Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ରାଜ୍ୟରେ ଆଉ ଜଣଙ୍କ ଜୀବନ ନେଲା କରୋନା, ମୃତ୍ୟୁସଂଖ୍ୟା ୮୪୦୭କୁ ବୃଦ୍ଧି
  • ||
  • ୨୪ ଘଣ୍ଟାରେ ରାଜ୍ୟରେ ଚିହ୍ନଟ ହେଲେ ୧୯୧ କରୋନା ସଂକ୍ରମିତ, ୧୦୪୮୬୮୩ରେ ପହଞ୍ଚିଲା ସଂଖ୍ୟା
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୮ ହଜାରରୁ ଅଧିକ କରୋନା ପଜିଟିଭ୍, ୬୨୧ ମୃତ
  • ||
  • ମଝି ସମୁଦ୍ରରେ ଦୁର୍ଘଟଣା, ଧକ୍କା ହେଲା ୨ ଜାହାଜ
  • ||
  • ବାତ୍ୟାର ରୂପ ନେବ ଲଘୁଚାପ ! ଅନୁମାନ ଲଗାଇଲାଣି ଆଇଏମଡି, ରାଜ୍ୟରେ ପ୍ରବଳ ବର୍ଷା ସମ୍ଭାବନା
  • ||
  • ବାଘ ଗଣନା ବେଳେ ମିଳିଲା ମୃତଦେହ, ହତ୍ୟା ନା ଆତ୍ମହତ୍ୟା !
  • ||
  • ଶୀତ ଅଧିବେଶନ ପୂର୍ବରୁ ରବିବାର ସର୍ବଦଳୀୟ ବୈଠକ, ବିରୋଧିଙ୍କ ସହ କଥା ହେବେ ପ୍ରଧାନମନ୍ତ୍ରୀ
  • ||

ଜିଲ୍ଲାପାଳଙ୍କ ନିର୍ଦ୍ଦେଶକୁ ଅବମାନନା, ବେଆଇନ ଭାବେ ରଥ ନିର୍ମାଣ କରୁଥିବା ମହାରଣା ଅଟକ

21/06/2021 at 5:20 PM

ନୀଳଗିରି ୨୧।୬: ପ୍ରଶାସନ ନିର୍ଦ୍ଦେଶକୁ ଅବମାନନା କରି ରଥ ନିର୍ମାଣ କରୁଥିବାରୁ ଉପଜିଲ୍ଲାପାଳ ଓ ତହସିଲଦାରଙ୍କ ଚଢ଼ାଉ। ଏଭଳି ଘଟଣା ବାଲେଶ୍ଵର ଜିଲ୍ଲା ନୀଳଗିରି ଅଞ୍ଚଳରେ ଦେଖିବାକୁ ମିଳିଛି। ଗତବର୍ଷ ଭଳି ଚଳିତ ବର୍ଷ କୋଭିଡ୍ କଟକଣା ପାଇଁ ରଥଯାତ୍ରା ବନ୍ଦ ପାଇଁ ରାଜ୍ୟ ସରକାର ନିର୍ଦ୍ଦେଶ ଦେଇଥିଲେ। ଖାଲି ପୁରୀ ରଥ ପାଇଁ ଅନୁମତି ଦିଆଯାଇଥିଲା। ପରେ କଟକଣା ଭିତରେ ରଥଯାତ୍ରା ଅନୁଷ୍ଠିତ କରିବାକୁ ମଧ୍ୟ ଅଞ୍ଚଳବାସୀ ଦାବି କରିଥିଲେ। ଏପରିକି କିଛିଦିନ ତଳୁ ମନ୍ଦିର ପୂଜକ ଓ ଅଞ୍ଚଳବାସୀଙ୍କ ସହିତ ନୀଳଗିରି ରାଣୀ ମନୋଜା ମଞ୍ଜରୀ ଦେବୀ ଦୀପ ଜାଳି ଧର୍ମ ସଭା କରିଥିଲେ। କୋଭିଡ୍ ମାଜିଷ୍ଟ୍ରେଟ୍ ଏଭଳି ବେଆଇନ ଶୋଭାଯାତ୍ରା କରିବାକୁ ମଧ୍ୟ ବାରଣ କରିଥିଲେ।

ପୂର୍ବରୁ ମଧ୍ୟ ଜିଲ୍ଲାପାଳ ରଥ ନିର୍ମାଣ ବନ୍ଦ କରିବାକୁ ନିର୍ଦ୍ଦେଶ ଦେଇଥିଲେ। ଏପରିକି ଠାକୁରମାହାଲ ମ୍ୟାନେଜିଂ ଟ୍ରଷ୍ଟି ତଥା ଉପଜିଲ୍ଲାପାଳ ନୋଟିସ ମାଧ୍ୟମରେ ପତ୍ରସଂଖ୍ୟା  ୨୪୨୯ ତାରିଖ ୧୮.୬.୨୧ ରିଖ ଆଧାରରେ ରଥ ନିର୍ମାଣରୁ ନିବୃତ୍ତ ରହିବା ସହ ଅଯଥା ଗହଳି ନଜମାଇବାକୁ ନିର୍ଦ୍ଦେଶ ରହିଥିଲା। ହେଲେ ଜିଲ୍ଲାପାଳଙ୍କ ନିର୍ଦ୍ଦେଶକୁ ଖାତିର ନକରି ରଥ ନିର୍ମାଣ ଚାଲୁଥିବାରୁ ସୂଚନା ପାଇ ଉପଜିଲ୍ଲାପାଳ ହରିଶ୍ଚନ୍ଦ୍ର ଜେନା ଓ କୋଭିଡ୍ ମାଜିଷ୍ଟ୍ରେଟ ଦାୟିତ୍ବରେ ଥିବା ତହସିଲଦାର ଅଶେଷ କୁମାର ନାୟକ ପୋଲିସ ନେଇ ରଥ ନିର୍ମାଣ କରିବା ସ୍ଥାନରେ ପହଞ୍ଚିଥିଲେ। ବାରମ୍ବାର ନୋଟିସ ଦେବା ସତ୍ତ୍ବେ କାର୍ଯ୍ୟ କରୁଥିବାରୁ କାର୍ଯ୍ୟରତ ମହାରଣାଙ୍କୁ ଥାନାରେ ଅଟକ ରଖାଯାଇଛି। ଘଟଣାକୁ ନେଇ ତଦନ୍ତ ଜାରି ରହିଥିବା ବେଳେ କାର୍ଯ୍ୟରତ ମହାରଣାଙ୍କ ନାମରେ ଏତଲା ଦିଆଯାଇ ଗିରଫ କରାଯିବ ବୋଲି ଉପଜିଲ୍ଲାପାଳ ସୂଚନା ଦେଇଛନ୍ତି।

   Related Posts