Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • କଟକଣା କଡାକଡି କଲା ହଙ୍ଗକଙ୍ଗ, ବାହାର ଦେଶର ନାଗରିକଙ୍କ ପ୍ରବେଶ ଉପରେ ରୋକ୍
  • ||
  • ଟଳିଗଲା ମୃତ୍ୟୁ, ଅଳ୍ପକେ ମରଣ ମୁହଁରୁ ବର୍ତ୍ତିଲେ କଲେଜ ଛାତ୍ରୀ ଓ ସ୍କୁଟି ଚାଳକ : ସିସିଟିଭିରେ ଛାତିଥରା ଦୃଶ୍ୟ
  • ||
  • ରାଜ୍ୟରେ ଆଉ ୨ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୧୧କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୨୨୮ କରୋନା ସଂକ୍ରମିତ, ୧୦୪୯୧୦୮ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୬ ହଜାରରୁ ଅଧିକ କରୋନା ପଜିଟିଭ୍, ୧୯୦ ମୃତ
  • ||
  • ହଠାତ ହେଲା ବରଫ ଝଡ, ପବ୍‌ରେ ଫସିଗଲେ ୬୧ ଗ୍ରାହକ : ୩ ଦିନ ପରେ ଉଦ୍ଧାର
  • ||
  • ମା’ ସୁରେଶ୍ୱରୀ ମନ୍ଦିରରୁ ଚୋରି, ନେଇଗଲେ ଦେବୀଙ୍କ ରୁପା ମୁକୁଟ
  • ||
  • ବୁଧବାରଠୁ କମ୍ପିବ ବିଧାନସଭା, ଅଧିବେଶନ ପୂର୍ବରୁ ରଣନୀତି ପ୍ରସ୍ତୁତ କରିବେ ଶାସକ ଓ ବିରୋଧି
  • ||
  • ଆସୁଛି ବାତ୍ୟା ‘ଜଓ୍ୱାଦ’, ୪ ତାରିଖରେ କରିବ ଲ୍ୟାଣ୍ଡଫଲ
  • ||
  • ଜଗତସିଂହପୁରରେ ‘ସାଗର କବଚ ଓଡି-୨୧’, ସମରାଭ୍ୟାସରେ ସାମିଲ ଭାରତୀୟ ତଟରକ୍ଷୀ ବାହିନୀ ଓ ମେରାଇନ୍ ପୋଲିସ
  • ||

୨ ଦିନ ପରେ ଲିଭିଲା ମୁମ୍ବାଇ ମଲ୍ ନିଆଁ, ୬ ଜଣ ଦମକଳ କର୍ମଚାରୀ ଗୁରୁତର ଆହତ

25/10/2020 at 1:21 PM

ମୁମ୍ବାଇ ୨୫/୧୦: ମୁମ୍ବାଇର ସିଟି ସେଣ୍ଟର ମଲ୍‌ରେ ଗୁରୁବାର ଲାଗିଥିବା ନିଆଁ ଆଜି (ରବିବାର) ସକାଳେ ଲିଭିଛି। ତେବେ ଏବେ ବି କୁଲିଙ୍ଗ ଅପରେସନ ଜାରି ରହିଛି। ମୁମ୍ବାଇ ଫାୟର ବ୍ରିଗେଡ କହିଛି ସିଟି ସେଣ୍ଟର ମଲ ନିଆଁକୁ ଦୀର୍ଘ ୫୬ ଘଣ୍ଟା ପରେ ଆଜି ସକାଳ ୫.୦୮ରେ ଲିଭାଇବାରେ ସକ୍ଷମ ହୋଇଛି। ମଲରେ ମୋବାଇଲ ଫୋନ, ବ୍ୟାଟେରି, ଚାର୍ଜର ଭଳି କୌଣସି ସେମିତି କିଛି ଜିନିଷ ହୁଏତ ଥିଲା ଯେଉଁଥିପାଇଁ ନିଆଁ ଲାଗିଛି।

ମଲ ନିକଟରେ ଥିବା ଏକ କୋଠାରୁ  ୩ ହଜାର ୫୦୦ ଲୋକଙ୍କୁ ସୁରକ୍ଷିତ ଭାବେ ଉଦ୍ଧାର କରାଯାଇଥିଲା। ମୁମ୍ବାଇ ସେଣ୍ଟ୍ରାଲ ଇଲାକାରେ ଥିବା ସିଟି ସେଣ୍ଟର ମଲରେ ଗୁରୁବାର ରାତି ୮ଟା ୫୦ ମିନିଟରେ ନିଆଁ ଲାଗିଥିଲା। ଏହା ସହ ମଲରେ ଥିବା ୩୦୦ ଲୋକଙ୍କୁ ମଧ୍ୟ ସୁରକ୍ଷିତ ଭାବେ ବାହାରକୁ ଅଣାଯାଇଥିଲା।

ଦମକଳର ୨୨୮ ବଡ଼ ଟ୍ୟାଙ୍କର ମୁତୟନ କରାଯାଇ ଥିଲା। ନିଆଁ ଏମିତି ରୂପ ନେଇଥିଲା ଯେ ୪୦୦ ଦୋକାନକୁ ବ୍ୟାପି ଯାଇଥିଲା। ଏହା ସହ ନିଆଁ ଝୁଲା ଉପରୁ ଖସୁଥିବାରୁ ଏଥିରେ ଦମକଳ କର୍ମଚାରୀଙ୍କୁ ଅଧିକ ହଇରାଣ ହେବାକୁ ପଡ଼ିଛି। ନିଆଁ ଲିଭାଇବା ସମୟରେ ୬ ଜଣ ଦମକଳ କର୍ମଚାରୀ ଗୁରୁତର ଆାହତ ହୋଇଛନ୍ତି। ସେମାନଙ୍କୁ ହସପିଟାଲରେ ଭର୍ତି କରାଯାଇଛି।

ନିଆଁ ମଲର ଦ୍ବିତୀୟ ମହଲାରେ ଥିବା ଏକ ମୋବାଇଲ ଦୋକାନରେ ଲାଗିଥିଲା। ଏ ମଲରେ ଥିଲା ଅଧିକାଂଶ ମୋବାଇଲ ଦୋକାନ । ଜଣେ ପୋଲିସ ଅଧିକାରୀ କହିଛନ୍ତି ମଲ୍‌ରେ ନିଆଁ ଲାଗିବାମାତ୍ରେ ସେଠାରୁ ୩୦୦ ଲୋକଙ୍କୁ ବାହାରକୁ ଅଣାଯାଇ ଥିଲା। ତେବେ ନିଆଁ ରାତି ୧୦ଟା ୪୫ ମିନିଟରେ ଦ୍ବିତୀୟ ମହଲାକୁ ବ୍ୟାପିଯାଇ ପୁଣି ତୃତୀୟ ମହଲାରେ ପହଞ୍ଚିଥିଲା। ଏବେ ସୁଦ୍ଧା ନିଆଁ ଲାଗିବାର ପ୍ରକୃତ କାରଣ ଜଣାପଡ଼ି ନାହିଁ।

   Related Posts