Prameya News7

Prameya News7, News7 Odia, Odisha Latest News, Odisha Current Headlines, Odisha News Online

ପ୍ରମୁଖ ଖବର
  • ବିଜେଡିରେ ମିଶିବେ ପ୍ରଦୀପ ମାଝୀ, କହିଲେ ନବୀନଙ୍କ ହାତମୁଠା ଟାଣ କରିବି
  • ||
  • ଆଇଆଇଟି ଜମ୍ମୁର ନୂତନ ଗୃହ ଲୋକାର୍ପଣ କରିବେ ଗୃହମନ୍ତ୍ରୀ ଅମିତ ଶାହ, ଉପସ୍ଥିତ ରହିବେ କେନ୍ଦ୍ର ଶିକ୍ଷାମନ୍ତ୍ରୀ ଧର୍ମେନ୍ଦ୍ର ପ୍ରଧାନ
  • ||
  • ରାଜ୍ୟରେ କମୁଛି କରୋନା ଗ୍ରାଫ୍: କୋଭିଡ୍ ନେଲା ଆଉ ୪ ଜଣଙ୍କ ଜୀବନ
  • ||
  • ଉପରତଳ ହେଉଛି କରୋନା ଗ୍ରାଫ୍ : ୨୪ ଘଣ୍ଟାରେ ବାହାରିଲେ ୪୪୭ କୋଭିଡ୍ ପଜିଟିଭ୍
  • ||
  • ଦେଶରେ ୨୪ ଘଣ୍ଟାରେ ବାହାରିଲେ ୧୫ ହଜାରରୁ ଅଧିକ କରୋନା ପଜିଟିଭ୍, ୫୬୧ ମୃତ
  • ||
  • ଚିଲିକାକୁ ଆସିଲେଣି ବିଦେଶୀ ପକ୍ଷୀ, ସୁରକ୍ଷା ପାଇଁ ବନ ବିଭାଗ ପ୍ରସ୍ତୁତ
  • ||
  • ଲକ୍ଷ୍ମୀପୁର ହିଂସାର ମୁଖ୍ୟ ଅଭିଯୁକ୍ତ ଆଶିଷ ମିଶ୍ରାଙ୍କୁ ଡେଙ୍ଗୁ, ଚିକିତ୍ସା ପାଇଁ ହସ୍ପିଟାଲରେ ଭର୍ତ୍ତି
  • ||
  • କମୁଛି ତାପମାତ୍ରା, ଦାରିଙ୍ଗିବାଡିରେ ୧୧ ଡିଗ୍ରୀକୁ ଖସିଲା ପାରଦ
  • ||
  • ସୁପର ସଣ୍ଡେରେ ସୁପର ମୁକାବିଲା : ଟି୨୦ ବିଶ୍ୱକପରେ ଭାରତ-ପାକିସ୍ତାନ ହାଇଭୋଲଟେଜ୍ ଫାଇଟ୍
  • ||

ମହନ୍ତ ନରେନ୍ଦ୍ର ଗିରି ମୃତ୍ୟୁ ମାମଲା : ଆନନ୍ଦ ଗିରି ସମେତ ୩ଅଭିଯୁକ୍ତଙ୍କ ସାତ ଦିନିଆ ସିବିଆଇ ରିମାଣ୍ଡକୁ ମଞ୍ଜୁରୀ

27/09/2021 at 8:51 PM

ଲକ୍ଷ୍ନୌ ୨୭/୦୯ : ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁ ମାମଲାରେ ଗିରଫ ହୋଇଥିବା ଆନନ୍ଦ ଗିରିଙ୍କ ସମେତ ତିନି ଅଭିଯୁକ୍ତଙ୍କୁ ୭ ଦିନିଆ ସିବିଆଇ ରିମାଣ୍ଡରେ ନିଆଯିବ । ସିବିଆଇର ଆବେଦନ ପରେ ୩ ଜଣଙ୍କୁ ରିମାଣ୍ଡରେ ନେବାକୁ ନିର୍ଦ୍ଦେଶ ଦେଇଛନ୍ତି ପ୍ରୟାଗରାଜ ସିଜେଏମ୍ କୋର୍ଟ। ରିମାଣ୍ଡରେ ନେବା ପୂର୍ବରୁ ଭିଡିଓ କନଫରେନ୍ସିଂ ଜରିଆରେ ତିନି ଅଭିଯୁକ୍ତ ଆନନ୍ଦ ଗିରି, ଆଧ୍ବା ତିୱାରୀ ଏବଂ ତାଙ୍କ ପୁଅ ସନ୍ଦୀପ ତିୱାରୀଙ୍କୁ ଜେରା କରିଛନ୍ତି କୋର୍ଟ । ଏହି ତିନି ଅଭିଯୁକ୍ତ ରିମାଣ୍ଡକୁ ବିରୋଧ କରିନାହାନ୍ତି ବରଂ ଦୁଇ କିମ୍ବା ତିନି ଦିନର ରିମାଣ୍ଡ ପାଇଁ ଅନୁମତି ଦେବାକୁ କୋର୍ଟଙ୍କୁ ଅନୁରୋଧ କରିଥିଲେ ।

ରିମାଣ୍ଡ ଅବଧି ବେଳେ ଥାର୍ଡ ଡିଗ୍ରୀ ଦିଆଯାଇପାରିବ ନାହିଁ ବୋଲି କୋର୍ଟ ସିବିଆଇକୁ ନିର୍ଦ୍ଦେଶ ଦେଇଛନ୍ତି । ଏହା ବ୍ୟତୀତ ତିନିଜଣଙ୍କୁ ଜେଲରୁ ନେବା ଏବଂ ରିମାଣ୍ଡ ପରେ ଆଣିବା ବେଳେ ମେଡିକାଲ ଟେଷ୍ଟ କରାଯିବ ବୋଲି କୋର୍ଟ କହିଛନ୍ତି । ରିମାଣ୍ଡ ଅବଧି ୨୮ ସେପ୍ଟେମ୍ବର ସକାଳ ୯ ଟାରୁ ୪ ଅକ୍ଟୋବରରେ ଅପରାହ୍ନ ୫ଟା ପର୍ଯ୍ୟନ୍ତ ସ୍ଥିର କରାଯାଇଛି । ତିନିଜଣଙ୍କ ରିମାଣ୍ଡକୁ ନେଇ ଅଭିଯୁକ୍ତଙ୍କ ଓକିଲ ଏବଂ ସିବିଆଇ ମଧ୍ୟରେ ଦୀର୍ଘ ସମୟ ଯୁକ୍ତିତର୍କ ଜାରି ରହିଥିଲା । କୋର୍ଟରେ ଆନନ୍ଦ ଗିରିଙ୍କ ଓକିଲ ସିବିଆଇ ହେପାଜତକୁ ବିରୋଧ କରିଥିବା ସହ ଭିଡିଓ କନଫରେନ୍ସିଂ ଜରିଆରେ ଆନନ୍ଦ ଗିରି ଏବଂ ତାଙ୍କ ଅନ୍ୟ ୨ ଜଣଙ୍କୁ ପଚରାଉଚରା କରାଯାଉ ବୋଲି ଯୁକ୍ତି ବାଢିଥିଲେ ।

ସପ୍ତାହେ ପୂର୍ବରୁ ବାଘମ୍ବରୀ ମଠରୁ ମହନ୍ତ ନରେନ୍ଦ୍ର ଗିରିଙ୍କ ମୃତଦେହ ଝୁଲନ୍ତା ଅବସ୍ଥାରେ ଉଦ୍ଧାର ହୋଇଥିଲା । ଏହା ସହିତ ମୃତଦେହ ନିକଟରୁ ଏକ ହାତଲେଖା ଚିଠି ମଧ୍ୟ ଜବତ ହୋଇଥିଲା । ଏଥିରେ ଶିଷ୍ୟ ଆନନ୍ଦ ଗିରିଙ୍କ ବ୍ୟତୀତ ହନୁମାନ ମନ୍ଦିରର ପୁରୋହିତ ଆଧ୍ବା ତିୱାରୀ ଏବଂ ତାଙ୍କ ପୁଅ ସନ୍ଦୀପ ତିୱାରୀ ହଇରାଣ କରୁଥିବା ଉଲ୍ଲେଖ ରହିଥିଲା । ସୁଇସାଇଡ୍‌ ନୋଟରେ ଆନନ୍ଦ ଗିରି, ମହନ୍ତ ନରେନ୍ଦ୍ର ଗିରିଙ୍କୁ ଜଣେ ଯୁବତୀଙ୍କ ସହ ଆପତ୍ତିଜନକ ଭିଡିଓ କରି ତାଙ୍କୁ ବ୍ଲାକମେଲ କରୁଥିବା ମଧ୍ୟ ଲେଖିଥିଳେ । ପୋଲିସ ସେହି ଦିନ ହିଁ ଆନନ୍ଦ ଗିରିଙ୍କୁ ହରିଦ୍ୱାରରୁ ଗିରଫ କରିଥିଲା । ପରଦିନ ଆଧ୍ବା ତିୱାରୀ ଏବଂ ତାଙ୍କ ପୁଅ ସନ୍ଦୀପଙ୍କୁ ଗିରଫ କରି ଜେଲକୁ ପଠାଇଥିଲା ପୋଲିସ ।

ମହନ୍ତ ନରେନ୍ଦ୍ର ଗିରିଙ୍କ ମୃତ୍ୟୁକୁ ନେଇ ଅନେକ ରହସ୍ୟମୟ ପରିସ୍ଥିତିକୁ ଦୃଷ୍ଟିରେ ରଖି ପ୍ରଥମେ ଏସଆଇଟିକୁ ତଦନ୍ତ ପାଇଁ ନିର୍ଦ୍ଦେଶ ଦିଆଯାଇଥିଲା । କିନ୍ତୁ ପରେ ତଦନ୍ତ ଭାର ସିବିଆଇକୁ ହସ୍ତାନ୍ତର କରାଯାଇଥିଲା । ଏହାର ଗୋଟିଏ ଦିନ ପୂର୍ବରୁ ସିବିଆଇ ମଠରେ ପହଞ୍ଚି ଘଟଣାର ଛାନ୍‌ଭିନ୍ କରିଥିଲା। ମଠର ଲୋକଙ୍କୁ ମଧ୍ୟ ପଚରାଉଚରା କରାଯାଇଥିଲା।

   Related Posts