Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ପାଟନା : ମେ’ ୨୫ ଯାଏଁ ରାଜ୍ୟରେ ବଢିଲା ଲକ୍‌ଡାଉନ୍, ବିହାର ମୁଖ୍ୟମନ୍ତ୍ରୀ କଲେ ଘୋଷଣା
  • ||
  • ମୁମ୍ବାଇ : ଟିଭି ଅଭିନେତା ରାଜୀବ ପାଲ୍ କରୋନା ସଂକ୍ରମିତ, ହସ୍ପିଟାଲରେ ଭର୍ତ୍ତି
  • ||
  • ନୂଆଦିଲ୍ଲୀ : ବାଜା, ବାଣ, ବରଯାତ୍ରୀ ବିନା ବାହାଘର, ବାଇକ୍‌ରେ କନ୍ୟାକୁ ସାଙ୍ଗରେ ନେଇ ଘରକୁ ଫେରିଲେ ବର
  • ||
  • ଭଦ୍ରକ : ଷଣ୍ଢ ବୋଝେଇ ପିକଅପ୍ ଭ୍ୟାନ୍ ଅଟକ ରଖିଲେ ଗ୍ରାମବାସୀ, ଗୋଟିଏ ଷଣ୍ଢ ମୃତ, ୨ଟି ଉଦ୍ଧାର
  • ||
  • ୧୦ ହଜାର ଉପରେ କରୋନା ସଂକ୍ରମଣ, ରାଜ୍ୟରେ ଗତ ୨୪ଘଣ୍ଟାରେ ବାହାରିଲେ ୧୦୬୪୯ ପଜିଟିଭ୍
  • ||
  • ମାଡି ଆସୁଛି ବାତ୍ୟା ‘ତଉକ୍ତେ’, ଓଡିଶା ଉପରେ କଣ ରହିବ ପ୍ରଭାବ
  • ||
  • ପ୍ରଧାନମନ୍ତ୍ରୀଙ୍କୁ ଚିଠି ଲେଖିଲେ ୧୨ ବିରୋଧି ଦଳ, ମାଗଣା ଟିକା ସହ ବେରୋଜଗାରୀଙ୍କୁ ଭତ୍ତା ଦେବାକୁ ରଖିଲେ ଦାବି
  • ||
  • ପଶ୍ଚିମ ଓଡିଶାରେ କରୋନା ପରିଚାଳନା ଦାୟିତ୍ୱ ନେବ ଡବ୍ଲ୍ୟୁଓଡିସି, ୧୦ ଜିଲ୍ଲାକୁ ଦେଲା ୨୫ କୋଟି ଟଙ୍କା
  • ||
  • ଅମାନିଆଙ୍କୁ ସାବାଡ୍ କରିବାକୁ ଯାଇଥିଲେ, ତହସିଲଦାରଙ୍କୁ ବାଟୁଳି ମାଡ କଲେ ଲୋକେ
  • ||
  • କବର ଦେବାକୁ ଘରେ ନଥିଲେ କେହି ପୁରୁଷ, ପିପିଇ କିଟ୍ ପିନ୍ଧି ମୁସଲିମ୍ ବୃଦ୍ଧଙ୍କ ଶେଷକୃତ୍ୟ ସମ୍ପନ୍ନ କଲେ ବିଡିଓ
  • ||

ଏଣିକି ଥାଳି ଦରରେ ମିଳିବ ମହାପ୍ରଭୁଙ୍କ ମହାପ୍ରସାଦ

13/09/2018 at 12:42 PM

ପୁରୀ ୧୩/୯ : ଶ୍ରୀମନ୍ଦିର ଆନନ୍ଦବଜାରରେ ଏଣିକି ଭକ୍ତଙ୍କ ପାଇଁ ବିକ୍ରି ହେଉଥିବା ମହାପ୍ରସାଦ କୁଡ଼ୁଆରେ ଲାଗିବ ରେଟ୍ ଟ୍ୟାଗ୍ । ଥାଳି ଦରରେ ମିଳିବ ମହାପ୍ରସାଦ । ଶ୍ରୀମନ୍ଦିର ପ୍ରଶାସନର ଏଭଳି ନିଷ୍ପତ୍ତିରେ ସହମତି ପ୍ରକାଶ କରିଛି ମହାସୁଆର ନିଯୋଗ । ଏଥି ସହ ଆନନ୍ଦବଜାର ଭିତରେ ଅବଢ଼ା ବିକ୍ରି ପାଇଁ ନିର୍ମାଣ ହେବ ୪୦ଟି ସେଡ୍ । ସେହିଭଳି ବାସି ମହାପ୍ରସାଦ ବିକ୍ରି ଉପରେ କଡ଼ା କଟକଣା ଜାରି କରାଯିବା ସହ ମହାପ୍ରସାଦର କ୍ବାଲିଟି ଉପରେ ଦିଆଯିବ ଅଧିକ ଗୁରୁତ୍ବ ।
ମହାବାହୁଙ୍କ ମହାପ୍ରସାଦ ଟିକିଏ ପାଇବାକୁ ଭକ୍ତର ବ୍ୟାକୁଳତାକୁ ଏବେ ବୁଝିଛି ପ୍ରଶାସନ । ବୁଝିଛନ୍ତି ସେବାୟତ । ଖାସ୍ ସେଇଥି ପାଇଁ ତ ଏବେ ଶ୍ରୀମନ୍ଦିରରେ ଭକ୍ତଙ୍କୁ କିଭଳି ଉଚିତ୍ ମୂଲ୍ୟରେ ମହାପ୍ରସାଦ ମିଳିବ ସେ ନେଇ ପ୍ରସ୍ତୁତ ହୋଇଛି ବିଧିବ୍ୟବସ୍ଥା । ଆନନ୍ଦ ବଜାରରେ ଏଥର ଥାଳି ଦରରେ ମିଳିବ ମହାପ୍ରସାଦ । ତେବେ ମହାପ୍ରସାଦ ଥାଳିର ତିନି ପ୍ରକାର ମୂଲ୍ୟ ଧାର୍ଯ୍ୟ କରାଯାଇଛି । ୭୦, ୮୦ ଏବଂ ୧୨୦ଟଙ୍କା ଥାଳି ଦରରେ ଅବଢ଼ା କିଣି ସେବନ କରିପାରିବେ ଭକ୍ତ । କେଉଁ ଥାଳିରେ କ’ଣ ମହାପ୍ରସାଦ ରହିବ ତା’ର ତାଲିକା ରହିବ । ସେହିଭଳି କୁଡ଼ୁଆ ଫଟୋ ସହିତ ଦର ତାଲିକା ଆନନ୍ଦ ବଜାର ସମେତ ବାଇଶି ପାହାଚ ଓ ଶ୍ରୀମନ୍ଦିର ଚାରି ଦ୍ବାରରେ ଲାଗିବ । ପ୍ରଶାସନର ଏଭଳି ନିଷ୍ପତ୍ତିରେ ସହମତି ପ୍ରକାଶ କରିଛି ମହାସୁଆର ନିଯୋଗ ।
କେବଳ ଥାଳି ଦରରେ ମହାପ୍ରସାଦ ମିଳିବ ତା’ ନୁହେଁ, ବରଂ ଅବଢ଼ାର କ୍ବାଲିଟି ଉପରେ ମଧ୍ୟ ଅଧିକ ଗୁରୁତ୍ବ ଦିଆଯିବ । ସେହିଭଳି ବାସି ମହାପ୍ରସାଦ ବିକ୍ରି ଉପରେ କଡ଼ା କଟକଣା ଲଗାଯିବା ସହ ଯେଭଳି କୌଣସି ଅଣସେବକ ମହାପ୍ରସାଦ ବିକ୍ରି କରିପାରିବେ ନାହିଁ ସେଥି ପ୍ରତି ଦୃଷ୍ଟି ଦିଆଯିବ । ଆନନ୍ଦ ବଜାରରେ ଏଣିକି ସୁଆରମାନେ ମନଇଚ୍ଛା ଜରିପାଲ ଟାଣି ପାରିବେ ନାହିଁ । ଏହା ଦ୍ବାରା ସୌନ୍ଦର୍ଯ୍ୟ ନଷ୍ଟ ହେଉଥିବାରୁ ଆନନ୍ଦବଜାର ଭିତରେ ଶ୍ରୀମନ୍ଦିର ପ୍ରଶାସନ ପକ୍ଷରୁ ୪୦ଟି ସେଡ୍ ନିର୍ମାଣ କରାଯିବ । ଶ୍ରୀମନ୍ଦିର ପ୍ରଶାସନର ଏଭଳି ବ୍ୟବସ୍ଥାକୁ ସ୍ବାଗତ କରିଛନ୍ତି ସେବାୟତ ।
ଶ୍ରୀମନ୍ଦିର ସଂସ୍କାର ନେଇ ସୁପ୍ରିମକୋର୍ଟଙ୍କ ନିର୍ଦେଶ ପରେ ଏବେ ଶ୍ରୀମନ୍ଦିର ପ୍ରଶାସନ ଆଉ ସେବାୟତମାନେ ମିଳିତ ଭାବେ ତତ୍ପରତା ଦେଖାଇଛନ୍ତି । ମହାପ୍ରଭୁ ଓ ମହାପ୍ରସାଦ ପ୍ରତି ଭକ୍ତଙ୍କ ଭାବାବେଗକୁ ଗୁରୁତ୍ବ ଦିଆଯାଇଥିବାରୁ ବିଭିନ୍ନ ମହଲରେ ଏହାକୁ ପ୍ରଶଂସା କରାଯାଇଛି ।

   Related Posts