ନିଶ୍ଚିନ୍ତକୋଇଲି ୮।୧: ମାହାଙ୍ଗା ଡବଲ ମର୍ଡର ଘଟଣାରେ ଗୁରୁବାର ଗିରଫ ହୋଇଥିବା ଉମେଶ ଖଟୁଆ ଓରଫ୍ ନିଧିକୁ ମାହାଙ୍ଗା ପୋଲିସ ବିଭିନ୍ନ ସ୍ଥାନକୁ ନେଇ ହତ୍ୟାକାଣ୍ଡରେ ବ୍ୟବହୃତ ଜିନିଷ ଜବତ କରିଥିବା ସୂଚନା ମିଳିଛି । କୋର୍ଟ ଚାଲାଣ ବେଳେ ମୁଖ୍ୟ ଅଭିଯୁକ୍ତ ପଞ୍ଚାନନ ସେଠୀର ବୟାନକୁ ଭିତ୍ତି କରି ଉମେଶ ଖଟୁଆକୁ ଗୁରୁବାର ରାଜଗାଙ୍ଗପୁରରୁ ଗିରଫ କରିଥିଲା କଟକ ଗ୍ରାମାଞ୍ଚଳ ପୋଲିସ । ଏହି ହତ୍ୟାକାଣ୍ଡରେ ସିଧାସଳଖ ଉମେଶ ସଂପୃକ୍ତ ଥିବା କଥା ମୁଖ୍ୟ ଅଭିଯୁକ୍ତ ପଞ୍ଚାନନ ସେଠୀ ପୋଲିସ ଆଗରେ ସୂଚନା ଦେଇଥିବା ବିଶେଷ ସୂତ୍ରରୁ ଜଣାପଡିଛି । ଅନ୍ୟ ଅଭିଯୁକ୍ତମାନଙ୍କୁ ଗିରଫ କରିବା ପାଇଁ ବିଭିନ୍ନ ଆଡେ ୫ଟି ସ୍ପେଶାଲ ସ୍କ୍ବାର୍ଡ ପ୍ରୟାସ ଜାରି ରଖିଛି ।