Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ନୂଆଦିଲ୍ଲୀ : ୩ ବର୍ଷରେ ପୂରା ହେବ ରାମ ମନ୍ଦିର ନିର୍ମାଣ
  • ||
  • ପୁଣି ନବୀନ ପଟ୍ଟନାୟକ ଏକ ନମ୍ବର, ଲୋକପ୍ରିୟ ମୁଖ୍ୟମନ୍ତ୍ରୀ ତାଲିକାର ଶୀର୍ଷରେ
  • ||
  • ଢେଙ୍କାନାଳ : କଳିଙ୍ଗ ଝୋଟ କାରଖାନାରେ ଅଘଟଣ, ମେସିନରେ ଚାପି ହୋଇ ଶ୍ରମିକ ମୃତ
  • ||
  • ଭଞ୍ଜନଗର : ଘରୋଇ କଳି ହେଲା କାଳ, ଦାଦାର ଛୁରାମାଡ଼଼ରେ ଝିଆରୀ ଆହତ
  • ||

ମହିଳାଙ୍କୁ ଗଣଦୁଷ୍କର୍ମ ଓ ହତ୍ୟା ଘଟଣାରେ ମହନ୍ତ ଗିରଫ : ଗୁପ୍ତାଙ୍ଗରେ ଭର୍ତ୍ତି କରି ଦେଇଥିଲେ ଲୁହା ରଡ୍

8/01/2021 at 8:25 AM

ବଦାୟୁ ୮।୧: ଉତ୍ତରପ୍ରଦେଶ ବଦାୟୁରେ ବୀଭତ୍ସ ଗଣଦୁଷ୍କର୍ମ ଓ ହତ୍ୟା ଘଟଣାର ମୁଖ୍ୟ ଅଭିଯୁକ୍ତ ମହନ୍ତ ସତ୍ୟନାରାୟଣକୁ ଗିରଫ କରିଛି ପୋଲିସ । ମହିଳାଙ୍କୁ ଗଣଦୁଷ୍କର୍ମ ପରେ ହତ୍ୟା କରିଥିବା ଅଭିଯୋଗରେ ମହନ୍ତଙ୍କୁ ଗିରଫ କରାଯାଇଛି । ଅଭିଯୁକ୍ତ ଯେଉଁ ଗାଁରେ ଏହି ଜଘନ୍ୟ କାଣ୍ଡ ଘଟାଇଥିଲା ସେହି ଗାଁରେ ଲୁଚି ରହିଥିଲା । ଏହି ଘଟଣାରେ ସାମିଲ ଥିବା ଅନ୍ୟ ଦୁଇ ଅଭିଯୁକ୍ତକୁ ପୋଲିସ ପୂର୍ବରୁ ଗିରଫ କରିସାରିଥିଲା । ସତ୍ୟନାରାୟଙ୍କ ମୁଣ୍ଡ ଉପରେ ୫୦ ହଜାର ଟଙ୍କାର ପୁରସ୍କାର ମଧ୍ୟ ଘୋଷଣା କରିଥିଲା ପୋଲିସ ।

ଅଭିଯୁକ୍ତମାନେ ଜାନୁଆରୀ ୩ ତାରିଖରେ ଏଭଳି ଜଘନ୍ୟ ଗଣଦୁଷ୍କର୍ମ ଓ ହତ୍ୟା ଘଟଣା ଘଟାଇଥିଲେ । ଘଟଣା ପରଠାରୁ ମୁଖ୍ୟ ଅଭିଯୁକ୍ତ ମହନ୍ତ ସତ୍ୟନାରାୟଣ ଫେରାର ଥିଲା । ସତ୍ୟନାରାୟଣଙ୍କୁ ଖୋଜିବା ପାଇଁ ୟୁପି ପୋଲିସର ସ୍ପେଶାଲ ଟିମ୍ ଗଠନ କରାଯାଇଥିଲା । ଉତ୍ତରପ୍ରଦେଶ ପୋଲିସର ୪ଟି ଟିମ୍ ବିଭିନ୍ନ ସ୍ଥାନରେ ଛାନଭିନ୍ କରି ଗୁରୁବାର ରାତିରେ ସତ୍ୟନାରାୟଣକୁ ଗିରଫ କରିଛି । ଯେଉଁ ଗାଁରେ ଏହି ଜଘନ୍ୟକାଣ୍ଡ ଘଟାଇଥିଲା ସେହି ଗାଁରେ ମହନ୍ତ ଲୁଚି ରହିଥିବା ବେଳେ ଗିରଫ କରିଛି ପୋଲିସ । ପୋଲିସ ଅଭିଯୁକ୍ତକୁ ପଚରାଉଚରା ଜାରି ରଖିଛି ।

ବଦାୟୁ ଗଣଦୁଷ୍କର୍ମ ଓ ହତ୍ୟା ଘଟଣା ଅତି ବୀଭତ୍ସ ଥିଲା । ଅଭିଯୁକ୍ତମାନେ ପୀଡିତାଙ୍କ ଗୁପ୍ତାଙ୍ଗରେ ରଡ୍ ଭର୍ତ୍ତି କରିଦେଇଥିଲେ । ମହିଳାଙ୍କ ଗୋଡ ମଧ୍ୟ ଭାଙ୍ଗିଯାଇଥିଲା । ଶରୀରର ବିଭିନ୍ନ ସ୍ଥାନରେ କ୍ଷତ ସୃଷ୍ଟି ହୋଇଥିଲା । ଏପରିକି ତାଙ୍କ ଫୁସଫୁସରେ ମଧ୍ୟ ଆଘାତ ଲାଗିଥିଲା । ଏହି ଗଣଦୁଷ୍କର୍ମ ଓ ହତ୍ୟା ଘଟଣା ଦିଲ୍ଲୀ ନିର୍ଭୟାକାଣ୍ଡକୁ ପୁଣି ଥରେ ମନେପକାଇ ଦେଇଥିଲା ।

   Related Posts