Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ମହାପ୍ରଭୁ ଜଗନ୍ନାଥଙ୍କୁ ଦର୍ଶନ କଲେ ମୁଖ୍ୟ ଶାସନ ସଚିବ
  • ||
  • ଜି.ଉଦୟଗିରି: ମିନିବସରେ ଲାଗିଲା ନିଆଁ
  • ||
  • ଟାଙ୍ଗୀ: ବାଲିନାଶିରେ ୨ ଭାଇଙ୍କୁ ଗୋଡ଼େଇ ଗୋଡ଼େଇ ହାଣିଲେ ଦୁର୍ବୃତ୍ତ, ଗୁରୁତର ଅବସ୍ଥାରେ ଏମ୍ସରେ ଭର୍ତ୍ତି
  • ||
  • ବଲାଙ୍ଗୀର: ବେଆଇନ୍ ବାଲି ବୋଝେଇ ଟ୍ରାକ୍ଟର ଜବତ, ମାଲିକଙ୍କ ଉପରେ ୨୦ ହଜାର ଟଙ୍କାର ଫାଇନ୍ ଲଗାଇଲେ ତହସିଲଦାର
  • ||
  • ରାଇରଙ୍ଗପୁର: କଲୋନୀରେ ଅଗ୍ନିକାଣ୍ଡ, ଜଳି ପାଉଁଶ ହୋଇଗଲା ୨ ବଖରା ଘର
  • ||
  • ନବରଙ୍ଗପୁର : ନିଖୋଜ ଯୁବକଙ୍କ ଗଳିତ ମୃତଦେହ ଉଦ୍ଧାର
  • ||
  • କାମାକ୍ଷାନଗର : ବାଇକ୍‌କୁ ଧକ୍କା ଦେଲା ହାଇଓ୍ବା, ଜଣେ ମୃତ, ଜଣେ ଗୁରୁତର
  • ||
  • ବଲାଙ୍ଗୀର: ଆକ୍ସନ ମୋଡ୍‌ରେ ପଶ୍ଚିମ ଓଡିଶା ବିକାଶ ପରିଷଦର ଅଧ୍ୟକ୍ଷ, ଆରମ୍ଭ କଲେ ନୂଆ ପ୍ରକଳ୍ପ
  • ||
  • ବରଗଡ : ବାଲି ବୋଝେଇ ଟ୍ରାକ୍ଟର ଓ ବାଇକ୍ ମୁହାଁମୁହିଁ ଧକ୍କା, ୨ ଜଣ ମୃତ
  • ||
  • ଭୁବନେଶ୍ବର : ମାଟ୍ରିକ୍ ପରୀକ୍ଷାର୍ଥୀଙ୍କୁ ମିଳିବ ‘ପରୀକ୍ଷା ଦର୍ପଣ’, ପରୀକ୍ଷା ପାଇଁ ହେବ ସହାୟକ
  • ||

ଔରଙ୍ଗାବାଦ ନାଁ ବଦଳେଇ ସଂଭାଜୀନଗର କରିବାକୁ କଂଗ୍ରେସ ଅମଙ୍ଗ, ଶିବ ସେନା ଖପ୍ପା

2/01/2021 at 8:24 PM

ମୁମ୍ବାଇ ୦୨/୦୧ : ମହାରାଷ୍ଟ୍ରରେ ସାଢେ ୩ ଶହ ବର୍ଷ ପୁରୁଣା ଇତିହାସକୁ ନେଇ ରାଜନୈତିକ ଅସ୍ଥିରତା ଦେଖାଦେଇଛି । ମୋଗଲ ଶାସକ ଔରଙ୍ଗଜେବ୍‌ ଏବଂ ମରାଠା ଶାସକ ଛତ୍ରପତି ଶିବାଜୀଙ୍କ ନାଁ କୁ ନେଇ ବିବାଦ ଦେଖାଦେଇଛି । ମହାରାଷ୍ଟ୍ରରେ ଶାସନରେ ଥିବା ମହାମେଣ୍ଟ ମଧ୍ୟରେ ବିବାଦ ଘନେଇବାରେ ଲାଗିଛି ।

ସୂଚନା ଅନୁସାରେ ଶିବ ସେନା ମହାରାଷ୍ଟ୍ରର ସାଢେ ୩ ଶହ ବର୍ଷ ପୁରୁଣା ଔରଙ୍ଗାବାଦର ନାଁ ବଦଳାଇ ସଂଭାଜୀନଗର କରିବାକୁ ଚାହୁଁଛି । କିନ୍ତୁ ଏଥିରେ ସହମତି ପ୍ରକାଶ କରୁନି କଂଗ୍ରେସ । ଏହାକୁ ନେଇ ମହାମେଣ୍ଟରେ ଥିବା ୨ ଦଳ ମଧ୍ୟରେ ବିବାଦ ଆରମ୍ଭ ହୋଇଯାଇଛି । ପୂର୍ବରୁ ଔରଙ୍ଗାବାଦର ନାଁ ଫତହନଗର ଥିଲା । ଔରଙ୍ଗଜେବ୍ ଏହାକୁ କବଜା କରିବା ପରେ ଏହାର ନାଁ ବଦଳାଇ ଔରଙ୍ଗାବାଦ ରଖିଥିଲେ । ଔରଙ୍ଗଜେବଙ୍କର ସମାଧି ମଧ୍ୟ ଔରଙ୍ଗାବାଦରେ ରହିଛି ।

୧୯୯୫ ମସିହାରେ ପ୍ରଥମେ ଶିବ ସେନା- ବିଜେପି ମେଣ୍ଟ ସରକାର ମହରାଷ୍ଟ୍ରରେ କ୍ଷମତାକୁ ଆସିବା ପରେ ତତକାଳୀନ ମୁଖ୍ୟମନ୍ତ୍ରୀ ମନୋହର ଜୋଶୀଙ୍କ କ୍ୟାବିନେଟ୍ ଔରଙ୍ଗାବାଦକୁ ସଂଭାଜୀନଗର କରିବା ପାଇଁ ପ୍ରସ୍ତାବ ପାର କରିଥିଲେ । କିନ୍ତୁ ଏହି ପ୍ରସ୍ତାବକୁ ଅଦାଲତରେ ଚ୍ୟାଲେଞ୍ଜ କରାଯାଇଥିଲା । କିନ୍ତୁ ସୁପ୍ରିମକୋର୍ଟ ଏହାର କିଛି ରାୟ ଶୁଣାଇବା ପୂର୍ବରୁ କ୍ଷମତାରେ ଥିବା ସରକାର ପରିବର୍ତ୍ତନ ହୋଇଯାଇଥିଲା ।

୧୯୯୯ ମସିହାରେ ଶିବ ସେନା-ବିଜେପି ମେଣ୍ଟ ବଦଳରେ କଂଗ୍ରେସ-ଏନସିପି ମେଣ୍ଟ କ୍ଷମତାକୁ ଆସିଥିଲେ । ନୂଆ ମୁଖ୍ୟମନ୍ତ୍ରୀ ଭାବେ ବିଳାସରାଓ ଦେଶମୁଖ ଦାୟିତ୍ବ ନେବା ପ​‌ରେ ନାଁ ବଦଳାଇବା ନେଇ ସରକାରଙ୍କ ପକ୍ଷକୁ ବଦଳାଇ ଦେଇଥିଲେ । ଏହା ପରେ ଔରଙ୍ଗାବାଦକୁ ସଂଭାଜୀନଗରେ ପରିବର୍ତ୍ତନ କରାଯାଇପାରିନଥିଲା । ତେବେ ବର୍ତ୍ତମାନ କ୍ଷମତାରେ ଥିବା ମହାମେଣ୍ଟ ଶିବ ସେନା-କଂଗ୍ରେସ-ଏନସିପି ସରକାରରେ ମଧ୍ୟ ଏନେଇ ତିକ୍ତତା ଦେଖାଦେଇଛି ।

ପୂର୍ବଭଳି କଂଗ୍ରେସ ଏହାକୁ ବିରୋଧ କରୁଥିବା ବେଳେ ମୁଖ୍ୟମନ୍ତ୍ରୀ ଉଦ୍ଧବ ଠାକରେ ଔରଙ୍ଗାବାଦର ନାଁ ବଦଳାଇ ସଂଭାଜୀନଗର କରିବା ପାଇଁ ଚାହୁଁଛି । ତେବେ ଆଗାମୀ ଦିନରେ ଏହାକୁ ନେଇ କଣ ସ୍ଥିତି ରହୁଛି ତାହା ଦେଖିବା ବାକି ରହିଲା ।

   Related Posts