Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ଚିନ୍ତା ଘାରୁଛି କରୋନା ମୃତ୍ୟୁ, ସେପଟେ ଆଜି ସୁସ୍ଥ ହୋଇ ଘରକୁ ଫେରିଲେ ଆଉ ୯୧୩ ସଂକ୍ରମିତ
  • ||
  • ଚାଷୀଙ୍କୁ କେନ୍ଦ୍ର ସରକାରଙ୍କ ସହାୟତା ନେଇ କେନ୍ଦ୍ରମନ୍ତ୍ରୀଙ୍କ ଟ୍ୱିଟ୍: ଲେଖିଲେ, ଗତ ୬ ବର୍ଷରେ ଓଡ଼ିଶାର ଚାଷୀଙ୍କୁ ୬୦ ହଜାର ୮୩୬ କୋଟି ଟଙ୍କା ଦେଇଛନ୍ତି ପ୍ରଧାନମନ୍ତ୍ରୀ ନରେନ୍ଦ୍ର ମୋଦି
  • ||
  • ରାଜ୍ୟର ୬ ବିଶ୍ବବିଦ୍ୟାଳୟରେ ନୂଆ କୁଳପତି ନିଯୁକ୍ତି: ଜାଣନ୍ତୁ କିଏ, କେଉଁଠି
  • ||
  • ବରଗଡ଼: ‘ନୋ କ୍ଲାସ୍ ନୋ ଫି’ ଦାବିରେ ଜିଲ୍ଲାପାଳଙ୍କୁ ଘେରିଲେ କଲେଜ ଛାତ୍ରଛାତ୍ରୀ
  • ||
  • ନାବାଳିକାକୁ ଦୁଷ୍କର୍ମ ପରେ ବିଷ ଦେଇ ହତ୍ୟା କରିଥିଲା ସଂପର୍କୀୟ କକା: ଏମିତି ଅଭିଯୋଗ ନେଇ ଜିଲ୍ଲାପାଳଙ୍କୁ ଘେରିଲେ ମହିଳା
  • ||
  • ମାଲକାନଗିରି :ପଡିଆ ଗୋଷ୍ଠୀ ସ୍ଵାସ୍ଥ୍ୟକେନ୍ଦ୍ର ମେଡିକାଲ ଅଫିସରଙ୍କୁ ଗିରଫ କଲା ଭିଜିଲାନ୍ସ
  • ||
  • ମାଲକାନଗିରି : ଜମିବାଡି ବିବାଦରୁ ହତ୍ୟାକାଣ୍ଡ ! ହତ୍ୟା କରି ଫିଙ୍ଗିଦେଲେ ଘର ଆଗରେ
  • ||
  • ଝାରସୁଗୁଡା : ଟେଣ୍ଟ ହାଉସ୍ ଗୋଦାମରେ ଅଗ୍ନିକାଣ୍ଡ, ୫୦ଲକ୍ଷରୁ ଅଧିକ ଟଙ୍କାର ସମ୍ପତ୍ତି ପୋଡି ଭସ୍ମୀଭୂତ
  • ||
  • ଭୁବନେଶ୍ବର : ଓଟିଭିରୁ ଇସ୍ତଫା ଦେଲେ ନିହାର ରଞ୍ଜନ ଭୂୟାଁ
  • ||
  • କଟକ : ଘରୋଇ ସ୍କୁଲ ଫି’ କମାଇବା ମାମଲା : ଫି’ କେତେ କମିବ ସତ୍ୟପାଠ ଦେବାକୁ ହାଇକୋର୍ଟଙ୍କ ନିର୍ଦ୍ଦେଶ
  • ||

ମହାରାଷ୍ଟ୍ରରେ ଛପି ରହିଥିଲେ ନିଜାମୁଦ୍ଦିନ ଫେରନ୍ତା ୫୮ ଜମାତି, ୪୦ ଜଣଙ୍କୁ ଠାବ କଲା ପୋଲିସ୍, ବାକି ରହିଲେ ୧୮

13/04/2020 at 3:04 PM

ମୁମ୍ବାଇ ୧୩।୦୪: ମହାରାଷ୍ଟ୍ରର ସ୍ଵରାଷ୍ଟ୍ର ମନ୍ତ୍ରୀ ଅନିଲ ଦେଶମୁଖ କହିଛନ୍ତି ମହାରାଷ୍ଟ୍ରରେ ନିଖୋଜ ତବଲିଗି ଜମାତର ୫୮ ସଦସ୍ୟଙ୍କ ମଧ୍ୟରୁ ୪୦ ଜଣଙ୍କୁ  ଠାବ କରି ସେମାନଙ୍କୁ ପୃଥକ ବାସରେ ରଖାଯାଇଛି। ଏହି ୫୮ ଜଣ ଗତ ମାସରେ ଦିଲ୍ଲୀର ନିଜାମୁଦ୍ଦିନରେ ଜମାତ କାର୍ଯ୍ୟକ୍ରମରେ ସାମିଲ ହୋଇଥିଲେ। ଏହି ଇସଲାମିକ ସଂଗଠନର ବାକି ୧୮ ସଦସ୍ୟ ଏବେ ମଧ୍ୟ ନିଖୋଜ ଅଛନ୍ତି ଏବଂ ସେମାନଙ୍କୁ ଖୋଜିବାକୁ ଚେଷ୍ଟା କରାଯାଉଛି। ଗତ ସପ୍ତାହ ପର୍ଯ୍ୟନ୍ତ ଏହି ସଂଠନର ୫୮ ସଦସ୍ୟ ନିଖୋଜ ଥିଲେ ଏବଂ ଅନେକ ବ୍ୟକ୍ତି ନିଜର ମୋବାଇଲ୍ ସୁଇଚ୍‌ ଅଫ୍‌ କରି ଦେଇଥିଲେ। ଏହି କାରଣରୁ ସେମାନଙ୍କୁ ଖୋଜିବା ମୁସ୍କିଲ ହୋଇଥିଲା ବୋଲି ମନ୍ତ୍ରୀ ଦେଶମୁଖ କହିଛନ୍ତି।

ସେ କହିଛନ୍ତି, ପୋଲିସ୍ ବଡ ସକ୍ରିୟତାର ସହ ପ୍ରତ୍ୟେକ ସୂଚନା ଉପରେ କାମ କଲା ଏବଂ ତବଲିଗି ଜମାତ ସମ୍ବନ୍ଧିତ  ୪୦ ଜଣଙ୍କୁ ଖୋଜି ବାହାର କରିଛି। ଏହି ସମସ୍ତଙ୍କୁ କ୍ଵାରେଣ୍ଟାଇନରେ ରଖାଯାଇଛି। ସ୍ଵାସ୍ଥ୍ୟ ବିଭାଗର ତତ୍ଵାବଧାନରେ ଏମାନଙ୍କର ନମୂନା ପରୀକ୍ଷା କରାଯାଉଛି। ମନ୍ତ୍ରୀ ଏହି ୪୦ ଲୋକଙ୍କ ବିଷୟରେ କହିଛନ୍ତି ଯେ, ଏମାନେ ସବୁ ଭାରତୀୟ। ଆମେ ସେମାନଙ୍କୁ କ୍ଵାରେଣ୍ଟାଇନରେ ରଖିବାକୁ ବୁଝେଇଥିଲୁ। ଯଦି ସେମାନଙ୍କ ମଧ୍ୟରୁ କାହାରି ଲକ୍ଷଣ ନମିଳେ ଏବଂ କରୋନା ଭାଇରସ୍‌ ପରୀକ୍ଷଣରେ ପଜିଟିଭ୍ ନଆସେ ତେବେ ସରକାରୀ ଔପଚାରିକ ପୂରଣ ପରେ ସେମାନଙ୍କୁ ଛାଡି ଦିଆଯିବ।

ସେ କହିଛନ୍ତି ଯେ, ରାଜ୍ୟର ଅଧିକାରୀ ପୂର୍ବରୁ ଏମିତି ୧୫୬ ବିଦେଶୀଙ୍କୁ ଠାବ କରିଛି ଯେଉଁମାନେ ଦିଲ୍ଲୀର ନିଜାମୁଦ୍ଦିନରେ ଧାର୍ମିକ କାର୍ଯ୍ୟକ୍ରମରେ ଯୋଗ ଦେଇଥିଲେ। ସେମାନଙ୍କ ଉପରେ ଭିସାର ଦୁରୁପଯୋଗ ସମେତ ବିଭିନ୍ନ ଅପରାଧ ନେଇ ମାମଲା ରୁଜୁ ହୋଇଛି।

   Related Posts