା ଝଟ୍‌କା : ମହାରାଷ୍ଟ୍ରର ୩ ହଜାର କୋଟି ଟଙ୍କା ପ୍ରୋଜେକ୍ଟ ଉପରେ ଲାଗିଲା ରୋକ୍

22/06/2020 at 11:01 AM

ମୁମ୍ବାଇ ୨୨/୦୬ : ଲଦାଖ ଗଲୱାନ ଘାଟିରେ ଭାରତ ଚୀନ ମଧ୍ୟରେ ହୋଇଥିବା ହିଂସା ଘଟଣାରେ ଭାରତର ୨୦ ଯବାନ ଶହୀଦ ହେବା ପରେ ସାରା ଦେଶରେ ଚୀନ ବିରୋଧରେ ଲୋକଙ୍କ ଆକ୍ରୋଶ ଦେଖିବାକୁ ମିଳିଛି | ଅନେକ ଜାଗାରେ ଲୋକେ ଚୀନ ସାମଗ୍ରୀ ବହିଷ୍କାର କରିବାକୁ ଅପିଲ କରିବା ସହ ଅଭିଯାନ ମଧ୍ୟ କରୁଛନ୍ତି | ଇତି ମଧ୍ୟରେ ମହାରାଷ୍ଟ୍ର ସରକାର ଚୀନକୁ ବଡ ଝଟକା ଦେଇଛନ୍ତି | ରାଜ୍ୟ ସରକାର କେନ୍ଦ୍ର ସହ କଥାବାର୍ତ୍ତା କରି ଚୀନର ୩ କମ୍ପାନୀର ପ୍ରୋଜେକ୍ଟ ରଦ୍ଦ କରିଛନ୍ତି | ଏହି ପ୍ରୋଜେକ୍ଟ ପାଖାପାଖି ୫ ହଜାର କୋଟି ଟଙ୍କାର ଥିଲା | ବର୍ତ୍ତମାନ କେନ୍ଦ୍ର ଗାଇଡଲାଇନ ଆସିବା ପରେ ଏହି ପ୍ରସଙ୍ଗ ଉପରେ କୌଣସି ନିଷ୍ପତ୍ତି ନିଆଯିବ |   

ଯେଉଁ ପ୍ରୋଜେକ୍ଟକୁ ବନ୍ଦ କରିଦିଆଯାଇଛି ସେଥିରେ ପୁନେ ସୀମାରେ ଥିବା ତାଲେଗାଓଁରେ ଇଲେକ୍ଟ୍ରିକ ଯାନବାହାନର ଫ୍ୟାକ୍ଟ୍ରି ମଧ୍ୟ ରହିଛି | ଏହା ପାଖାପାଖି ୩ ହଜାର ୫୦୦ କୋଟି ଟଙ୍କାର ପ୍ରୋଜେକ୍ଟ ବୋଲି କୁହାଯାଉଛି | ମହାରାଷ୍ଟ୍ର ସରକାର ପୂର୍ବରୁ ୧୨ ଟି ଏମଓୟୁ ରେ ଦସ୍ତଖତ କରିଥିଲେ | ସମସ୍ତ ୩ ଚୀନ କମ୍ପାନୀର ପ୍ରୋଜେକ୍ଟକୁ ବର୍ତ୍ତମାନ ବନ୍ଦ କରିଦିଆଯାଇଛି | ୯ଟି ପ୍ରୋଜେକ୍ଟର କାମ ବର୍ତ୍ତମାନ ଜାରି ରହିଛି | ଏଥିରେ ଅନ୍ୟ ଦେଶମାନଙ୍କର କମ୍ପାନୀ ମଧ୍ୟ ସାମିଲ ରହିଛି | ସୂଚନାଯୋଗ୍ୟ ଯେ, କେନ୍ଦ୍ର ସରକାର ସମସ୍ତ ରାଜ୍ୟ ସରକାରଙ୍କୁ ଚୀନ ପ୍ରୋଜେକ୍ଟ ଉପରେ ସୂଚନା ମାଗିଥିଲେ | 

ଏହା ପୂର୍ବରୁ ଟେଲିକମ ବିଭାଗ ଭାରତ ସଞ୍ଚାର ନିଗମ ଲିମିଟେଡ଼ ୪ଜି ଅପଗ୍ରେଡେସନ ସୁବିଧାରେ ଚୀନ ସାମଗ୍ରୀ ବ୍ୟବହାର ନ କରିବାକୁ ନିଷ୍ପତ୍ତି ନେଇଥିଲା | ଟେଲିକମ ବିଭାଗ ବିଏସଏନଏଲ ସହିତ ଏ ସମ୍ପର୍କରେ ନିଜ ଟେଣ୍ଡର ଉପରେ ପୁଣିଥରେ କାମ କରିବାକୁ ନିର୍ଦେଶ ଦେଇଛି | ଦେଶର ଘରୋଇ ମୋବାଇଲ ସର୍ଭିସ ଅପରେଟର୍ସ ମଧ୍ୟ ଚୀନ କମ୍ପାନୀର ଉତ୍ପାଦ ଉପରେ କିଭଳି କମ ନିର୍ଭର କରିବେ ତା ଉପରେ ମଧ୍ୟ ଟେଲିକମ ବିଭାଗ ବିଚାର କରୁଛି | 

ଅପରପକ୍ଷରେ ଭାରତୀୟ ରେଳବାଇ ମଧ୍ୟ ଚୀନ ଉତ୍ପାଦ ବ୍ୟବହାର କରିବାକୁ ଅସ୍ବୀକାର କରିଛି | ଚୀନର କିଛି କମ୍ପାନୀ ସହିତ ଚୁକ୍ତି ମଧ୍ୟ ରଦ୍ଦ କରିଛି |  ଭାରତ ସରକାର ଘରୋଇ ଉତ୍ପାଦ ବଢାଇବା ପାଇଁ ଉଦ୍ୟମ କରୁଛନ୍ତି | ଏଥିପାଇଁ ବାଣିଜ୍ୟ ମନ୍ତ୍ରାଳୟ ଅଲଗା ଅଲଗା ଦେଶରେ ଘରୋଇ କମ୍ପାନୀ ପାଇଁ ମଉକା ଖୋଜିବା ପାଇଁ ଭାରତୀୟ ମିଶନ ସହିତ ୧୫୦୦ ପ୍ରଡକ୍ଟସର ତାଲିକା ଜାରି କରିଛନ୍ତି |

   Related Posts