Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବହ୍ମପୁର : ବୋଲେରୋ ଧକ୍କାରେ ଜଣେ ମୃତ
  • ||
  • ଆଜିଠୁ ଅନିର୍ଦ୍ଦିଷ୍ଟ କାଳ ପାଇଁ ତାଳଚେରରେ ଅର୍ଥନୈତିକ ଆନ୍ଦୋଳନ, ସମସ୍ତ ଖଣିରୁ କୋଇଲା ଉତ୍ପାଦନ ସହ ପରିବହନ ବନ୍ଦ
  • ||
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ଏବେ ଅଫିସରେ ସରକାରୀ କର୍ମଚାରୀଙ୍କ ପାଇଁ ଡ୍ରେସ୍ କୋଡ : ଆଉ ପିନ୍ଧି ପାରିବେ ନାହିଁ ଜିନ୍ସ-ଟିଶାର୍ଟ ଏବଂ ମନଇଚ୍ଛା ପୋଷାକ

13/12/2020 at 8:15 AM

ମୁମ୍ବାଇ ୧୩/୧୨: ମହାରାଷ୍ଟ୍ରର ଉଦ୍ଧବ ଠାକରେ ସରକାର ରାଜ୍ୟରେ ସରକାରୀ କାର୍ଯ୍ୟାଳୟରେ କାର୍ଯ୍ୟରତ କର୍ମଚାରୀଙ୍କ ପାଇଁ ଡ୍ରେସ୍ କୋଡ ନିର୍ଦ୍ଧାରିତ କରିଛନ୍ତି। ଏହା ଅନୁସାରେ ଏବେ ସରକାରୀ ଅଧିକାରୀ ଏବଂ କର୍ମଚାରୀ ଜିନ୍ସ,ଟି-ସାର୍ଟ ଏବଂ ଚପଲ ପିନ୍ଧି ଅଫିସ୍ ଆସି ପାରିବେ ନାହିଁ। ଏବେ ସମସ୍ତ ସରକାରୀ କର୍ମଚାରୀଙ୍କୁ ମଧ୍ୟ ଡ୍ରେସ୍ କୋଡର ପାଳନ କରିବାକୁ ହେବ। ସରକାରୀ କର୍ମଚାରୀଙ୍କୁ ଗାଢ଼ ରଙ୍ଗ,ବିଚିତ୍ର ଷ୍ଟିଚ୍ କିମ୍ବା ଫଟୋ ହୋଇଥିବା ପୋଷାକ ମଧ୍ୟ ନ ପିନ୍ଧିବାକୁ ନିର୍ଦେଶ ଦିଆଯାଇଛି। ଏହା ବ୍ୟତୀତ ସମସ୍ତ ସରକାରୀ କର୍ମଚାରୀଙ୍କୁ ପରାମର୍ଶ ଦିଆଯାଇଛି ଯେ ଅତି କମ୍‌ରେ ସପ୍ତାହରେ ଥରେ ଖଦୀ ପୋଷାକ ପିନ୍ଧାଯାଉ ଯାହା ଫଳରେ ହସ୍ତତନ୍ତକୁ ଗୁରୁତ୍ବ ଦିଆଯାଇପାରିବ।

 ମହାରାଷ୍ଟ୍ର ସରକାରଙ୍କ ତରଫରୁ ଯେଉଁ ନିର୍ଦେଶ ଜାରି କରାଯାଇଛି ତାହା ମୁତାବକ ଦେଖାଯାଇଛି ଯେ କେତେକ ଅଧିକାରୀ ଏବଂ କର୍ମଚାରୀ ସରକାରୀ କର୍ମଚାରୀ ହିସାବରେ ଉପଯୁକ୍ତ ଡ୍ରେସ୍ ପିନ୍ଧୁ ନାହାନ୍ତି ଏବଂ ଏହା ଦ୍ବାରା ସାଧାରଣ ଜନମାନସରେ ତାଙ୍କ ଛବି ଖରାପ ହେଉଛି। ଏଥିପାଇଁ ରାଜ୍ୟରେ ଏବେ ଠୁ ସରକାରୀ କର୍ମଚାରୀ ଜିନ୍ସ ଏବଂ ଟିଶାର୍ଟ ଏବଂ ଚପଲ ପିନ୍ଧି ଅଫିସ୍ ଆସି ପାରିବେ ନାହିଁ। ନିର୍ଦେଶରେ ଏହା ମଧ୍ୟ କୁହାଯାଇଛି ଯେ ସରକାରଙ୍କ ପ୍ରତିନିଧି ଭାବେ କର୍ମଚାରୀଙ୍କ ଡ୍ରେସ୍ ତାଙ୍କ ବ୍ୟକ୍ତିତ୍ବର ଗୁରୁତ୍ବପୂର୍ଣ୍ଣ ଅଂଶ।

ମହାରାଷ୍ଟ୍ରରେ ଏବେ ପୁରୁଷ କର୍ମଚାରୀ ଶାର୍ଟ-ପ୍ୟାଣ୍ଟ କିମ୍ବା ଟ୍ରାଉଜର ଭଳି ପୋଷାକ ଏବଂ ମହିଳା କର୍ମଚାରୀ ଶାଢ଼ୀ,ସଲଓ୍ବାର,ଟ୍ରାଉଜର,ପ୍ୟାଣ୍ଟ-ଶାର୍ଟ,ଚୁଡ଼ିଦାର କୁର୍ତ୍ତା ଏବଂ ଆବଶ୍ୟକ ପଡ଼ିଲେ ଓଢ଼ଣୀ ପିନ୍ଧି ଅଫିସ୍ ଆସି ପାରିବେ। ଏହା ବ୍ୟତୀତ ମହିଳା କର୍ମଚାରୀ ଚପଲ,ସ୍ୟାଣ୍ଡଲ୍ କିମ୍ବା ଯୋତା ଏବଂ ପୁରୁଷ କର୍ମଚାରୀ ଯୋତା କିମ୍ବା ସ୍ୟାଣ୍ଡଲ୍ ପିନ୍ଧି ଆସି ପାରିବେ।

ଲୋକେ ଏହି ପୂରା ପ୍ରକ୍ରିୟାକୁ ସରକାରୀ କର୍ମଚାରୀଙ୍କ ଇମେଜ ବଦଳାଇବା ହିସାବରେ ଦେଖୁଛନ୍ତି। ସେହିପରି ସରକାରଙ୍କ ମତରେ ସାଧାରଣ ଜନତାଙ୍କୁ ସରକାରୀ କର୍ମଚାରୀଙ୍କଠୁ ଭଲ ବ୍ୟବହାର ଏବଂ ବ୍ୟକ୍ତିତ୍ବର ଆଶା ରହିଥାଏ,ଏପରି କ୍ଷେତ୍ରରେ ଯଦି ଅଧିକାରୀ ଏବଂ କର୍ମଚାରୀଙ୍କ ପୋଷାକ ଅନୁପଯୁକ୍ତ ରହିବ,ତେବେ​‌ କେଉଁଠି ନା କେଉଁଠି ଏହାର କାମ ଉପରେ ପ୍ରଭାବ ପଡ଼ିଥାଏ।

   Related Posts